2016年9月28日星期三

八、九月的味道

花了個多月終於把SF“游”記完成,於是呢,又輪到雜記出場啦!

回來後 - 上班的日子,為食的海豚兒吃過菠蘿油奶茶做早餐,也吃過台式三文治、日式壽司、軟殼蟹包韓式牛仔骨當午餐,癮起時亦當然唔少得甜品下午茶啦!




至於週末,Mr. Dolphin就陪海豚兒食過food court的港式早餐,滿有驚喜的壽司晚餐,不錯吃的意粉薄餅加麻麻地的tiramisu甜品,和好好味的韓式午餐。






在眾多週末之中,海豚兒最開心就是襯天氣和暖的日子,Mr. Dolphin陪自己去市中心揾食。這天,我倆先去了吃甜品早餐,雖然呢,對於這兒的食物不算太欣賞,但也無損我倆的好心情,還正好讓我倆留肚吃晚餐。



在市中心閒逛之際,海豚兒和Mr. Dolphin也忍不住把多倫多這個新地標拍下來。奇怪的是,怎麼現在好像各大城市也有這個屬於自己名字的裝飾呢! ^^"



是日晚餐,我倆選了Copa By Sea。



相信許多人也試過傳統的巴西式燒烤餐(Brazilian grill),這可是食肉獸的天堂啊,但對於少吃紅肉的Mr. Dolphin來説,這晚吃主打海鮮的燒烤餐對他來説就更對胃口了,雖然選用的食材並不矝貴而且上菜的密度亦不及烤肉快,但我倆對這個晚餐也非常滿意啊! 重點是不論是帶子、大蝦,魚魚也燒得鮮嫩可口,一點也不會過柴,值得一試呢!:)




24 則留言:

  1. 題外話, 我覺得好多加拿大出品電視劇都鐘意以科幻做主題, 佢地真係好鐘意睇??

    回覆刪除
    回覆
    1. 呢方面我又真係無留意喎,但就覺得本地人特別鍾意d風趣嘅劇情。

      刪除
  2. 想食帶子同燒菠蘿!開始有秋意食燒烤真係超開心呀~

    回覆刪除
    回覆
    1. 大大粒帶子係Mr. Dolphin飛佛,反而我又無乜特別,所以都將大部分留番俾佢,如果同妳食,就一定唔駛爭食,至於燒菠蘿,我都覺得好正,亦都係其中一個吸引我食呢餐嘅食物,嘻嘻!

      刪除
  3. 菠蘿油都食,果然勇字行先。 軟殼蟹包係我個dream 包,希望有日食到。

    回覆刪除
    回覆
    1. 查實我都懷疑我食菠蘿油嘅quota差不多用盡啦,唉!

      呢個軟殻蟹包真係值得一試,最難得佢嘅炸漿有些微辣,令到個包更惹味,若果妳嚟多倫多,我一定同妳去食呢!

      刪除
  4. 妳哋一weekend就出去食,我家相公,唔想煮時,都係買飯盒返o黎食咋

    回覆刪除
    回覆
    1. 其實Mr. Dolphin都係心歸一族,但佢老婆如果一整日都唔出下街釋放下d體力出嚟,夜晚真係會失眠架,哈哈!

      刪除
  5. 嘻嘻~~~心心COFFEE 呀,好喜歡好喜歡好喜歡 ^^

    回覆刪除
    回覆
    1. 係喎,妳唔講起我都無留意到杯cappacinno有心心拉花添,我應該係太習慣咗呢度d咖啡店多數都無拉花,得一堆泡浮面嘅做法啦。^^"

      刪除
  6. 半夜三更睇到你呢個咁邪惡嘅post,忍唔住要去煮返個麵食^_^"

    回覆刪除
    回覆
    1. 其實食呢篇時我唔覺架,但今晚唔多瞓得著諗住覆下留言,望番d相又真係幾惹人犯罪嘅,哈哈!

      刪除
  7. 好豐富,我出去煮個宵夜先……😠😭

    回覆刪除
    回覆
    1. 嘻嘻,麻煩加多雙筷吖,我都見餓餓地呀。又,好好奇若果真係煮宵夜會煮d乜,我多數都係淥個麵架咋!

      刪除
  8. 我一次都未去過Brazilian grill,唔知點解無乜興趣,不過我唔知原來有燒海鮮,我以為淨係食肉架。

    回覆刪除
    回覆
    1. 我為食又貪心可以一次過試多d嘢食,所以真係幾鍾意Brazilian grill嘅食法,但查實我都只係食過兩次,第一次食肉,而今次都係因為發現呢間咁得意做埋燒海鮮,所以有興趣試下。:)

      刪除
  9. I am more of a carb monster. I went to a Brazilian grill once, and I probably ate $10 worth of food, if that.

    回覆刪除
    回覆
    1. 咁妳同Mr. Dolphin應該好啱嘴形啦,佢都係超愛澱粉質食物,可惜年紀大,機器壞,佢唔可以食太多呢類食物,但越係唔食得就越恨同珍惜,每次食白飯都特別覺得d飯甜,哈哈!

      刪除
  10. 去完SF返黎,每日都食得好豐富喎,又話多倫多冇咁多正野食既

    回覆刪除
    回覆
    1. 錯覺咋,錯覺咋,嘻嘻! ;P

      其實呢度都有好嘢食嘅,但水準唔及香港亦無香港咁便利就真嘅,不過按物價計,依家香港食飯真係貴咗好多,感覺無以前咁抵食!

      刪除
  11. 回覆
    1. 係bor,妳都鍾意食菠蘿喎,其實食完咁多呢d燒過又油油地嘅食物再食下菠蘿,感覺真係好C服架!

      刪除
  12. 生蠔都有咁好既~?
    燒菠蘿呀...肥人都好鍾意食架!

    回覆刪除
    回覆
    1. 生蠔雖然唔係任食但都有每人4隻,或可加錢再order,我地覺得4隻已經夠啦,不如試多d其他食物仲好。

      係呀,燒菠蘿真係好正,有時食burger我都會加塊食架!:)

      刪除