2016年5月9日星期一

多瑙河之旅 Day 4 ~ 難忘維也納的味道。一嚐Sacher Torte

來到這天絕對是此行的highlight,海豚兒終於來到聞名不如見面的Vienna(維也納)啦!

這天海豚家繼續參加船公司提供的半天旅遊巴士團。一早起來,當然要嘆返個靚早餐打抵先啦!



然後就在旅遊巴途經的地方拍拍照咯,包括這座歷史遊久的摩天輪,和沿浮在河上的泳池(趣!),還有一些當時衝忙拍下,現在却忘了是甚麼東東的照片。;P




第一站,導遊先帶我們參觀Hofburg Palace。



中途遇上職員把馬匹運送去訓練,海豚兒拍下了以下的照片。



而跟大家分享這些照片,亮點並不在於馬匹,而是下面由Mr. Dolphin揸機的一張照片。大家有看得出Mr. Dolphin鏡頭內出現了Mr. Dolphin家姐的手和紅色相機,還有站在Mr. Dolphin家姐前面的海豚兒的手及手機嗎?哈哈!三級樓梯級高度只要企啱位,誰也阻不了誰!XD




之後就繼續參觀行程和拍更多照片咯。行程來到這裡,本來有一小時自由活動,然後團友就可以乘旅遊巴士回船享用午餐,但醒目的Mr. Dolphin則提意大家提早離團,那麽我們便有更多時間玩樂!YEAH!!




來到剛開門的Starbucks門口,很少人呢?海豚兒想,身處在維也納,何不喝杯維也納地道靚咖啡!



一場來到維也納,當然也要買包有莫扎特嘜頭的古古力做手信啦,不過,一向有舖"貨比三家"癮嘅海豚兒最終都無幫襯以下呢間專門店買莫扎特嘜頭古古力,而係去咗超市(BILLA)到買,因為真係平D嘛!



但要注意不要買錯啊!因為超市中有好多疑似A貨出現架,睇埋下面張錯誤示範圖就知道流定堅啦!(左:疑似A貨/右:正貨)



感激Mr. Dolphin的體諒,買完手信後,便提意陪海豚兒去Hotel Sacher潮聖,須知道全家就只有海豚兒一人對Original Sacher Torte有興趣啊!亦正因如此,海豚兒特别覺得這機會難得,來到店內店外也要瘋狂拍照。




不過由於除了海豚兒外,沒有人對此品有興趣,海豚兒就只買了件迷你裝Sacher Torte和一盒古古力來試咯!對於Original Sacher Torte,海豚兒不會告訴你不吃不可,但有機會遇上的話,也是值得一試,不竟Hotel Sacher也是此品的原創地。而古古力嘛,初時只抱着好奇買來試的心態,却原來味道也很不錯呢!



之後海豚家便去了吃午飯。Mr. Dolphin和海豚兒開心些牙了湯,意粉,和甜品,全部食物也比船上的午餐和晚餐好吃啊!^^"




再然後,海豚家便去了逛這兒的市場,途經一間超市,順便拍下海豚兒未曾見過的綠罐可樂!



去到市場行了一陣,拍了好些照片。




Mr. Dolphin為了令海豚兒了無遺憾*,就跟家人提意分開逛大半時再集合,好讓海豚兒可以有甜品下午茶時間。由於時間無多,海豚兒只能在附近隨便挑一間店,之後在店內憑目測揀了一件蕉古力糕,一件香檳味馬卡龍和一杯cappuccino,只能説全部都好好味啊!而這蛋糕的味道到現在仍讓海豚兒懷念啊!可惜海豚兒胃納有限而Mr. Dolphin又不在狀態只淺嘗了一丁點,否則海豚兒一定不會就此收手!



*註:海豚兒一直説着來到維也納若不能一嘗這兒的糕點,可是一個大遺憾啊,看來,將來要再訪維也納才能了無遺憾啦!

和家人集合後,海豚家便自行乘地鐵去參觀維也納的另一個皇宮, Schonbrunn Palace咯!Cheap cheap的海豚家沒有購票內進,只應Mr. Dolphin家姐要求,在核心的外圍隨處拍照,不在乎天長地久,只在乎到此一"游”!;P




之後,海豚家就返上船吃晚餐,海豚兒早已忘了紅肉的味道,不過這晚Mr. Dolphin終於吃到不太乾的煎魚,而這晚的古力甜品(有雪糕的一碟)也不錯啊!





坦白説,如果這旅行只有海豚兒和Mr. Dolphin兩口子,我倆鐵定會在市內吃飽玩夠才返上船,但一家人去旅行就要顧及大家的意願,所以我倆也乖乖的回去吃每晚如是的晚餐。在船上的這幾天,海豚兒深深體會到吃得健康的真諦,就是人家常説的早餐吃得像皇帝,午餐吃得像平民,晚餐則吃得像乞丐,唉,海豚兒話你知,我哋每晚都食得好乞衣呀。XD

28 則留言:

  1. 嘩, 如果有機會一齊去維也納掃甜品, 妳話幾咁美好???? (發夢中)
    每晚都食差不多的晚餐又真係幾悶... 不過一家人去旅行嘛, 一齊聚一齊笑都好開心了~

    回覆刪除
    回覆
    1. 實不相瞞,呢個都係我嘅夢!我真係有諗過若妳去得成,而機票唔貴嘅話,飛去join妳兩日架。哈哈!原來為食嘅人除咗口味似,發嘅夢更似!XD

      係呀!難得齊腳去旅行,晚飯呢D咁重要嘅環節,最緊要都係一齊食啫,就算唔好食,都有伴一齊鬧嘛,嘻嘻!

