2016年5月5日星期四

多瑙河之旅 Day 3 ~ 速“游”斯洛弗克

離開Budapest後,遊輪航行直至第二天下午才到達Bratislava, Slovakia (布拉迪斯拉發。斯洛弗克)。上午時份,海豚兒和Mr. Dolphin先吃一個美味的元氣早餐打底。

專登影低餐枱佈置,因為中間的生果實在放得太有拜神feel啦! XD



下面兩大碟從buffet中取的食物就好好味,但跟廚房點的的西多士和水波蛋就很麻麻啦!




到大概十一時到,遊輪途經一條運河,這可是海豚兒第一次見識這“落閘放狗”的玩意,感覺好新奇和得意,人就像儍了般在船頭船尾兩邊走來走去拍照。


這可以譬如作遊輪要上一級大樓梯,就是説遊輪會航行到某個要向上升上去才能繼續前行的水位,這兒會有一個人工建造類似"泳池"的指定位置(下面是船頭相),



當遊輪進入這“泳池”後,"泳池"的後門會隨後關上(下面是船尾相),



岸上的自動系統再注入足夠水份讓船升到一定水位,等遊輪可以繼續前行(下面頭三張是船頭相,第四張是船尾相)。




下面是在互聯網找的圖片,聰明的各位應該會比看海豚兒解説更能明白這概念吧!^^"



看罷這遊輪爬樓梯"表演”的同時,大厨也把他在lounge即場示範製作的apple strudel完成,對於“煮”,海豚兒真的沒有多大興趣,還是覺得能“吃”的成品更為吸引就是了,嘻嘻!



吃完甜品作間場又到午餐時間啦,食物水準也算可以啦,就是比晚餐好一點點咯!




下午來到Bratislava,Slovakia ,海豚家參加了半天旅遊巴士團,先在巴士裡“走馬看花”式參觀了這兒的豪宅區。。。



當中包括有超級景觀的車位連屋。



然後就去核心的外圍...噢!其實是堡壘的外圍參觀一番。




之後就去了市內的舊城觀光及自由活動。在綠色和白色的牆身上,大家有看到仍在牆上的舊炸彈嗎?





接着便去商場逛個圈。



海豚家也進入自由活動時間,Mr. Dolphin爸爸回船小休一番,Mr. Dolphin媽媽和家姐就二人行,正好讓Mr. Dolphin能盡一點綿力,就是陪海豚兒吃件美味的Tiramisu作下午茶咯,哈哈!



來到每天最不精彩的晚飯環節,為保安全,海豚兒繼續決意吃紅肉,雖然每天也吃紅肉真的太“重口味”,但總好過Mr. Dolphin這晚吃的三文魚“乾”加數條細骨。;P





這晚的飯後節目就是我倆跟Mr. Dolphin爸媽一起逛超市(BILLA)。海豚兒吃了一條過甜的雪條,和買了一大盒雖然不算好吃但就超級勁爆平的古力(>2€)跟同事們開心些牙!

 

22 則留言:

  1. 拜神水果 --> 笑c禾!!
    仲有Mr Dolphin對於魚乾真係好神心呀~~~ XD

    回覆刪除
    回覆
    1. 係啦,之後嗰幾日換咗青蘋果都無咩,但用橙/柑呢D,真係特别有feel!

      佢盡量少食紅肉嘛,而其實佢最怕食魚有骨,平時D魚一食到有骨就停手架啦!^^"

      刪除
  2. 升到水位, 你解釋得好清楚呀
    係咪主菜除左紅肉, 就係魚?

    回覆刪除
    回覆
    1. 好在豈碼有妳明,都不枉我花心雞寫埋一堆!

      每日有三款唔同選擇就係紅肉,魚,同素,但有時D素又唔多掂,晚餐食三文治(!)又或者係芝士嘢(Mr. Dolphin少食),另外仲有每日都有嘅固定選擇,但都係紅肉,魚或素,唉!真係諗返都覺悶呀!

      刪除
  3. 海豚先生咁鍾意食魚,但次次點的都難食。

    回覆刪除
    回覆
    1. 其實佢唔算好鍾意食魚除咗sea bass但因為魚比紅肉健康DD,所以佢咪日日都叫囉!^^"

      刪除
  4. 你個船圖我明wor, 又會咁得意既!咁咪次次都要開開關關咁囉?

    回覆刪除
    回覆
    1. Yeah!! 多謝妳都話我知妳明呀,因為我對technical嘢都係懞查查咁呀!係呀,但我估好多遊客都好似我咁,當係景點咁睇卦,嘻嘻!

      刪除
  5. 回覆
    1. 係呀!北美都有D遊客會專程坐遊輪去panama canal玩,去感受呢個玩意添架!:)

      刪除
  6. 回覆
    1. 好細心呢!無錯呀,隻egg white omelet係Mr. Dolphin點嚟同我分食架,我哋食咗egg white好耐啦,我仲食到慣咗,反而麻麻地正常omelet但同時又好鍾意食正常嘅炒蛋喎,嘻嘻!

      刪除
  7. 唔睇你篇blog,都唔知遊輪可以咁樣落閘放狗,又幾得意喎

    回覆刪除
    回覆
    1. 係呀,後來到我哋陸上觀光去到布拉格都見到有呢個玩意,喺陸上睇返,感覺又唔同咗!:)

      刪除
  8. 回覆
    1. 又真係無喎,妳唔講,我都無醒起,我去旅行期間都無恨食中餐,可能我份人現實啦,明知當地唔會食到正常水準嘅中菜,所以連呢個慾望都無,嘻嘻!

      刪除
  9. 拜神feel...wahaha,最後有冇食呀?
    妳地個午餐、晚餐真係細到爆呀,係咪要日日食tea同宵夜先得?

    回覆刪除
    回覆
    1. 哈哈,梗無啦!早餐有咁多可以“筆”嚟食嘅果,我又點會走去搞呢個唔知洗咗未嘅果呢!;P

      其實午餐同晚餐都可以任食架,但睇見個水準,都無謂徙quota,可能都係因為咁,我每日都食得落tea啦!

      刪除
  10. 拜的神多自有橙神庇祐所以吃到好味的Tiramisu囉haha~

    回覆刪除
    回覆
    1. 哈哈!咁我又真係幾“臣”心喎,每日見到D果,仲唱埋“士多啤梨啤梨蘋果橙”嚟助興!XD

      刪除
  11. 拜神水果...風水呢家野我地唔明架啦, 哈哈!!!!

    連海豚兒都話過甜, 一定甜到肥人食唔落口呀!

    回覆刪除
    回覆
    1. 哈哈,妳都覺得拜神水果有feel呢,嘻嘻!

      係呀,條雪糕bar真係甜到我食咗一半就放棄咗啦!^^"

      刪除