某日返工中途，聽到窗外有點聲音。。。
抬頭就看見窗外有人正在抹玻璃，這項清潔工作，大廈通常每年進行一次，平常未必會遇上，今個夏天在家工作，就看著他們，上上落落、來來回回抹玻璃，而且都抹得幾乾淨架。
在家工作另一好處是，送貨上門也變得方便，遇上重物的話，倉務部同事Mr. Dolphin在就可以肩負擔擔抬抬的工作，接待員同事海豚兒就只需要輕輕推著大門，方便同事出入。早前在網上買了一個矮櫃放東西，圖為維修部同事Mr. Dolphin拼命裝嵌，庶務部同事海豚兒坐在旁，邊上網邊打氣，哈哈。
採購部同事海豚兒，上星期去中超買餸時，發現原來中秋節月餅已經上架，就特意拍下來和大家分享，看看在多倫多的月餅選擇：港式、廣式、傳統、新派、奶黃、冰皮、甚至超市自家品牌都有，雖然款式未及老家多樣化，但也很不錯啦。始終居住在多倫多的唐人不少，較大路的亞洲食品，一般也不缺。
大家今年又會否買月餅應節呢？:)
抬頭就看見窗外有人正在抹玻璃，這項清潔工作，大廈通常每年進行一次，平常未必會遇上，今個夏天在家工作，就看著他們，上上落落、來來回回抹玻璃，而且都抹得幾乾淨架。
在家工作另一好處是，送貨上門也變得方便，遇上重物的話，倉務部同事Mr. Dolphin在就可以肩負擔擔抬抬的工作，接待員同事海豚兒就只需要輕輕推著大門，方便同事出入。早前在網上買了一個矮櫃放東西，圖為維修部同事Mr. Dolphin拼命裝嵌，庶務部同事海豚兒坐在旁，邊上網邊打氣，哈哈。
採購部同事海豚兒，上星期去中超買餸時，發現原來中秋節月餅已經上架，就特意拍下來和大家分享，看看在多倫多的月餅選擇：港式、廣式、傳統、新派、奶黃、冰皮、甚至超市自家品牌都有，雖然款式未及老家多樣化，但也很不錯啦。始終居住在多倫多的唐人不少，較大路的亞洲食品，一般也不缺。
大家今年又會否買月餅應節呢？:)
已經幾年無食過月餅, 亦無自己整過 ^^
回覆刪除其實我都無特別恨食月餅，尤其係傳統月餅，但見到超市有咁多款式選擇，就自然會好開心，甚至會期待每年出月餅嘅日子，可以八下有啲咩賣。
刪除Dolphin伉儷，隨時化身做唔同部門既職員，好搞笑，哈哈
回覆刪除哈哈，多謝妳欣賞，其實由封城起，我就擔當咗全職採購部工作，無計呀，唔多識煮，唔睇住㨂住黎買，更加唔知煮乜。^^”
刪除如果去中超見到都會買月餅，但不會刻意去。
回覆刪除西超我已“進化”到兩三星期至需要去一次，但中超我反而仲係每星期都非去不可，好在我去開嗰間都算乾淨企理，暫時都去得幾安心。
刪除嘩！原來有咁多款式，連半島茶味月餅都有！
回覆刪除但月餅真係好肥又唔太健康，象徵式食1-2個好喇～
有Quota都情願留俾新鮮出爐的蓮蓉包（個人口味） ;)
半島茶味仲好快賣清添呀，好在茶味唔多啱我咋！今年我有象徵式買下，主要係想支持下心目中值得支持嘅牌子！哈哈，妳同主子一樣，鍾意食蓮蓉包，如果有黃蓮蓉，主子就更happy呀！
刪除哈哈哈，一路讀一路諗妳同咁多個同事ssss一定好忙，哈哈哈。
回覆刪除每日好似小朋友玩角式扮演，有時我洗開杯，去主子枱頭攞埋佢隻咖啡杯去洗，仲會叫問聲"sir，隻杯洗唔洗得"。:D
刪除嘩，咁多款式月餅，是買那種呢....
回覆刪除歡迎妳！:)
刪除我買咗冰皮同奶黃月餅，但其實無特別想食，只係想支持下咋，嘻嘻。
嘩，真係好多種類，香港一定唔會同一場地放咁多品牌同種類。
回覆刪除我只喜歡食傳統月餅入面嘅蛋黃，年輕時試過買一盒奇馨四黃蓮蓉月自己食，因為只有奇馨有四黃賣！不過我都應該有成廿年無食過月餅喇。
香港去專門店買月餅都好方便嘛，唔似呢度咁，下下要揸車出去，而且我影呢間中超喺加拿大黎講算係大型啲，所以選擇都多啲。
刪除原來妳鍾意食黃嘅，咦，一整盒自己食，咪即係食咗16個蛋黃，堅呀！
海豚兒跟Mr.Dolphin二人分飾多角也十分稱職叻叻！
回覆刪除多謝妳欣賞:)，兩個人太無聊，成日都揾啲野黎廢噏自娛一番，其實咪又係做啲正常夫婦分工合作嘅日常事，哈哈！
刪除好多月餅！
回覆刪除係呀，真係有好多月餅，單係中超嘅自家品牌都佔咗兩張枱啦，不過，當然係香港品牌暢銷好多呢！
刪除嘩 超多月餅！
回覆刪除我已很多年沒吃了
我本身唔算特別鍾意食月餅，但有時都會買少少應下節，呢兩年又會無無聊，買啲想支持嘅牌子返黎。。。開心下。
刪除呢間公司都幾好呀, 夠晒靈活, 等同事們發揮所長呢, 哈哈!!!!!
回覆刪除肥人每年都係買2盒月餅, 一盒係娘家一盒係夫家..完~
呢間公司嘅辦公時間仲好彈性添，休息日子比上班多，不過嘛，美中不足係員工都係義工，無糧出囉，嘻嘻！
刪除咁都好簡單，我就娘家夫家都唔洗買，因為兩邊都唔食(得)。
蓮蓉月餅我一次只係會食到四分之一個，所以都係鍾意冰皮月餅同雪糕月餅多啲！😋
回覆刪除我都係，傳統蓮蓉月餅一次只可以食好少，不過某人話佢後生時，早餐係原個月餅免切就咁食，好瘋狂呀！
刪除雪糕月餅我仲未試過呢。^^”