2016年3月7日星期一

假期。上班。還是離不開“食”

上回講(寫)到情人節前夕的星期六,這篇當然是由情人節正日的星期天寫起啦!説來慚愧,原來這天除了早上吃了之前一天剩下的點心(汗!)當早餐,和午後因為Mr. Dolphin和海豚兒也不約而同煙三文魚癮起,在商場隨便吃了煙三文魚蛋批、煙三文魚三文治加一份因為加了糖漿在藍莓上(?!)而過甜的藍苺撻外,就四出走訪陪Mr. Dolphin尋找返工鞋的故事,而晚飯又因為沒有拍照,海豚兒連吃了甚麼也早已斷片,簡單來説,這情人節長週末的唯一慶祝活動應該就是上一篇提到的飲茶啦,因為之後的星期一雖然是假期,我倆亦只是懶洋洋的“妹”在家中發呆,哈哈!;P




再之後的星期六,海豚的懶筋還是挑不走,只隨便在家附近吃甜品早餐便算啦,還好味道也不錯,只是兩杯cappuccino賣相比較差而已!



之後有一天在返工的日子綠茶甜品癮起,便走去買件綠茶crepe cake堂食再外帶四件甜品回家嘆!




總括來説,綠茶crepe cake和黑芝麻芝士撻也不錯,earl grey crepe cake就似乎甜了點,綠茶芝士撻就比較麻麻。不知怎的,海豚兒總覺得綠茶同芝士加埋一齊通常都唔多滋味咁嘅!



上一篇海豚兒已提過工作性質跟從前有些不一樣,就像這天,海豚兒和同事要在黄昏時份出動去一個應酬活動,而為了不想太失禮只帶兩梳蕉去,我倆在途中買了一瓶鮮花。對於藝術及視覺效果,海豚兒真係識條鐡咩,但横睇掂睇,這瓶色調上似聖誕cross over復活節的配搭又實在是over咗啲!^^"




在等待這瓶花誕生的同時,海豚兒和同事則爭取時間在food court解決晚餐。這晚海豚兒胃口大好,吃了三拼瀨配熱奶茶,三拼則選了熱辣辣燒鴨,半肥瘦义燒,加超勁脆脆脆皮燒肉,這個組合真的正到無朋友。後來跟朋友説起,才知道這燒臘店雖然處身於豆泥food court ,但原來他的燒味也頗出名的,難怪連海豚兒的印度人同事看見這碗湯瀨也想試呢,只可惜因為當中有豬肉,而同事因宗教信仰而不便吃!下次有機會,海豚兒一定會翻兜這兒的燒味。:)




 

20 則留言:

  1. 咁下次介紹佢食燒鴨同豉油雞啦

    回覆刪除
    回覆
    1. 係bor,呢個提意超好,下次一於叫佢試雞鴨瀨!

      刪除
  2. 盆花都不錯啦。 你家附近的餅店質素很好喎。

    回覆刪除
    回覆
    1. 可能我麻麻地顏色太鮮艷嘅選擇啦,我真係唔識欣賞!^^"

      味道都唔錯架,雖然未算頂班同埋D糕點賣相做得唔太仔細,但絶可以頂下癮!

      刪除
  3. 返工放假都係食食食... 咁先係海豚兒呀! (笑)

    回覆刪除
    回覆
    1. 哈哈哈!講得太啱啦!而可能我呢排真係食得太放肆啦,褲頭好鬼緊添!^^"

      刪除
  4. 黄昏時份出動去一個應酬活動 <---哇,係咪好似去上泡社會 D 宴會咁架? ^V^
    花花好大紮,靚呀 =)

    回覆刪除
    回覆
    1. 又無咁勁,只係一個簡單嘅拜訪活動啫!

      盆花真係幾大,個花樽仲裝滿水,我全程車都好小心咁扶住佢,廢事倒瀉水,嘻嘻!

      刪除
  5. 唔係丫, 妳束花幾繽紛好有創意呢 :p

    回覆刪除
    回覆
    1. 可能就係顏色太鮮艷,紅白黄紫綠都有,太過目不暇給啦!XD

      刪除
  6. 唔睇文字,仲以為情人節Mr. Dolphin送花俾妳tim :p

    回覆刪除
    回覆
    1. 無論任何節日佢送上呢盆花俾我,我都一定“驚”喜到暈!我情願佢陪我食下甜品好過啦!;P

      刪除
  7. 扎花真係好聖誕。

    你個三拼瀨好鬼多肉呀,食完會唔會滯?

    回覆刪除
    回覆
    1. 顏色太多反而顯得混亂!^^"

      我嗰日lunch專登食少D,所以食完呢個晚餐就啱啱好,而且嗰晚搞到成九點幾至返到屋企,好在食飽D咋,豈碼之後唔駛再食宵夜。:)

      刪除
  8. The flower arrangement is pretty standard. They all look the same to me.

    勁脆脆脆皮燒肉 looks so yummy!

    回覆刪除
    回覆
    1. 突然醒起之前唔記得講俾大家聽,Mr. Dolphin同我平時都有幫襯開呢間花店買花去... ...拜山架!XD

      燒肉真係好好味,最難得係無豬燥味!

      刪除
  9. 嘩個三拼瀨真的很像樣,恭喜妳吃到好燒味^0^

    回覆刪除
    回覆
    1. 對呀!三拼絕對係水準之作,我都好慶幸可以喺多倫多食到好味嘅燒味!:)

      刪除
  10. 藍苺撻, 我鍾意呢類既cake~

    回覆刪除
    回覆
    1. 我都鍾意食撻又鍾意食藍苺,但呢個藍苺撻嘅藍苺面頭搽咗糖漿,甜得好假,搞到我後來見到佢有賣相靚靚嘅士多啤梨撻都唔敢幫襯啦!

      刪除