2015年11月29日星期日

拾。婚。快樂之旅 ~ 行程。商務Lounge的體驗

這個期待已久的旅情好像一轉眼就結束了,旅途中遇上的人與事也很值得感恩,除了成功接駁上三程“絕不走回頭路”的單程機^^"和來回多倫多香港的雙程機,途中也沒有大病,偶然遇上的小風波也得已化解(這些會在之後的"游"記細談),得到各方友好和blog友仔的厚愛和祝福,更重要是和海豚家主子Mr. Dolphin在這旅程中慶祝了兩個大日子,這些都是説不出的快樂。

這篇游記首先會跟大家簡單説一説行程和我倆對不同機場裡的lounge之"感覺"。為什麽海豚兒説是感覺而不是比拼呢?相信對海豚兒較為熟悉的blog友也知道海豚兒為人思緒零亂,不善於分析,凡事也是以感覺行先的蠢蛋,哈哈!



以下是這三星期之行程,而日子時間全以當地時間計算。

 <<11/6 ~~~ 多倫多---香港---東京>>
6號零晨機從多倫多飛香港,在港等了差不多四小時轉機到東京,全程坐國泰商務位,包lounge service x 2,即多倫多和香港,至於為何我倆不是從多倫多直飛東京,是因為我倆先訂了來回多倫多及香港的來回機票,及後才慢慢定出之後的行程。


<<11/7至10 ~~~ 東京吃吃吃買買買之旅>>
10號晚上七時多坐日航特選經濟位從東京飛往悉尼,抵達悉尼約早上六時,在東京成田機場包lounge service 。


<<11/11至16 ~~~ Hea游悉尼>>
16號晚上10時多由悉尼飛香港坐國泰特選經濟位,扺達香港約早上四時多, 不包lounge service 。


<<11/17至27 ~~~ 肚滿腸肥香港行>>
27號早上十時多起程回多倫多,坐國泰商務位,在香港機場包lounge service 。


之前也説過嘛,行程中的所有機票也是用BA積分換取,臨出發前成功把原本的一程經濟位(香港-東京)改成商務位,共三程商務及兩程特選經濟位,簡直是爽到無朋友,wahaha!


來到lounge的體驗。。。


 <<多倫多。Plaza Premium Lounge>>

地點較隱蔽,規模較少但裝修和服務也不錯,記憶中好像只有一個浴室供客人洗澡,而食物選擇不多之餘,賣相和味道也很一般。






<<香港。國泰lounge>>

三個lounges之中,我倆選了規模較大的寰宇堂(The Wing),這兒也是衝上雲霄經常取景的地方。至於何解我倆會選擇這兒呢?原因只有一個,就是海豚兒要襯這幾小時的空檔沖返個靚涼。憑海豚兒目測,這兒最少有八個獨立沖涼間,全部也乾淨企理,很多沖涼必須品也能在浴室內找到或向職員索取,如用完即棄的梳,牙刷等,服務也非常好。





這兒的食物味道更是好到“不得了”,担担麵的質素更讓Mr. Dolphin吃得津津有味呢,正!




當然,我倆也明白“猛虎不及地頭蟲”的道理,只是沒料到香港國泰的lounge規模竟然有兩層樓這麽巨型。又,其實數年前我倆也曾用分換商務機票享用過寰宇堂,但印象中這兒從前是沒有現在的利害,是我倆的記性太差嗎?XD


 <<東京。日航lounge>>

沒想過在東京坐特選經濟位也有幸能享用商務lounge,實在太幸福了。據我倆估計,這可能是暫時性,原因嘛,或許是日航正在promote其公司的特選經濟位卦?!



要説的是這兒地方寬敞舒適之餘,食物味道更是頂班,無論是蕃茄湯,咖喱牛或味噌雞,全都好味到我倆停不了的添吃。雖然我倆不懂酒,但看到這個酒吧,也不得不佩服日航的慷慨程度啊!至於沖涼間,海豚兒就忘了這兒有否提供這服務咯!





總括來説,雖然這<<拾。婚。快樂之旅>>用了我倆的大部分積蓄(分),但我倆也覺得所得到的服務和享受也是物超所值就是了。:)


下一篇會講下海豚兒對每個機程的感受和這三星期的行李安排。

24 則留言:

  1. 這拾婚快樂之旅到老時回看必定開心又快樂

    回覆刪除
    回覆
    1. 車媽媽説的對啊!海豚兒一開始真係本着唔知有幾個十年而寫關於拾婚嘅一切,這樣做豈碼能將記憶存檔。

      刪除
  2. Welcome back!

