2015年12月15日星期二

拾。婚。之旅 ~ 悉尼: The Dining Room。藍山國家公園。動物園。皇帝蟹

<<悉尼的第一天>>

轉眼間就完成了東京之旅,來到感覺完全不一樣的悉尼。若果説東京是一個旅遊的好地方,悉尼就正是一個定居的好城市。

由於到達酒店只是上午七/八點,時間太早還未可以check in。我倆先到健身室梳洗,在酒店大堂hea到約十點幾,就先把行李寄存在酒店,提早行去吃午餐的地方,順便沿途觀光拍照。

途經著名的悉尼歌劇院當然要喪影一番啦!



去到用餐的Park Hyatt酒店外面亦同樣要留影!



這午餐是海豚兒利用拾婚作藉口來到The Dining Room吃頓情調午餐,可以邊吃邊欣賞室外景色。




除了美景,這兒的食物從頭盤,主菜到甜品也超好吃,連餐廳額外送我倆的古古力甜品也非常可口,這個美味午餐正好把坐了一整晚夜機亦已身心疲累的我倆都喚醒來,再加上態度友善和恰到好處的服務,海豚兒和Mr. Dolphin對這頓午餐也十分滿意呢!





吃完午餐後,我倆就漫步回到酒店check in,執拾行李,晚上未到七時已經同周公捉緊棋了!


<<悉尼的第二天>>

這天早上七時海豚兒和Mr. Dolphin就跟住預先安排的旅行團來個一日“游”咯!導遊兼私機開大概兩小時車,首先帶一行七人參觀了Jamison Valley。



接着就車我們去吃英式鬆餅和咖啡作早餐。



然後就帶我們乘搭吊車、纜車和最斜的鐡路,讓大家可以從多角度欣賞三姊妹峰The Three Sisters。







觀光過後,導遊便帶着我們七個團友去預先安排的餐廳吃午餐。海豚兒選的炸魚薯條也滿好吃,至於Mr. Dolphin挑的炸雞就很一般般咯!




下午就去參觀是日重點~Featherdale Wildlife Park,目的當然是和樹熊袋鼠來個合照啦!其實這個動物園比悉尼市中心的動物園規模少很多,但却是少有仍可以讓遊人觸摸樹熊的地方。近年,悉尼的動物園已不讓遊人抱抱樹熊啦,所以有得摸下都好過無啦!



這隻樹熊也真夠搞鬼一路食一路和遊客影相,後來雨大得變成落雹,樹熊驚到另轉面,於是海豚兒和Mr. Dolphin也得順着樹熊面向的方向來合照。寫到這兒也不得不承認我倆有多幸運,當我倆一影完相後,樹熊竟然睡着了,之後的遊人唯有和“睡”熊合照咯!






這旅程最後以渡海小輪送我們回悉尼市中心便完結,當時約下午五時。我倆對這天的行程和導遊也很滿意,但要注意這行程就只適合不介意走馬看花的旅遊方式。

來到晚上,我倆就專程去了一間港式酒樓去品嚐澳洲皇帝蟹,因為Mr. Dolphin比較喜歡吃以中式烹調的海鮮。由於只有我倆分吃一隻蟹,所以特意挑了一隻小的來吃,時價$268/公斤,我倆揀了清蒸和避風塘兩食,非常好吃,蟹蓋和蟹羔煮粥,這個粥就頗腥,其次就再炒了一個超夠鑊氣的通菜,好吃!例湯(沒影),水果和甜品就是酒樓送嘅。







吃飽飽,海豚兒和Mr. Dolphin為着要消耗些卡路里,於是決定步行返酒店,途經雪糕店時,海豚兒卻失守於這杯美味雪糕下,嘻嘻!



20 則留言:

  1. That's why Sydney is always on the list of the most livable cities on earth.

    Mr. Dolphin比較喜歡吃以中式烹調的海鮮 <--- the non-Chinese way would be a steamed crab with melted butter on the side :)

    回覆刪除
    回覆
    1. 唔知係咪沿海嘅城市有嘅優勢呢,SF,Vancouver, Sydney 都係氣候好又多正嘢食嘅地方,但cost of living又同樣高!

