繼星期六日一,放了一個長週末後,海豚兒在同一個星期的星期五,又再自製了另一個長週末。
不用上班的星期五,海豚兒一早先去西超入貨,然後就去行下街街。
下午去茶記差下電,之後再去不同店舖,買立雜野,包括枕頭、爉燭、電筒(以防停電)、焗爐手套。因為疫情,許多商店也被迫關門大吉數個月,所以唔覺唔覺,海豚兒這陣子,都儲落一堆要買和要更換的東西。
簡簡單單過了一天,到星期六中午,海豚兒和Mr. Dolphin去了一間韓國人主理的西日式餐廳~The Flying Fish。餐廳的枱與枱之間有預留一點距離,亦有層膠幕隔著,也算不錯啊!
第一次試魚生taco,覺得好有趣,我倆同時較喜歡三文魚口味(右)多於辣汁雜錦魚生口味(左)。
拿破崙意粉夠彈牙,配上香口多士,再加上濃濃的醬汁,非常合我倆胃口呀。
至於壽司,就不過不失啦,我倆還是喜歡另一間心水壽司餐廳多些。
食飽飽就去小學同學家取口罩,謝謝小學同學老公遇上優惠,也不忘給我倆入貨。大家在小學同學家門前,吹水吹了接近一個鐘頭,當眾人也被太陽伯伯曬到大汗揼細汗之時,海豚兒卻表示,除了有點曬,其實覺得天氣很和暖舒服,哈哈,這代表甚麼?不是海豚兒不怕熱,而是「虛」呀😂!
之後,我倆就去買外賣回家作晚飯,主子食茄汁焗魚意粉,而海豚兒的鹵水鴨瀨,由於份量太多,海豚兒索性把鴨瀨的瀨粉,留待明天吃,瀬粉充滿鴨油香,比鴨脾本身更為吸引!(利申: 海豚兒一向麻麻地食脾位😅)
買外賣之餘,本想去幸福堂買杯珍珠奶茶飲,但發現原來有珍珠奶茶雪糕之後,就即時轉呔,結果也沒有揀錯,這杯奶茶雪糕,真的非常好好好味呀!
最後,還買了一向有水準的甜品慢慢嘆,第一次試的包括有前方的芒果泡芙,和後方的荔枝果肉撻,前者因為中間有厚厚的薄荷忌廉,所以海豚兒一直也沒勇氣試,試過這次,感覺還好啦,薄荷味只是淡淡的,不過,薄荷味始終不是海豚兒杯茶,而荔枝果肉撻,海豚兒就十分喜歡,連現在少吃甜為妙的主子,也表示非常滿意呀!
星期日,主子就約了已退休的舊同事吃午餐,這是自疫情以來,主子第一次和友人吃飯呢,當然要記錄一下啦,至於海豚兒,就乖乖的留家寫網誌咯,嘻嘻!
魚生taco有諗頭喎!
回覆刪除係呀,算係近期新興小食。
刪除我都自製好多long weekends呀。放假日子的時間特別快過。
回覆刪除既然無得出門,放下長週末都幾好,又可以喺閒日,無咁繁忙嘅時段去超市入下貨,爽呀!
刪除每次見到妳啲甜品都好想食
回覆刪除證明我地食甜嘅口味應該幾夾呀,嘻嘻!
刪除哈囉, 海豚兒 💙💚💛💜❤️
回覆刪除💛 實在好難得 😀 同啲小學同學仲有聯絡 ❗️
Hellooo~~係呀,好好彩,大家喺地球另一邊重逢,仲可以做得返朋友,所以比此都好珍惜對方!
刪除奶茶雪糕,好正
回覆刪除呢個堅係好味,無諗過咁正!
刪除珍珠奶茶雪糕😋😋😋
回覆刪除真係好好味呀,好在有試咋,初時都有猶豫係咪飲奶茶穩陣啲。
刪除好難得友誼仍可繼續
回覆刪除係呀,中間失聯咗成廿年,見番面都仲可以夾得到,最值得感恩係大家都珍惜對方。
刪除居然呢篇吸引我嘅係甜品!..... 珍珠奶荼雪糕同埋荔枝果肉撻。
回覆刪除不過,個珍奶雪糕啲珍珠喺底,咪只可以食完啲雪糕至食到?
前者我唔意外,後者就有啲,因為都少啲見妳食撻呢類西式甜品。我初時都好似妳咁諗呀,但原來奶茶雪糕食咗少少個頂位,就會見到中間係空心,可以“了”啲珍珠出黎食!
刪除我係被荔枝吸引住, 其實要揀嘅話, 我都係prefer生果類甜品。
刪除I see I see,有荔枝肉或芒果肉嘅話,我都啱食,瓜就唔好預我!
刪除早晨呀, 海豚兒 💙💚💛💜❤️ - 西日式餐廳~The Flying Fish - 睇落都算幾好。
回覆刪除The Flying Fish Japanese Restaurant Golden Court Plaza 黃金商場
https://theflyingfishrestaurant.com/
Photos for The Flying Fish (Yelp):
https://www.yelp.com/biz_photos/the-flying-fish-richmond-hill
https://www.yelp.com/biz_photos/the-flying-fish-richmond-hill?select=R1TXTpRo2NJdM0zvLUq6EA
午安呀朋友,妳好好心機,每次都會揾好多相關資料黎睇:)
刪除薄荷味肥人最愛呢 ~ ~ ~
回覆刪除請放心,我一定唔會同妳爭食😜
刪除原來幸福堂有雪糕, 我都想食
回覆刪除好食呀,如果仲有嘅話,妳都去試下吖,我覺得唔差過佢嘅奶茶呀😋😋
刪除