2014年4月22日星期二

Double Bridal Shower 變奏版

海豚兒的兩位同事分別於五月及六月結婚,我們幾個同事便襯長週末前的一個晚上出來吃吃喝喝,和兩位準新娘子意思意思地慶祝一番。

五月新娘子前年誕下一個可愛女兒,下個月便和未婚夫及親朋戚友到加勒比海的島國舉行婚禮,女兒還會當她的小花女呢! 據聞女兒也很興奮,不停說爸爸跟媽媽將要結婚了!

至於六月新娘子則會與拍拖一年多的未婚夫在尼加拉瓜瀑布酒店完婚,這酒店同時是她未婚夫去年向她成功求婚的地方。這趟新娘的小女兒會當伴娘,她的大兒子會在婚禮儀式上把她交到新郎手上,新郎的兒子及新娘的另一兒子則會當伴郎。他兩各自有三名孩子,女的有兩仔一女,都是和前夫所生,男的則有大女,二仔及三女,分別和兩位前妻所生,最特別的是他們各自的小女兒只差一歲,名字亦只是串法上有一個字母不同,對年過半百的他們來說,能在交友網相遇上,實在是情牽一線! 一路寫這段介紹,海豚兒腦海中更不斷出現Brady Bunch首主題曲。 ;)

這次我們去了一間開業多年的蠔吧用膳,只可惜同事中沒有幾位愛吃生蠔、生蜆,他們大愛的是杯中物,分享了好些紅、白酒,只餘下海豚兒一人獨享diet coke XD 。 我們只簡單地分享了以下的smoked fish platter, 龍蝦肉公司三文治配洋蔥圈,帶子炒雜菜,蒜蓉大蝦,炸魷魚配沙律,食物比預期更為出色,很高興同事們也欣賞海豚兒揀了這間餐廳來慶祝,其中一位同事還拍了好些照片並拿了卡片預備和家人再來呢!


最後當然少不了甜點,包括key lime pie,chocolate mousse,和未有入鏡的rice pudding。


希望兩對新人結婚當天也遇上好天氣並白頭皆老!

20 則留言:

  1. 去加勒比海結,好浪漫丫,仲有自己個女做花女tim
    妳兩位同事結婚,妳會唔會去觀禮呀?

    回覆刪除
    回覆
    1. 呢邊都幾興去加勒比海嘅島嶼結婚,我估好似香港去日本、泰國結婚咁卦!不過由自己女兒做小花女又真係好sweet!
      五月嗰位去到咁遠就唔得啦,至於六月嗰位就只請至親,不過我哋幾個同事都計劃梗去祝賀(搗蛋)!

      刪除
  2. 海豚兒:
    ~你公司好多喜事!!
    ~能夠係失婚之後,再一次找到另一半. 真是難得!!真是更加值得慶祝!!
    ~啲美食, 不錯!! 你應早啲寫blog, 咁我係多倫多時, 可以跟你blog 去飲飲食食嗎!!

    回覆刪除
    回覆
    1. 妳講得好啱呀!今日仲有另一位同事宣佈有喜添!
      係呀!六月新娘呢幾年都係咬緊牙關過,依家遇到心上人,我哋都好替佢高興!
      謝謝妳呀! 我......唔識打中文(羞), 如果唔係有iPad,都唔會可以寫到blog ;)

      刪除
  3. 去加勒比海結婚真好, 想起藍天白雲漂亮的景色~~
    吾知第日小吉有無機會做花女呢, 著起白色小裙仔一定好可愛呀, 海豚媽也要幫囡囡悉心打扮呀:DDD

    回覆刪除
    回覆
    1. 呢邊嘅人都幾鍾意去加勒比海結婚/蜜月架!
      第時實好多朋友仔排隊搵小吉做花女jack!
      誤會啦!海豚兒無升到呢做海豚媽呀! ^^"

      刪除
    2. 唔緊要! 這只是美麗的誤會啊!

      刪除
  4. 我公司好多人大肚生仔,無乜人結婚。
    smoked fish platter 好有睇頭,配番杯白酒就完美嘞,乜你飲杯diet coke咁嘥料呀?

    回覆刪除
    回覆
    1. 咁咪同我個部門啱啱相反囉,近兩年勁多人結婚加生仔呀!呢邊生完,仲有一年產假添!
      呢餐食完成個星期後,同事都仲回味緊! 嘻嘻,係呀,我酒量差,所以好少飲架!

      刪除
  5. 兩對新人結婚的地方都好特別!
    你成日都有咁多好野食~~~~*O*

    回覆刪除
    回覆
    1. 人生大事,每個女生都希望有個dream wedding嘛!
      我又唔好戶外活動,咪唯有"發掘"多D節目比自己囉!

      刪除
  6. 喜事重重真係好!! =)
    聽到都開心, 仲有得開餐更加happy了~~
    btw 我想食key lime pie ar! :p

    回覆刪除
    回覆
    1. 喺呀!呢兩年部門好多結婚、生仔嘅開心事,所以都幾多慶祝節目!
      我都鍾意key lime pie,最掛住係喺Florida嘅Key West食個佢哋嘅key lime pie bar,係frozen咗嘅正宗key lime pie再浸多層好吃嘅古古力脆皮,正到不得了!

      刪除
  7. 回覆
    1. 再婚同事仲係去由細到大都想去嘅Hawaii到渡蜜月,簡直係dream come true!

      刪除
  8. 好鍾意聽愛情故事! :) 雖然我同佢唔係喺交友網相遇, 但網絡上嘅緣份真係好奧妙! 明明兩個人離行離隙, 慢慢我地都發現大家background原來有好多共通點!
    我估你唔飲酒? 在外國唔飲好難得!

    回覆刪除
    回覆
    1. 再婚同事嘅結婚主題係"童話故事"就正正係佢哋想表達嘅心思同埋經歷,有機會再同妳分享多D吖!
      嘻嘻!因為我唔多飲得,所以都好少飲。同事初時都覺得我怪架,不過慢慢都慣咗我係嗰D要有very special occasions至肯飲嘅人! ;)

      刪除
    2. 好啊, 好吸引嘅主題! 我地結婚時都冇特別定主題, 我諗我中佢西已經算係? 哈哈
      其實我都唔知自己飲唔飲得呢, 我咁大個女都冇正式飲過一杯酒, 只係sip過覺得難飲, 佢又係唔飲的呢, 我地3個又有個共通點 :)

      刪除
    3. 佢哋仲有個wedding binder將所有資料分門別類放好晒添呀! 嘻嘻!你哋絕對係east meets west啦!
      唔止3個,係4個呀! 仲有Mr. Dolphin都唔飲𠺢! ;)

      刪除