    For long flights, it's a huge difference flying business vs economy.

    回覆刪除
    回覆
    1. Thanks so much!!

      真係差好遠呢,豈碼就算中途遇到强烈氣流都無覺唔舒服,如果係平時,可能真係嘔埋隔夜飯都唔掂呀。:)

      刪除
  3. Welcome back,亞洲大城市機場嘅lounge一向都好強架。而且如果係主場(香港/國泰、日航/東京)就更加唔駛講。

    回覆刪除
    回覆
    1. Thank you!!

      係呀,兩間航空公司嘅lounge都好掂,好似妳嘅講法,仲要我去嘅都好好彩係主場,同air canada喺多倫多嘅lounge比,真係贏到開巷呀!

      刪除
  4. happy to see you back!!!
    你好享受 lounge的服務呀,我銀行的卡有包很多機場的lounge,不過我最多入去飲杯野,因為我通常是行免稅店行到無時間。

    回覆刪除
    回覆
    1. Thank you Samwei!

      老實講,我哋兩隻大鄉里有專登預多D時間,早D去多倫多機場去見識下個lounge架,至於東京嗰程,我哋諗住去機場作最後衝次,所以預時間鬆動D,至於香港嗰程,因為等轉機,所以諗住等返到香港先。不過如果喺歐洲機場,我都一定唔會放過行免税店嘅機會。

      刪除
  5. 睇來個旅程好開心而且你享受每一個點滴呢!
    等你分享呀!

    回覆刪除
    回覆
    1. 心野嘅我玩到唔願走,心歸嘅老公最尾一個星期已經嚴重思鄉病法啦!

      我喺東京時都有諗起妳,而且我都係去到至知依家咁多識國語嘅人喺東京生活。

      刪除
  6. 好正呀, 3個lounge都各有特色, 仲有Mr Dolphin仲係咁鍾意食担担麵, haha

    回覆刪除
    回覆
    1. 東京同香港嘅真係最正!

      嘻嘻,Mr. Dolphin除咗食担担麵食得好開心,返到嚟第一個早餐就食奇華嫁女餅,食得仲興奮呀,多謝妳呢!:)

      刪除
  7. 返來啦,好掛住你呀!!! 見到你去咁多地方,已經開心哂,嘻嘻, 快d 打埋日日既行程呀,比我恨下,哈哈

    回覆刪除
    回覆
    1. 我都好掛住大家呀!今次好好彩返到香港又可以同部分blog友重聚呀!

      我會努力,不過我驚寫得太長氣悶C妳咋,嘻嘻!希望將來可以同Mrs Wu見面就好啦!

      刪除
  8. 勁呀!咁快手就有油雞睇啦!
    果係電視達人,衝上雲霄係個果lounge取景都知!

    回覆刪除
    回覆
    1. 希望我可以堅持到啦,因為片段好零碎下,但我會盡力嘅!

      哈哈,無錯,我絕對係資深電視精一名,喺香港居然為咗睇已經睇過n次嘅男親女愛而唔瞓覺。;P

      刪除
  9. 回覆
    1. 多謝妳到訪+留言呢!

      妳話“好正喎!”我差D面紅以為妳話我,嘻嘻,講笑咋,呢個行程我哋真係用咗好多方法去儲飛行里數,若果唔係都去唔成架!

      刪除
    2. 我都無本事儲咁多里數,又一次飛咁多轉,我每次飛香港一轉十幾個鐘都想屎呢

      刪除
    3. 其實係架,我都好怕坐長途機,尤其同老公一齊返香港,坐3個人一排櫈嘅時候,我又生得矮,所以我多數堅持坐中間,等佢可以伸下對腳,但十幾粒鐘屈住喺中間真係好難頂!

      刪除
  10. 衝上雲霄取景地,嘩~~~ 咁海豚兒有冇幻想下自己係"holiday" 啊 ? ^^
    國泰lounge 必須品咁齊,好似酒店啊 ^^

    回覆刪除
    回覆
    1. 嘻嘻,我個人無咩大志,最多幻想下自己係Coco做空姐派下濕毛巾同問下beef or chicken咋喎! XD

      係呀,我都覺得D沖涼裝備好似酒店,但老公始終覺得喺機場沖涼怪怪咁,所以佢只係喺嗰度擦下排牙咋。

      刪除
  11. 原來你返左香港架?做咩唔約大肥人我食下飯呀...hahaha

    回覆刪除
    回覆
    1. 可以在電郵給把妳的聯絡方法給我嗎?:)

      bondingwithdolphine@gmail.com

      刪除