      刪除
  2. 在核心的外圍隨處拍照,不在乎天長地久,只在乎到此一"游”!<--- Great punch line!

    回覆刪除
    回覆
    1. 哈哈,多謝妳!有時寫blog寫得太長篇幅,寫寫下見悶,我就會無聊病發,講D無謂嘢引下自己笑,我係嗰D自己坐喺屋企明明無其他人,自己諗諗下嘢都會笑出聲嘅人嚟架!;P

      刪除
  3. 我只坐過一次郵輪,食物都係普通啦,不過依家啲超級大郵輪主題餐廳都有成十間,晚晚食唔同國家菜色試吓呢樣嗰樣我估都ok嘅。我都好想坐多次,不過我老公唔係太熱衷。

    回覆刪除
    回覆
    1. 我都有想試妳講嘅超級大船架,但睇reviews成日講到隻船週圍都好逼好多人咁,我又有D驚,撞口撞面都係人,放假都要同人搭訕喎!妳老公俾我感覺係去參加amazing race嘅candidate,坐郵輪可能真係悠閒咗D!

      刪除
  4. Sacher Torte咁出名,唔食就走寶喇。mozart 朱古力只可以來送手信,其實不是好吃。

    回覆刪除
    回覆
    1. 對!所以如果有任何友人去Austria玩,我都會提意佢哋去試下,情況好似返香港無理由唔食燒味一樣!

      Mozart古力絶對係食佢嘅名氣!而我,仲有一個小時候嘅回憶!

      刪除
  5. 想話早餐嗰兩張相,右邊嗰張碗裡白色嗰兩粒係咩o黎﹖

    回覆刪除
    回覆
    1. 右邊白色嘅其實係poached eggs,老實講,喺相到認唔出佢係蛋,妳就想像到有幾好食啦!;P

      刪除
  6. 好多朱古力喔!!甜品也誘人香檳馬卡龍好想試啊!

    回覆刪除
    回覆
    1. 對呀!維也納真係愛甜之人嘅天堂呀!我平時一向鍾情撻多過蛋糕,喺呢次行程都忍唔住成日食蛋糕呀!

      刪除
  7. Vienna我都好鐘意,最可惜妳去唔到Salzburg啦,仲正!

    回覆刪除
    回覆
    1. 哈哈,不如約埋Yan同Maggie,我哋一齊組團去吖...睇嚟要唱返句“夜夜夢中相見”啦!

      唉,Salzburg, 真係唔知何年何月先有機會去啦!

      刪除
    2. 哈!好呀,妳快D吹雞啦

      刪除
    3. 一於組個抛夫棄子團!XDXDXD

      刪除
  8. 莫扎特嘜頭古古力, 真係長青, 呢D老本真係可以食好耐 ^^

    回覆刪除
    回覆
    1. 妳形容得太貼切啦!我記得第一次食係八十年代,友人帶回港嘅手信,仲要係一粒4個人分,好矝貴架!;P

      刪除
  9. 嘩,維也納啊,感覺很優雅啊 ^^
    一家人去旅行就要顧及大家的意願 <--對啊,一家人去,我地都係跟番大隊意願,大家都開開心心就最好 ^^

    回覆刪除
    回覆
    1. 維也納絶對係呢個行程中玩得特别開心嘅地方!:)

      對呀!老實講,我唔算係順“得”人嘅人,但旅行嘛,梗係要互相遷就下,嘻嘻哈哈又一日就最perfect!

      刪除
  10. 維也納真係好靚呀...希望我都會有機會去啦...星星眼...
    綠色可樂日本都有架。Healthy Cola...

    回覆刪除
    回覆
    1. 去吖去吖,維也納同布拉格都真係值得一去嘅地方,感覺同西歐都好唔同架,我估川老爺去到一定買手信買得好開心啫!

      我見係綠色罐都估係D健康嘢,雖然罐身係用德文睇唔明!;P

      刪除
  11. 估佢唔到喎,我以為A貨係強國嘅專利,原來維也納都有㗎?! :p

    回覆刪除
    回覆
    1. 靜靜雞話妳知,我眼見好多同胞買咗A貨莫扎特嘜頭古古力,我當時其實好懷疑佢哋係對A貨特別有親切感定還是中伏。^^"

      刪除
  12. Sacher torte 雖然未至於不可不試,但一場去到真是很想試呢!另外, palace 的核心外圍的花園是免費入場的,好美好美啊

    回覆刪除
    回覆
    1. 係吖!妳完全明白食sacher torte嘅心態!

      嘻嘻,嗰日Mr. Dolphin爸爸,Mr. Dolphin同我影完核心外圍就坐咗喺度等走啦,完全都無留意到妳講嘅花園添(汗)!

      刪除
  13. 莫扎特嘜頭朱古力, 肥人都有機會品嚐過一粒...哈哈!!!

    回覆刪除
    回覆
    1. 如果係最近嘅事,我一定懷疑妳係Mr. Dolphin家姐嘅同事啫,因為佢都買咗返嚟請同事食呀,哈哈!

      刪除