2015年12月10日星期四

拾。婚。快樂之旅 ~ 東京: 高島屋。Pierre Herme。無敵家

東京的第四天

早上先到高島屋和Tokyu Hands血拼!除了Bic Camera外,這兩間店也是海豚兒較喜歡的,原因嘛,Bic Camera就一向以平取勝,相信許多港人亦很熟悉,而另外兩間的店員也很好地賞賜了海豚兒~遊客限定的電視框卡呢(5% 折扣卡)!更難得的是高島屋的折扣卡更是適用於護膚品、食物、家品等部門,正好方便海豚兒這天特意前來買小禮物給好朋友呢!由於語言不通,海豚兒也沒有問得太多,但只要是外地遊客,職員也很樂意提供這優惠,要注意高島屋的優惠卡要買滿税前三千日元才能使用啊!


這天更大發現是原來高島屋正在做北海島食物推廣節,還要是最後一天,海豚兒和Mr. Dolphin當然不會錯過這室內掃街的機會啦!我倆吃了好味的牛奶雪糕,蟹肉及元貝燒賣,還有在地庫買了難食的檸汁炸軟殼蟹。食和買完一輪後已經到中午時份,我倆先把戰利品放回酒店,然後就到酒店附近的餐廳吃午餐了。






海豚兒一直很想食燒肉,這天就拉着已經不太吃牛的Mr. Dolphin一起吃牛----->這個老婆有時候也真的幾過份!^^"




其實坐下不久,我倆已經好想盡快吃完然後離開啦,原因嘛,整間餐廳也是吸煙區,附近的食客也是一口接一口地抽煙。更可恨的是原來海豚兒不大欣賞燒肉啦,雖説每件牛肉的味道也很香口,但是薄薄的一片對海豚兒來説,就是吃得不夠過癮嘛!





吃罷午餐,我倆就乘車去原宿行街,途經一檔很香牛油味的棒棒泡芙店----->呢個名自己作架咋,便買了一條其實是把泡芙改裝成長條形狀的泡芙棒了。這條泡芙棒外層都幾香脆架,裡面又有cream/custard饀,只可惜一點都不熱,感覺好像被店外的香氣被偏了似的。




之後我倆就往池袋出發,先去買超好吃的ispahan,然後再逛一回就提早去吃晚餐咯!本來去pierre herme是打算坐低吃個下午茶,但由於我倆對店方安排很不滿就只外帶了一件ispahan離開。




既然未飽,我倆就提早出發去無敵家排隊啦!嘻嘻,果然不負眾望,這兒的拉麵真的滿好吃呢!



吃飽之後,我倆又繼續四圍逛,臨回酒店前又襯晚上百貨公司地庫超市把食品減價之際買了蟹肉飯和壽司返酒店嘆!對,這樣如此便利就能吃到美味又便宜的食物,還在吃宵夜期間再加吃了件迷你芝士蛋糕(雖算不上美味但也不錯)真的好爽呀,簡直有十個爽呀~~~哈哈哈!




下一篇將會記錄行程中最驚險的一幕。。。

 

22 則留言:

  1. 今日幾餐都好正喎! shopping 又識得攞discount。

    回覆刪除
    回覆
    1. 係呀,喺日本揾食好方便,又唔一定要食貴嘢都有好多好嘢食嘅選擇,去旅遊真係一流。

      其實係D員工好人,主動俾discount card我,講真,佢哋唔俾嘅話,我都唔知有,所以真係好好彩呢!

      刪除
  2. 仲以為您哋掃街會掃到飽

    回覆刪除
    回覆
    1. 唉!我當時嘅心態係留肚食燒肉架嘛,點知...早知就喺北海道節嗰度食飽佢啦,難為我仲傻到忍口添!^^"

      刪除
  3. 呢篇blog晒D食野,引C人咩....

    回覆刪除
    回覆
    1. 雖然唔係全部嘢都好食,但好食嘅又的確好好食。哈哈!寫得好廢呀呵,正好配合我嘅人物性格呀!XD

      刪除
  4. 日本真係好, PH有ispahan, 香港唔知幾時先肯出
    BTW, 我都鍾意食有d厚度的牛肉。同埋好八卦有咩事好驚險呀!!!

    回覆刪除
    回覆
    1. 我都係咁話,最好多倫多都開分店,就開心C我啦!

      係啦,太薄嘅牛肉咬落去無咗嗰種慢慢細嚐嘅滋味,我仲覺得塊肉太薄搞到我好易咬到自己牙肉添呀!

      快啦!下一篇就會講架啦,hehe!

      刪除
    2. 其實妳依次驚險經歷, 我o係8月時都有相近感受: 當時掉了身份證未補領, 一心以為拎住護照就可去澳門, 點知要臨時申請回港證, 而且要親身去速度亦冇咁快... 好在最後都成功2小時內拎證過境 (唔係我老公帶住兩隻會超大鑊!), 等待之時仲發現了Matthew回鄉證過期, 返來後馬上做急證, 先冇白白錯失三亞之旅。只可以講, 對於冇乜腦的我地, 天父真係特別開恩保守!

      刪除
    3. 妳嘅情況真係比我更加驚險呀!我哋兩個人,去邊都無所謂,但妳帶住兩個小朋友,旅行若果去唔成掃興不在話,萬一要小朋友滯留陌生地方,情況真係不敢想像。

      真係好在得到祂的看顧,照顧我哋班大頭瓜咋!

      刪除
    4. hahaha, 大頭瓜, 我馬上笑了 XD

      刪除
    5. 希望來年我哋可以升呢做個聰明瓜啦!;P

      刪除
  5. 好肚餓呀! jp 餐館入面可以抽煙? 一路食一路食二手煙,諗起都覺得臭! 驚險? 5d 寫啦!!

    回覆刪除
    回覆
    1. 嘻嘻,最近寫緊遊記,真係特多食物相,有時連我自己睇番都見肚餓!:D

      係啦!大家住北美洲,早已慣了室内禁煙,我哋喺東京見到好幾間可以食煙嘅餐廳時都好唔習慣呢,感覺好似返咗去八、九十年代咁!

      好快啦,下一篇就到啦!;)

      刪除
  6. 你好似去日本幾日都落雨喎。

    回覆刪除
    回覆
    1. 妳觀察力真係强喎,我除咗寫第一、二日嗰篇有提落雨,其餘都要靠睇相至知!叻!

      我哋去東京同悉尼都係頭尾兩日天情,中間三日都被舊“雨雲”追住,都算近年出外旅行少出現嘅情況。^^"

      刪除
  7. 回覆
    1. 係呢,尤其我哋鼻又敏感、氣管又唔好,食呢餐更加覺得難受。>_<

      刪除
  8. They don't have a smoking and a non-smoking section?

    回覆刪除
    回覆
    1. 有架!我哋坐嗰張枱咪就係“短期”非吸煙區囉,因為全店得我哋兩個無煲煙嘛,lol! XD

      刪除
  9. 我都好唔鍾意日本D 餐廳係唔禁煙架....成日都有人食煙..VERY BAD 呢!

    回覆刪除
    回覆
    1. 我喺日本入到餐廳第一次見到有人煲煙嗰刻仲以為自己有幻覺,因為呢邊室内禁煙禁咗十幾廿年,我無諗到日本居然仲可以喺餐廳食煙。。。真係好唔慣呢!>_<

      刪除