2016年5月29日星期日

多瑙河之旅 Day 8 ~ 向布拉格出發

有豆食啦!來到最後一天的早餐,海豚兒等了又等的茄汁焗豆終於再度出場啦,海豚兒這日豪不客氣,用上湯碗來裝茄汁焗豆,還吃了三碗之多呢,哈哈!



吃飽飽以及收拾好行裝後,海豚家便按指定時間上岸跟旅遊車私機相認咯!憑目測,這位司機伯伯該有六、七十歲,但他的駕車技術卻像車手般,簡直是逢車過車,未逢敵手。海豚家每次見到司機伯伯大顯身手時更禁不住發出驚訝之聲,據坐車頭的Mr. Dolphin透露,司機伯伯後來亦因此而收斂了,而Mr. Dolphin家姐更爆笑地説“心情好複雜囉,又想快D到Prague,又唔想出事!” XD




來到布拉格,海豚家先到酒店check in,從門面看,這酒店真的有點像危樓,但其實房間的模樣是不錯的,而且二人房價也算相宜,non-refundable rate約$130加紙一晚包自助早餐及連税,只是酒店不是在市中心,步程約需要十至十五分鐘...視乎目的地而定。



因為當時的時間還早,Mr. Dolphin爸媽及家姐的三人房間還未準備好,大家索性把行李搬到海豚兒和Mr. Dolphin的房間。




安頓好行李後,海豚家便步行約十分鐘到商場吃午餐。因為各有各所想吃的,海豚家最終放棄了原先去餐廳進食的打算,只簡單的在美食廣場吃快餐。



Mr. Dolphin挑了又油又淋的湯麵,而海豚兒則點了好吃的蕉古力果仁crepe來吃!經此一役後,Mr. Dolphin説下次來這個美食廣場找吃一定二仔底死跟海豚兒喎,哈哈!



吃飽再逛一陣商場後,海豚家便回酒店,好讓Mr. Dolphin爸媽回到自己的房間稍作休息。等到晚上,海豚家便出發吃晚飯啦!為了完Mr. Dolphin爸爸的心願,這晚海豚家去了一間本地酒吧餐廳吃豬手。



這店子的服務和食物也很不錯,但溝通上卻有點毛病。除却海豚兒,其餘四人也點了牛肉湯做頭盤,由於餐牌上寫着牛肉湯可選擇以碗上或以包上,海豚兒和Mr. Dolphin特别説明我們只要四碗湯,都是要以碗上的形式,結果卻來了四個湯包跟一碗湯,侍應更説是我們這樣跟他要求的!Well,海豚兒只能輕嘆一句: Me English no good 啦!^^" 其實最慘是海豚兒一向不好湯品,這次無啦啦要獨自完成一碗牛肉湯,真係飲到眼光光呀!




吃罷晩餐,海豚兒在酒店對面買了件士多啤梨撻回酒店吃,雖然酒店燈光昏暗,張相影到個撻成個黄面婆咁,但實情是這個撻的味道很不錯啦,至少果夠甜,撻夠脆!:)


20 則留言:

  1. 3碗茄汁豆???妳打算食埋lunch time個餐呀?
    架車好細架咋?點解妳同Mr. Dolphin分開坐?
    可以上岸住架?妳個間酒店$130加紙一晚好OK喎

    回覆刪除
    回覆
    1. 條船每隔兩日至有豆食一次,咁我梗係要食返之前兩日食唔到嗰D啦!;P

      架車係8坐位分3行,連司機每行坐兩個人會舒服D之餘,都要安放個可靠嘅人坐車頭,方便同司機溝通,呢個重任每次都係交俾Mr. Dolphin, 走唔甩!

      遊輪旅行到呢朝早結束架啦,係我哋預先book定車同酒店去布拉格做自由人。其實我都覺得間酒店ok架,不過Mr. Dolphin家姐就勁憎浴缸塊玻璃得一半(簡直係歐洲特色!),沖涼好易整到周圍濕哂,同埋佢哋間房個洗手盤之前又塞塞地咁,但我哋間房又無事喎!

