7月初在Walmart看見有用完即棄口罩賣，但真心貴呀，中國製兼夾非內科口罩，索價$4x+13%稅加紙一盒。其實近兩三個月，本地許多商店也有得賣(中國製)口罩啦，價錢都算可接受，一盒50個，約$1x-$3x加紙不等。不過，到7月尾時，見Walmart口罩回落到$2x加紙一盒，咁都算正常返啲。題外話，本地於七月上旬亦已實施了全民戴罩措施。
講起疫情，唔知香港搭電梯有冇人數限制呢？多倫多大廈大都設有人數管制，同一升降機內只能同時有三人面壁
7月中，海豚兒公司部門經理上門送貨，給海豚兒等低級職員送來有趣小玩意，當中牙仔(stress molar)最得主子歡心，牙仔已化身為伴工，在主子書桌，每天倍伴主子返工，心得主子喜愛。
7月31起，多倫多踏入重啟經濟第三階段，餐廳食肆的室內範圍，終於可以照常營業。當然枱與枱距離有管制，食客也要乖乖留在座位上，不可四處走動，對很多本地人來說，這絕對是一個大喜訊。而海豚兒和Mr. Dolphin暫時還未打算在外用餐，只襯長週末的星期五晚上點了泰菜外賣。食物「泰」好味，包括有青咖哩雞、Pad Thai、Khao Soi，但忘了影相，只意思意思影了好好味椰子斑蘭味雪糕和本來點了泰式奶茶味雪糕卻誤變成了泰式奶茶飲品。^^”
恭喜餐廳可以重開，希望之前無令太多餐廳結業啦。
回覆刪除你要長期食藥，如果啲藥效未穩定，都係小心啲唔好出街食住喇。
餐廳正式重開，真係多咗人外出用膳，整個城市都即刻生猛哂，其實有啲餐廳喺疫情一開始已決定結業，好可惜呢！
刪除謝謝妳，對呀，我倆都算係高危人士，所以暫時都未會外出用餐，只係驚主子遲下要返office上班。
送啲小禮物，好可愛喎
回覆刪除雖然唔係啲值錢野，但都真係幾窩心，而且高層會落手落腳親自送貨。
刪除真心唔想買某地方製造嘅口罩
回覆刪除前兩日睇到鄭敬基 YouTube, 佢去左間酒樓食點心, 老闆開番堂食反而蝕得仲多
M2，最近仲有啲攞你命3000經歷，買Made in Canada口罩，來貨竟然變成Made in China，難度要學識將MIC拉闊啲黎睇。
刪除無計啦，呢度稅重所以人工貴，但好似個老板咁講，個個都開返堂食，想唔開都唔得。
如果我WFH，我唔會搵自己假放。 費事浪費，反正我都無地方去。
回覆刪除英國口罩價都回落，99% 都係大陸製造。
我公司電梯就打個十字，一人企一角。
英國在今日安排有參與 project 的餐廳，給他們津貼，然後賣比市民有折扣。
公司要求唔放唔得呢，因為2020年度嘅假一定要年底前清，又唔可以所有人一齊放，所以夏天起就“鼓勵”大家放下假。
刪除係呀係呀，價錢最大回落都係大陸貨，但坦白講，真心唔想買/用。
電梯本身咁細，其實點企都覺得怪怪，有時搭完一程都無其他人進出，反而有啲如釋重負嘅感覺。
我睇咗妳嗰篇，其實心情真係幾茅盾，又想經濟有起色，又怕有第二三四五六波出現，唉！
部門經理上門送禮物咁有心！
回覆刪除我暫時都未要返工，據說重開後一部𨋢最多四個人。但其實同事們最擔心唔係撘公司𨋢上辦公室，而係撘公共交通工具返工囉 （公司部𨋢相對來說好乾浄...）
係呀，我部門嘅管理層都係較人性化，真係好難得，亦希望佢地可以留耐啲，照住我地班細嘅。
刪除我本身住大廈，所以每次出入都要搭𨋢，雖然話室內要戴口罩，但始終都有人唔戴罩出入，所以搭𨋢都會驚驚地，坦白講，如果要搭公共交通工具上落班，風險真係相對大好多，可惜要揾食，有時都無得㨂，唯有自己小心啲。
香港搭電梯又冇人數限制喎！如果有我真係一個鐘都返唔到屋企！
回覆刪除自3月中封城起，我棟大廈真係少咗人出入，而且呢棟大廈好多有小朋友家庭，所以停課後就無家長接送細路，加上好多人wfh，依家搭𨋢反而輕鬆過以前。
刪除有bottle thai iced tea 又幾好wor...我都想試下。
回覆刪除而家好多social distance sticker 係地下。 不過都要有人follow 先得。 好彩nyc d 人尚算ok. 但當然有少數人都係maskless 架啦。 自己protect 好自己就算啦。
Thai iced tea係幾好味，但幾日後發現餐廳廚房員工確診，我都驚驚地。^^”
刪除我地呢度實施咗室內公眾場合同公共交通工具內必須戴口罩，除咗小朋友或有病又戴唔到口罩嘅人，就連我住嘅大廈上兩星期都出咗通告話共用空間要配戴口罩，不過都唔係個個有戴，自己戴住心理上就覺得穩陣啲。
唔好買貴罩呀，依家HK口罩價錢已經全面回落，我過來時再帶多幾盒俾妳～
回覆刪除疫情中最緊要識自我調節心情，加油＋保重！
多謝妳呀，其實如果唔洗返辦公室，我地嘅存貨已經夠用成年，因為平時除咗買餸，基本上都甚少出去。
刪除大家咁話，心情雖然偶爾有起落，最緊要識得氹下自己，好在我地依然都係鍾意以食物(自己煮...我已經唔敢講係美食)作強心針。:)
如果無其他國家製, 其實都要照買住先~
回覆刪除肥人屋企大部份都係香港及台灣製造..見到係MIC就會放低lu!
就算係誠哥出都好...
對，一開始貨源不足，我地都係Made in China(MIC)都照買黎用，後來多咗選擇，情願貴啲，我都會買Made in Canada(MIC)，雖然最終都係MIC，哈哈！
刪除香港依家出到五花八門仲好鬼靚添呢！