抗疫日常95～放長週末 x 主子慶生

連續兩星期，海豚兒都放長週末。第一個長週末的一人前，早餐去了嘉頓食茶餐，嘆了個招牌菠蘿油，不錯吃！還打包了連主子都欣賞的茄汁焗豬扒意x2 (每份稅前加紙連熱飲$9.50)做外賣晚餐，加上價錢很親民，難怪店子在開門前五分鐘，海豚兒已經見要排隊入座呢！

難得放假，就順便買兩件好味甜品回家嘆下。

之後一天，主子想食得「清淡」一點，所以我倆行完街，又去幫襯滿喜歡的壽司外賣做晚餐咯。

來到主子生日週末，我倆先去茶記醫肚，再陪主子剪髪兼去眼鏡鋪攞眼鏡。

晚餐就去重溫主子心儀餐廳，嘆西班牙海鮮飯，味道不錯，只是米飯本身不是有咬口類形，頭盤菇菇可樂餅滿好吃，牛肉饀餅我倆就嫌有點騷，又或者是海豚兒吃不慣牛腩吧！海豚兒還獨享了肥美煎鵝肝，味道不錯，只是汁醬味道不夠鮮明，未能把鵝肝的油膩感平衡到。一場來到，當然亦不會錯過西班牙油炸鬼啦，這個就不過不失咁啦！

正日的大日子，節目就豐富咯，包括主子去做年度驗身，加我倆齊齊打流感針，哈哈！

然後就去食茶餐醫肚，估唔到連骨都起埋嘅海南雞又嫩又滑，幾好味喎，重口味的主子覺得蔥油雞撈麵普普通通，海豚兒就覺得皮脆肉香很不錯啊，還有海豚兒兒時最愛的混醬腸粉，明明已經很飽，還是吃到一件不漏！

之後去Costco入下貨，再去商場行陣街，就結束這簡簡單單的生日長週末行程咯！