2016年5月15日星期日

多瑙河之旅 Day 5 ~ 小城小鎮: Durnstein。Melk

這天的航程比較有趣,就是一天內要走訪兩個距離約23公里的碼頭(port of call)。這兩個碼頭的距離,其實是Mr. Dolphin出於好奇而自己找出來的,文中會有交代。;P

指定動作,晨早先嘆番個靚早餐,經過對上兩天豆都無得食嘅日子,這天海豚兒狂chur了數轉茄汁焗豆,哈哈哈!還有,士多啤梨附近就是之前提過的菇乾啦!



第一個目的地是Durnstein, Austria。這天陰陰涼又落雨濕濕,但由於鎮仔細細,又只有步行團,海豚家也逼不得已地參加了8:30出發的旅行團。



沿途四圍拍照。





包括導遊介紹這條名字叫做通往天堂的樓梯,睇落又真係幾有feel咁喎。




海豚兒最欣賞下面兩件tee,可惜在維也納無買,在這兒又不夠時間買,唯有影張相留念啦。



之後,海豚兒就爭取時間在參觀教堂+欣賞15分鐘organ表演前先買杯cappuccino和手信古古力嘆下先,免得零藝術修養的海豚兒連15分鐘的表演也捱不過去嘛!



去到教堂影幾張相加“聽”完演奏後便回程啦,回到船後,大概10:30左右,船便駛離Durnstein這個小鎮。




然後大家回到船上隨便休息下,吃過正常意粉和炸粉比蕉皮還要軟熟的炸魚薯條(唉!),再拍下照,船在下午兩時到就差不多駛到下一站,Melk, Austria了!






在我們這艘遊輪正駛近碼頭時,Mr. Dolphin在窗外看到以下的奇景。。。



這對夫婦其實是船友,但他們當時竟已在岸上跟船上的人揮手,而我們的船還未舶岸啊!經Mr. Dolphin和海豚兒的觀察,再加上之後一家五口的熱烈討論,這對夫婦應該是預先跟船公司安排好從Durnstein騎單車到Melk,因為當時Mr. Dolphin和海豚兒也清楚地看到他們身旁的單車,而這亦解釋了為何Mr. Dolphin會找出兩個碼頭的距離咯,哈哈!

 

23公里的距離説遠也不遠,但竟然會有船友這樣子騎單車來會合,海豚兒真的做夢也想不到。其實在第一天上船時,海豚家已留意到全船的人均年齡也是被Mr. Dolphin家姐,Mr. Dolphin,海豚兒和這對夫婦拉低了, wakaka,但這不代表我們年輕,只證明river cruise的捧場客大多是退休人仕。而經過這個自制"騎單車"旅行團後,海豚家也不禁為這對夫婦冠名“年青"夫婦啊!嘻嘻!

上岸後,海豚家便乘船公司提供的旅遊巴士參觀這兒的修道院。








糊亂的拍一輪照片後,海豚家便步行到這兒的小鎮隨處逛下。



雖然小鎮一般也沒有甚麼特别之處,但這些小鎮裡的建築物、店舖等,看來就是有一種很和諧舒服的感覺,拍出來的照片也有一種很悠然寫意的味道。





來到晚上,這天船公司搞搞新意思,弄了一個德、澳式的自助晚餐,請了兩位表演員在席間邊彈邊唱,還讓船客參觀餐房的心藏地帶 - 厨房,看看這六、七位厨師是如何弄出接近二百人的膳食!



這個晩餐的確滿有特式,至於味道嘛,就要看大家的喜好咯!海豚兒覺得肉類包括腸仔也很不錯,不同類型的酸菜,醬汁和西式餃子,海豚兒就不太懂欣賞,至於Mr. Dolphin媽媽就跟Mr. Dolphin説 “今晚真係餓死我哋兩母子啦!” 嘻嘻!  原因嘛,Mr. Dolphin媽媽不愛吃肉,而Mr. Dolphin亦不太吃豬肉及少吃牛肉,可這晩的菜類選擇又不多或不合心,所以呢。。。他們也只好多吃一點點甜品來填肚啦!XD




18 則留言:

  1. 遊輪上由六、七位厨師煮出接近二百人的膳食, 質素真係好難要求更多了~~
    咁悠閒又古色古香的城中騎單車,可以想像到係好寫意的事呀, 仲有機會自己搵食添!
    咁妳地之後有冇學團友咁甩團呀?

