某日黃昏隨(便)影。
週末幫襯久違了的茶記,菠蘿油依然咁正!疫情期間,連堂食也用上了用完即棄餐具。
同日晚上,忘了晩飯吃了甚麼,只記得在泰式餐廳,外賣買了好吃的芒果糯米飯和香蕉煎薄餅,後者尤其好味,有下次呀!
另一日,海豚兒自私食,買了新鮮出爐,不錯吃日式古古力味芝士蛋糕。
轉眼又到週末,這個週末被主子稱為劣食星期六😅。
首先有麻麻地早餐(三文治、丹麥酥、提拉米蘇),及普普通通甜品(卷蛋)和正常麵包(用來整早餐)。
然後晩餐有一向有水準拉麵,和年度劣食之最~burger。。。凍冰冰的包身已經夠無誠意,加上過多的燒烤醬汁,和不好吃漢堡排,配上很一般的洋蔥圈,這間burger店,絕對不會再幫襯啦。
還好,也買了好吃曲奇和杏仁撻,可以溝下貨。曲奇放冰箱,想吃時翻焗,美味依然!
另外,九月二十日是加拿大聯邦大選,全靠主子預先上網登記,我倆已經提前預寄了選票,盡選民責任,希望不要(又)搭沉船啦,哈哈!
次次睇完你 update 都好肚餓!
回覆刪除今次有劣食,應該無咁餓😜
刪除我諗您哋每個星期最期待就係週末,可以去買正嘢食
回覆刪除全中呀,依家我每星期就係諗下週末可以食啲咩,將以前plan旅行嘅心思都變成plan週末行程,哈哈!
刪除我舊年選總統可以網上投,超方便!之前要scan完再email,希望以後都繼續可以咁做,唔只係因為疫情至方便海外國民啦。不過美國各州啲黨派控制成日改,如果改到共和黨就應該實取消網投。
回覆刪除話時話,過去成兩年,全球買嘅外賣,同網購嘅包裝紙箱,所製造出嘅廢物,無乜人關心同投訴,所以講到底,都係人類即時嘅利益/命仔最重要。(利申:我自己一向都唔太環保)
可以上網投票真係方便好多呀,希望會繼續落去都係咁就好啦!我地呢度三級政府,分成聯幫、省同市選,每隔一陣子就要投票,好鬼煩!
刪除呢邊都好少少嘅,因為都算著重回收,所以外賣物資多數可以recycle ,但坦白講,可以回收嘅我就會做,但一向唔會額外帶盒去買外賣,更加唔會為環保而用布口罩,我好怕用手洗衣物架!
連個包都可以凍冰冰, 真係好唔得啦, 呢間野係你地新試架?
回覆刪除個包都可以凍嘅,真係唔知想點。無錯,我誤信咗網上好評而去試呢間店,哈哈!
刪除四年一次大選, 我爸媽也熱心去投票, 只是每次總是事與願違 :(
回覆刪除決定放棄手中一票, 結果竟是歡喜完場 :) 我想 .. 只是巧合吧!
㊗️ 海豚兒 這票 『心想事成』 💙💚💛💜❤️
小聲說,我比較喜歡美國嘅選舉制度,因為比加拿大完善好多,呢度雖然有規定,總理五年任期屆滿前,一定要大選,但無限定日子,而明明未夠兩年至選完,但因總理決定,今年又要選過。謝謝妳,我都希望選到我心中所想!
刪除菠蘿油件牛油都好厚下喎,邊個咁大犧牲呀!即刻8掛google 左點整香蕉煎薄餅,哈哈!自由寶貴,有機會可以投票就要投。
回覆刪除哈哈,呢啲油利野一定係我啦,主子最怕呀!個薄餅好食呀,我估買雪藏roti黎整,應該唔難!
刪除非常同意,所以就算嫌煩,投票呢家野,我都從不缺席!
🥰我都鍾意食泰式芒果糯米飯, 好味道 🥭
回覆刪除M2,餐牌有嘅話,多數都會忍唔住叫黎食,而且最緊要多椰漿,正!
刪除次次見到你d甜品,我都要吞口水,哈哈😄
回覆刪除今次泰式最正,尤其係香蕉煎薄餅,超有驚喜!
刪除我中意芒果糯米飯和 tiramisu, hee
回覆刪除妳度要食芒果糯米飯應該有好多選擇,至於tiramisu,妳整嘅一定更好味呢😋!
刪除疫情期間真係用多咗好多即棄餐具!
回覆刪除係呀,無法啦,而且呢度自經濟從啟,好多服務性行業,請人都有困難,餐飲業用即棄餐具更加係逼不得已。
刪除即棄餐具我多數會儲起, 因為過年過節拎返去娘家, 一堆人食飯就唔需要洗太多野啦~
回覆刪除始終, 長輩年齡都開始大, 都唔想佢地做太多野LU~
有時外賣雖然話唔洗餐具,但餐廳都會照俾,之前成日喺車食野,呢啲額外餐具就大派用場!
刪除妳個方法好好呀,而且一家人過節,一次真係慳返唔少功夫!