2016年8月1日星期一

淡淡定。密密食

近期海豚兒喜歡上一間上兩個月才開業的台式cafe ~ 路燈咖啡,從餐廳的menu上發現這台式cafe原來是來自台北的,不過,海豚兒覺得不管是從那裡來,好吃才是皇道!到訪店子三次,海豚兒都未曾試過這兒的花茶,但對他們的三文治加沙律,和窩夫就滿欣賞,尤其喜歡他們的菇菇牛角酥三文治,好吃!






除了台式cafe,海豚兒早前亦襯Summerlicious (prix fixe menu) 之際和同事們去了吃午餐。海豚兒和其中一位舊同事分享了好好吃的頭盤和主菜,還有令人失望的甜品。不過呢,這天的午餐其實有段小插曲嘅,話説搞手同事在兩日前預先訂枱,因為訂不到他的“第一志願”餐廳,他儍下儍下地訂了吃印度菜的餐廳^^",直至大伙兒告訴他才知道自己烏龍咗,臨到當天午餐前的兩小時,我們再打電話去這位同事另一間心儀的餐廳碰下運氣,還幸臨時臨急也趕得切轉地點咋,嘻嘻!




呢位同事咩食物都肯試,有一日佢答應陪海豚兒去唐人街買燒鵝開心些牙,因為多倫多夏天才有燒鵝賣之餘亦只有半隻或全隻賣,而Mr. Dolphin又唔食呢D貢唔優雅嘅食物,咁海豚兒梗係要揾外援啦!點知同事突然轉呔話想襯Summerlicious再食好西,於是我倆便來個180度華麗轉身,來到居高臨下的Canoe食番個貴氣靚景午餐。咁當然呢餐從賣相都睇得出食物係非常得啦,食到我哋兩個勁滿足。:D






那麼説好的燒鵝呢?同事亦好有口齒,之後一日陪海豚兒去煎皮拆骨咗半隻燒鵝嚟食。唔知係咪因為海豚兒喺北美洲少食燒鵝關係呢 --->>因為呢度食肆多數只見燒鴨,平時唔多覺有燒鵝賣,印象中海豚兒喺北美生活咁多年嚟都係第二次食咋,食落又唔係唔好食,但又唔係話好好食,而且仲幾油添,或者要留待下次返香港要再試真D先得!

 

20 則留言:

  1. 燒鵝一D都唔失禮, Mr Dolphin 唔識野 XD

    回覆刪除
    回覆
    1. 哈哈,佢係咁架!細個嗰陣人哋醒隻雞脾俾佢,佢都唔鍾意食,情願食雞胸肉架!;P

      刪除
  2. 妳左個間台式cafe一次過食左咁多???
    個間靚景餐廳係咪妳話最高個三間餐廳之一呀?

    回覆刪除
    回覆
    1. 台式cafe嘅相係三餐加埋嘅,我都未至於咁大食,哈哈!

      係呀,就係呢間啦,Canoe係呢到一間好出名嘅餐廳,有機會都值得一試!:)

      刪除
  3. Canoe有靚景睇,食得特別開心。英國都無燒鵝賣。

    回覆刪除
    回覆
    1. 我哋咁啱坐bar位面向窗,真係全程睇住個靚景嚟食,勁爽!

      原來歐美都一樣,我記得以前住LA都無燒鵝食架。

      刪除
  4. 點解Mr. Dolphin會覺得食燒鵝係唔優雅呢﹖

    回覆刪除
    回覆
    1. 其實佢又無咁講出口嘅,不過佢會嫌燒鵝燒鴨燒豬呢D食物“肥藤藤肉震震”囉,哈哈!XD

      刪除
  5. 香港依家都好少燒鵝賣喇,都係賣燒鴨多。

    回覆刪除
    回覆
    1. 我記得以前初搬去美國時唔多慣食燒鴨架,因為喺香港由細到大都係食燒鵝嘛,不過我都覺依家返香港要去特定嘅地方至有燒鵝食。

      刪除
  6. 嘩,個view 好靚呀,令人覺得好舒暢:)
    燒鵝同燒鴨其實點分架?
    海豚兒你知麻,聽講香港同大陸好多出名的店將燒鴨扮燒鵝啊...

    回覆刪除
    回覆
    1. 係呀,Canoe呢間餐廳出名有靚嘅市中心湖景睇,喺多倫多嚟講算係特别,而且食物都有水準,襯prix fixe menu活動嚟食,其實好抵!

      唉!乜咁都有架,真係過份呀!查實我都唔識分架,“目測”見到佢哋掛喺燒腊舖個架到嘅樣係有D唔同咋,嘻嘻!

      刪除
  7. 第一間真係好台風呀!
    Summerlicious我都有D印象, 食物同景都好吸引呢, 如果有機會黎旅行一定會試!

    回覆刪除
    回覆
    1. Welcome back ~~~

      我今日又再去幫襯啦,好鍾意呢間餐廳坐得好舒服,可以hea下。

      如果嚟呢度玩,我都覺得Canoe係值得一去架,當然遇啱summerlicious/winterlicious就會更抵食,但就難D訂位,我哋嗰日好好彩,臨去食lunch前打去竟然有位,雖然只係bar位,但可以對住個景食已經無投訴啦!

      刪除
  8. 靚景靚食物加靚海豚兒..hahaaaa

    肥人唔愛食燒鵝燒鴨..哈哈!
    連乳鴒都唔愛..哈哈!

    回覆刪除
    回覆
    1. 應該係一條鯨呑緊靚食物嘅海豚兒至真,哈哈!

      燒鴨乳鴿呢兩樣食物我都鍾意喎,不過唔係成日有得食就真!

      刪除
  9. 回覆
    1. 對呀!遇着呢d summerlicious時候,真係啱哂四圍去揾食,又抵又多選擇!

      刪除
  10. 回覆
    1. 係呀,呢度無香港有咁多居高臨下嘅食肆,Canoe算係喺市中心較出名又好食嘅餐廳,都真係值得一試架!

      刪除