2016年10月4日星期二

下一站。午餐

其實呢,海豚兒覺得自己都幾好彩,本身為食又咁啱市中心嘅辨公室附近都有幾多食物種類可以選擇,所以只要得閒(!)嘅話,都可以好方便咁去揾食。

早前海豚兒留意到一間做日式壽司飯卷(sushi burrito)嘅快餐店自新開張就一直其門如市,海豚兒不曉得這sushi burrito是否新興玩意、食意(?),不過就覺得幾有趣,於是襯一天空閒日子避過人潮,上午十一時多就來買份午餐試下。



在burrito, poke, 和salad中,海豚兒跟據店員提意挑了這兒的人氣之選 ~ classic salmon burrito,結果嘛,又真係一試就鍾情喎,好鍾意一啖咬落去有好多唔同質感加味道嘅感覺,而同時每樣食物材料又互相配合到嘅和諧。




為了減輕罪惡感,第二次幫襯之時,海豚兒就揀了自選沙律,少了澱粉質,感覺上輕形一點。自選沙律其實都好好味,但面對這麼多選擇,對於心急嘅海豚兒就多了一些煩惱,又想快又揸唔定主意揀咩好,嘻嘻!



除了試過sushi burrito和salad外,海豚兒亦幫襯過隔離嘅雪糕店。呢間雪糕店係今年夏天開始營業,海豚兒覺得此店實在開得太。著。時。因為今年多倫多嘅夏天超級熱,氣溫經常維持喺三十度以上,加上濕度,有好幾日仲熱到過40度添!眼見店子中午時份就大排長龍,有時候未夠三點就已經因為所有雪糕存貨賣清而提早休息,海豚兒最羨慕的當然是在這裡的員工啦,可以早收,嘻嘻!又且遠了,海豚兒幫襯過這間雪糕店一次,揀了百爵茶味雪糕,味道也不錯啦,而且此店的選擇好鬼馬,難怪吸引到這麼多年青人呢!



最近,海豚兒又試過另一家新開的餐廳,好似話係來自日本名古屋嘅過江龍主打意粉,至於海豚兒嘅食後感就只有簡單一句...試過就算啦,味道唔差但亦無甚特色就是了。



除了一人前,海豚兒偶爾也會和同事或舊同事相約午飯聚,這天就跟剛訂婚的舊同事分享她的喜悅順便食個靚飯。舊同事挑了海豚兒從未食過的菲律賓菜(又或者小時候去菲律賓時食過,都忘了咯!),海豚兒面前的是燒雞,同事面前的是燒豬腩肉,大家開心些牙,兩款嘅味道都幾好,而其實感覺有些似食緊越南嘅烤雞、烤豬肉飯,只是醬汁有些不同,但同樣是燒得又香又可口。對海豚兒來說,不管是什麼菜,始終好吃才是皇道啊!



忘了説,海豚兒一星期大概只有三天在市中心的辨公室工作,其餘日子就在家附近的辨公室步行上班。所以呢,在市中心上班的日子,海豚兒真的很忙去揾食架,哈哈哈!XD

18 則留言:

  1. 我 city 那間office 附近都好多野食架,不過唔關我事。如果英國有你那麼咁多選擇,我一定容易有200 磅呀。

    回覆刪除
    回覆
    1. 有時我都要用好大意志力阻止自己外食太多架,記得有一排成日走咗出去食lunch,肥得好緊要,好唔健康。

      刪除
  2. 我好少自己去搵食,所以阿姐返o黎就有陪搵食

    回覆刪除
    回覆
    1. 仔仔媽就算揾到好嘢食都最想同仔仔爸、阿姐分享,咁就梗係等阿姐揾啱妳口味同妳去仲happy啦!

      刪除
  3. 好開心呀!市中心Office附近多美食,真係大大增加返工意欲呢

    回覆刪除
    回覆
    1. 係呀,而且近年仲多咗好多新款嘅食物店鋪,真係好大吸引力去市中心返工,嘻嘻!

      刪除
  4. 你個度好多野揀, 羨慕C我

    回覆刪除
    回覆
    1. 而且今次寫嘅都係亞洲食物,相信對妳嚟講一定更有吸引力啫!:)

      刪除
  5. sushi burrito <--- what a brilliant idea! That ice-cream looks huge and yummy!

    BTW, we used to drive to Toronto to eat. Now with two in tow (and one picky eater to boot), we aren't brave enough to make the long drive yet.

    回覆刪除
    回覆
    1. 係喎,呢個仲有埋米飯,應該幾啱妳食添!杯雪糕真係好大杯,我食嗰日又咁啱好熱喎,仲溶得好鬼快!

      帶住小朋友要揸長途車真係大人細路都辛苦,我估豈碼都要有8、9歲先至易d,記得幾年前同埋我姨甥仔女由多倫多開6個鐘車去Montreal,嗰陣姨甥仔就嚟6歲到,上車唔夠30分鐘就開始問到未。^^”

      刪除
  6. 菲律賓菜,嘩,我未吃過菲律賓菜啊,不過我成日覺得怕怕地...因為之前我家工人煮過佢d菲律賓菜,難食到...所以好有陰影...嗚嗚...
    步行上班,嘩,好幸福啊。
    我每天單程返工也要1.5小時,來回三小時.....依家日日去爺爺嫲嫲家,我覺得自己搭車搭到暈....如果可以步行上班真係好好.....

    回覆刪除
    回覆
    1. 如果唔係同事提意,我都唔會去試菲律賓菜架,不過呢餐飯真係俾預期中好食好多,我估無妳家工人煮嘅咁正宗,所以先咁好食咋,哈哈!

      每日來回3小時真係好辛苦呀,希望快d裝修好新居,咁妳就可以有多d時間陪3K同埋可以休息多d。其實呢,我一向一個小習慣,由讀書到做工,我都盡量揀住喺方便讀書、返工嘅地方架。

      刪除
  7. 回覆
    1. 個飯卷真係又大又飽肚,所以食沙律就反而感覺C服d!

      刪除
  8. 住大城市就有呢度好,我啲鄉下地方乜都無,而班麻甩佬同事對食又完全無要求亦唔識食,要佢哋去遠啲試其他嘢係無可能嘅事。

    回覆刪除
    回覆
    1. 以前我都覺得多倫多唔算太多嘢食架,係近年先多咗咁多選擇。不過妳公司大部分係對食無乜要求嘅麻甩佬嘅話,就算佢地肯陪妳去遠d食,去到都係嫌3嫌4,咁食法嘅話,唔去都唔係損失。;P

      刪除
  9. 我都未食過菲律賓菜呀, 唔知香港有無呢~?

    回覆刪除
    回覆
    1. 我估香港咁多菲律賓人實有嘅,主要係要揾間啱口味啫。突然好無聊咁諗起“星期日邊到最多菲律賓人”呢個笑話添,嘻嘻!

      刪除