    回覆刪除
    回覆
    1. 係啦!睇完個厨房,完全明白咗典解點喺碟上嘅醬汁裝飾會乾到刮唔甩。^^"

      我哋梗係唔會啦,我咁clumpsy而企單車技術又咁C,容乜易中途發生意外,搞到手損腳損呀!講笑啫,一家5口,行動最好都係跟實船公司穩陣D嘅!

      刪除
  2. 旅行應該就係要悠閒, 我好怕個D十日五國歐洲團, 之後都唔記得去過邊

    回覆刪除
    回覆
    1. 其實呢水船都唔弱架,共8日5國,我其實都覺得好辛苦下。^^"

      刪除
  3. 其本上如果我上咗呢隻船都係會餓屎

    回覆刪除
    回覆
    1. 係喎,我記得妳講過鍾意食中式食物多!如果坐喺亞洲航行嘅遊輪,應該會多D中式食物選擇嘅!

      刪除
  4. 每次第一張相都見到妳既早餐都好鬼吸引!
    是日既午、晚餐都唔錯喎
    天陰陰咁,如果天氣好,我估環境應該好靚

    回覆刪除
    回覆
    1. 因為每日最放得入口嘅都係早餐嘛!XD

      午餐就唔多得架啦,炸魚塊脆皮淋過蕉皮,晚餐我覺得算ok架啦!

      係吖,嗰日仲落埋雨都幾鬼凍添呀!

      刪除
  5. 回覆
    1. 唔知如果我單車技術好D會唔enjoy呢!但我嗰日見到佢哋由之前一晚到當晚都chur到咁盡,淨係覺得佢哋好好體力咋!^^"

      刪除
  6. Durnstein, Austria 好似冇咩人,好舒服咁啊 ^^
    騎單車...23公里...聽都覺好勁,不過其實23公里有幾遠架? 嘻....

    回覆刪除
    回覆
    1. Durnstein本身唔算多人,人口可能未必夠一千(?),不過我哋途經都係遊客地方都有多DD人架,只係我成日避開D人嚟影相囉!

      如果Mr. Google無呃我嘅話,23公里大概係由元朗西鐵站去荔枝角公園到啦!

      刪除
  7. Poor Mr. Dolphin. Eating mediocre food the whole trip!

    回覆刪除
    回覆
    1. 對呀!佢真係無啖好食,最ironic係咁都仲要增磅嘛!;P

      刪除
  8. 23公里...其實只係三項鐵人賽單車段嘅距離,悠悠閒一個鐘頭都踏完。

    個修道院好似好豪裝喎。

    回覆刪除
    回覆
    1. 若果好天又無咩做都真係唔算辛苦嘅,但嗰日得幾度之餘仲落埋雨,而且D路都應該幾bumpy,仲可能簡中要揾下路。唉哎!越講我越覺得佢哋就係參加緊鐵人賽呀!;P

      係啦!若果唔係去之前Mr. Dolphin家姐話旅遊書有介紹呢間修道院,我會以為係D皇室人員嘅别墅囉!

      刪除
  9. 唔知點解肥人覺得呢個TRIP好似不停地上船落船咁....
    其實JOIN TRIP夠唔夠時間參觀呀~?

    回覆刪除
    回覆
    1. 其實遊輪一般都係每日舶岸上落船,但一日去兩個碼頭,我都係第一次咋。呢日上晝第一程都有DD趕,下晝嗰程都夠時間參觀,反正小鎮D店鋪都好早休息。^^"

      刪除