      哈哈,係呀,而且佢好驚人哋煮到隻蟹過熟嘥咗呀!

      刪除
  2. 哇...好得意呀樹熊,個樣好似好單純咁,好可愛啊~~~
    隻澳洲皇帝蟹已經係細架?就咁睇都好大隻,一定好好味..^^

    回覆刪除
    回覆
    1. 樹熊個樣真係又儍又可愛,但原來D毛好鞋架,一D都唔滑!

      隻蟹真係好正,D肉又鮮又爽,呢隻約兩kg多D,同其他嘅蟹比算係細蟹,但我哋食到最後都差D食唔哂!

      刪除
    2. OH...原樹熊來D 毛係鞋架,唔講真係唔知啊....
      我成日以為好滑啊,見D旅遊節目,D主持成日抱抱樹熊,好得意咁~~^^""

      刪除
    3. 係呀,一摸上手嗰下仲以為隻手摸咗落百潔布到添呀!XD

      刪除
  3. The Dining Room, 正面樹熊同最後的movenpick都好正呀!
    如果有機會去悉尼, 我都會做齊以上三樣野 >v<

    回覆刪除
    回覆
    1. 嘻嘻,有機會去而又如果妳鍾意陽光與海灘,應該去埋紐西蘭呢!

      諗返轉頭,其實我覺得悉尼嘅食物水準真係幾高,中西都好味!

      刪除
  4. 我未去過澳洲,這裡都是我其中一個plan。

    回覆刪除
    回覆
    1. Samwei妳相識滿天下,如果妳去澳洲,一定要預留多D時間見下嗰到D"腦"友添啦!

      刪除
  5. Mr. Dolphin比較喜歡吃以中式烹調的海鮮......ditto!

    回覆刪除
    回覆
    1. 你哋兩個都擁有一個亞洲胃,不過我都覺得中式煮法係變化多好多嘅!

      如果妳有機會嚟多倫多玩,我一定會邀請妳陪我老公食蟹,唔駛佢平時得一個人食得咁無癮!

      刪除
  6. 回覆
    1. 樹熊個樣真係又儍又得意,但同時,其實佢哋...好臭架,哈哈!

      刪除
  7. 這日行程好豐富~ 藍山同樹熊都係澳洲獨有, 很值得去看看~~ 而皇帝蟹又係值得一試~ 不過對我來說, 雪糕都係吸引過海鮮~~

    回覆刪除
    回覆
    1. 係呀,一場來到,呢兩樣都真係唔可以錯過!而對蟹痴嚟講,皇帝蟹亦同樣不能不吃,哈哈!

      但我估唔到Helen會覺得雪糕比海鮮吸引,係咪因為戒口,好耐無食過呢。;P

      刪除
  8. The Dining Room D份量都好大喎
    one day tour得7個團友咁少?佢咪蝕?
    真係好近距離影樹熊喎,唔怪得臭啦,哈哈

    回覆刪除
    回覆
    1. 個午餐份量真係唔少,我最後都食唔哂我份主菜(和牛面頰),甜品都係靠Mr. Dolphin仗義幫忙至完成到咋!

      個團講明唔會多過14人架,而且我見到佢哋公司有另一架車多D人嘅,行程應該同我哋一樣,所以可能係因為人多,額外開多車,位位$185,應該幾好賺嘅!

      基本上成個養樹熊嘅範圍都好臭架,但咁遠去到,更臭都會塞個頭埋去同樹熊合照啦,哈哈!

      刪除
  9. 真係笑C人睡熊都比妳諗到

    回覆刪除
    回覆
    1. 嘻嘻!佢仲真係瞓得好“林”添架,員工企圖拍醒佢同遊客影相都唔成功呢!

      刪除