      刪除
  2. 原來海豚兒咁喜歡吃茄汁焗豆 ^^
    好驚呀,好怕D司機以為自己係賽車車手,驚驚....><"""

    回覆刪除
    回覆
    1. 係呀係呀!我平時又唔會買架喎,但去親旅行自助早餐見到有就必食嘅!:)

      真係驚架,頭一半路程我都唔敢瞓,最奇嘅係坐車頭嘅Mr. Dolphin第一個瞓着喎!

      刪除
  3. 第一句「有豆食啦」真係好搞笑!
    豬手餐廳的食物(包括牛肉湯包) 幾吸引喎, 但食完四個湯包真係唔駛食其他lu... ^_^"

    回覆刪除
    回覆
    1. 連"豆都無得食"好橙架,哈哈!

      豬手真係幾好食,不過我淨係鍾意食皮,肉我就麻麻地,牛肉湯都算唔錯,不過最好味嘅牛肉湯(goulash)都係喺Budapest,有機會真係要試下呀!

      刪除
  4. 你地上左車神架車 XD
    有無同你玩下飄移?
    原來你係茄汁豆王 ^^

    回覆刪除
    回覆
    1. 好在車神無玩飄移咋,如果唔係我可能連嗰三碗茄汁焗豆都嘔埋出嚟呀,哈哈!;P

      刪除
  5. 3碗豆.....好勁呀!
    間酒店房都好掂呀, 一d都唔似危樓呀~
    個撻既造型好似唔多掂wo...d 士多啤梨斜晒既...哈哈!!!

    回覆刪除
    回覆
    1. 哈哈,我將平時食豆嘅quota儲埋一次過用(食)嘛!

      酒店本身係翻新過,所以入面都幾企理架,但從外面睇就比較倒胃口D嘅!

      妳講完我再睇下先留意到D士多啤梨斜哂添,都唔知係俾我拎成咁定因為水尾(餐廳嗰陣就閂門),嘻嘻!

      刪除
  6. 食3碗茄汁焗豆,海豚兒勁呀!
    其實個司機叔叔只係想比你哋知道,佢寶刀未老:x

    回覆刪除
    回覆
    1. 哈哈,我嗰日真係好盡情咁chur茄汁豆架,因為真係唔知下次幾時先會再食嘛!

      但我哋真係俾司機叔叔非一般嘅技術嚇到我哋上半場嘅車程都唔敢瞓。^^"

      刪除
  7. 如果你喜歡 baked bean,點解唔叫 chef 煮比你食,唔洗等。Prague 打工的東歐人的英文有限公司, even 5星級酒店,只好睇 menu 作準。

    回覆刪除
    回覆
    1. 我又真係無諗過喎,早知係咁我就唔駛日日等豆到啦!

      最奇嘅地方係交談時喺完全無問題架喎,亦唔覺得對方喺我哋落單時有任何猶豫,所以先無諗到結果會係咁!

      刪除
  8. 我好唔鍾意食茄汁豆,其實所有粉粉地嘅豆我都唔好,甜品嘅紅豆係唯一例外。

    回覆刪除
    回覆
    1. 茄汁豆係我屋企以前打風必定有得食嘅罐頭食物,充滿童年回憶呢!:)

      我記得妳唔太好甜品,但會食紅豆綠茶嘅甜品,紅綠黄豆做嘅甜品我都食,但就唔食豆沙,太甜啦!

      刪除
  9. Mr. Dolphin挑了又油又淋的湯麵 <-- hungry for Chinese food?

    When my husband went to HK with me, he used to miss eating non-Chinese food.

    回覆刪除
    回覆
    1. 對呀,Mr. Dolphin同佢媽&家姐絕對係"一家人"!一個話食湯麵,另外兩個就即刻跟住話食,我心諗,喺布拉格嘅food court食亞洲湯麵,真係"餓"得好緊要,我都廢事出聲!

      香港都有好多有水準嘅non Chinese food喎,都滿足唔到佢要求呀?^^

      刪除
  10. 海豚兒又係喜歡吃茄汁豆?車爸爸又係like爆可以一罐茄汁豆吃兩碗飯架^0^

    回覆刪除
    回覆
    1. Yeah!!原來車爸爸同我都鍾意食茄汁豆! 我記得小時候屋企每逢開親茄汁豆,我都會特別好胃口架!

      刪除