襯九月初長週末假期,當然要賀一賀佢,一於出城嘆個法式美味brunch 。
這間叫Cafe Boulud餐廳在市中心,對上一次到訪,是六年前,慶祝海豚兒和Mr. Dolphin結婚十週年紀念,不過在到達目的地前,主子已經完全無印象啦,哈哈!
頭盤~我倆繼續死心不息,點了生牛肉他他,兩份的分別是海豚兒的是正常版,主子的是走鵪鶉蛋黃版。相比起CN Tower360餐廳,海豚兒更喜歡這兒啖啖牛肉,沒有洋蔥版本,而且牛肉亦不是切得太碎,仍能保留着一點𡁻勁,反而主子就較喜歡上次,有多些配料和口感的版本。
主菜~海豚兒挑了法蘭西多士配煎鵝肝,鵝肝勁香口,超級喜歡,非常合心水呀!主子挑了牛扒配煎雙蛋,扒扒充滿肉汁又滿有牛香,深得主子歡心!煎雙蛋下,還有香脆可口的大大塊薯仔餅,主子表示超滿意呀!
甜品~已經好飽,但海豚兒也不想錯過吃甜的機會,獨力隊了一份榛子古力奶油泡芙配雲呢嗱雪糕,又是大好味!
這場早午餐,真的吃得很高興啦!原本打算晏一點,再找間咖啡店吃件cake、嘆杯啡,都已經飽到不行啦!
食飽飽就在附近四圍逛下,順便去Eataly買了些甜點。提拉米蘇沒有在米蘭Eataly買到的好吃,但也算不錯。
然後就去了日式拉麵店,名叫一心,買沾麵外賣回家吃,可惜味道跟在日本嚐到的,還是不太像啦。唉!不過(以年計的)短期內,也不知何時才能去日本玩咯!
這星期日是主子的家務日,因為最怕老大徒傷悲的海豚兒,假期開始前,已把所屬範圍的家務完成😎。等主子做完家務,我倆就去商場逛下,然後襯happy hour優惠時段,提前吃了一頓不錯吃的晚餐。特別要提這間的burger,實在比上一篇的強強強強多了,好味多了。不過主子的三文魚和蘆筍,就略為鹹了點,或者因為在這一年多以來,我倆也慣了在家吃的東西,都偏向清淡吧!
最後,當然少不了海豚兒的甜品作結啦!
來到長週末假期的星期一,我倆就沒有外出,只乖乖留在家休息一下。放完這假期,多倫多的中小學亦相計開學了,經過一年半疫情,這次開學,更多家庭選擇把子女送回學校上課,亦有些家庭,選擇把未能接種疫苗的幼童,繼續留家上網課,各人有各人選擇。在不知何時能夠達到群體免疫目標前,大家也要好好保重喔!
個burger 晚餐同甜品都好正
回覆刪除係呀,呢餐的確唔錯,加上有happy hour優惠,仲抵食啲呢!
刪除呢個WEEK 既野食正好好好好多呀, 肥人今次有流口水呢~
回覆刪除就算打左...都唔係免疫呢..哈哈!!
咁我地口味都幾啱喎,如果一齊食飯,可以開心些牙呀!
刪除係呀,雖然會有一定程度安心咗,但警覺性依然唔可以減低。
主子做咩咁無記性呀? 要得閒去食下提提佢啦 😆
回覆刪除佢唔食蛋黃,所以記性咁差囉,哈哈 XD
刪除我都慣咗lu,我記得嘅、佢唔記得,相反都一樣。
所屬範圍的家務超正的分享haha~
回覆刪除我地分工合作,分得好仔細架,佢分大份、我分細份XD
刪除忘記說聲中秋節快樂!
回覆刪除中秋節快樂!今年連續兩晚落雨,我仲未睇到月亮嘅肖臉呢!^^”
刪除早早晨呀, 海豚兒 💙💚💛💜❤️
回覆刪除෴❤️෴ *🏮* ෴❤️෴
㊗️ 佳 節 安 康 快 樂 ❗️
෴❤️෴ *🏮* ෴❤️෴
妳好呀,希望妳都過咗個快樂嘅中秋節吖!
刪除哈囉, 海豚兒 💙💚💛💜❤️
回覆刪除留住浪漫紀念日期的記憶都是女性的專長 🏆 哈 .. 哈 ..😀 🤣
Toronto Cafe Boulud https://www.cafeboulud.com/toronto/
小聲說,通常我記得嘅餐廳,都係有吸引我嘅食物,而主子呢方面,就記醒唔好,哈哈!
刪除中秋節快樂。英國都開左Eataly,去過一次,入面貨架很空洞呢
回覆刪除中秋節快樂!咁唔知係咪算係新開,所以好多人去潮聖呢,呢度嗰間係疫情前開,初頭要排一、兩小時至入到去。
刪除中秋節快樂
回覆刪除中秋節快樂!我估妳仲有好多月餅要清呢,嘻嘻!
刪除你地個brunch我覺得好奇怪呀!首先生牛肉他他....我係唔食嘅....另外,法蘭西多士配煎鵝肝同埋牛扒配煎雙蛋兩個combination都好奇怪呀!證明我食嘢真係好傳統,哈哈!
回覆刪除從來唔好西食嘅我,覺得你呢篇最吸引我嘅,居然係個漢堡包!
牛扒煎蛋都算係呢邊brunch常見食物,西多配鵝肝就真係怪啲,我估要好似我呢啲人咁,鍾意又鹹又甜食法,先會欣賞。
刪除可能因為漢堡包相對已算正常呀,哈哈!
中秋節快樂!
回覆刪除生牛肉他他我試過一次後再也沒有食過。
中秋節快樂!無論別日式、韓式定西式,我都好鍾意食生牛肉他他架,只要唔係內藏洋蔥,哈哈!
刪除嘩,有咁多正嘢食,真開心呀!👍😜
回覆刪除係呀,呢個週末好好彩,食物都好有水準,價錢亦算合理!
刪除