2016年10月31日星期一

重“游”東京 ~ Day 1

距離上一次東京行才十一個月又再出發去東京,何解呢?

藉口一,年初遇上機票減價,每位$1000加元直航來回羽田機場>>以加拿大標準算抵了,平常減價後也要$12xx;藉口二,去年來去怱怱,沒有機會泡溫泉;藉口三,這好醜也是我倆今年唯一的二人行啊,無奶油唔揀個大家都有興趣去嘅地方架。所以嘛,從年初起,我倆便省吃儉用儲旅費決定要重“游”東京咯!

出發日,下午一點半機,來到機場辨好手續後的指定動作就是去lounge歇一歇,來個茶點時間。海豚兒只輕手的拿了一點小吃加啖湯和吃了人家兩啖麵,Mr. Dolphin則食慾大開吃了一大碟小吃加一碗半杯麵,哈哈!




十三小時後。。。




到埗後,我倆就坐機場巴士去舊年入住的Sunroute Plaza Shinjuku Hotel然後碌住兩隻喼去隔一個街口,今年入住的JR Kyushu Blossom Hotel。




今年選的這間酒店比去年的酒店貴一點點,但這兒新淨許多之餘(2014年才開幕!),間隔亦比另一間好,雖然房間大細也差不多,但厠所則空間感大點亦乾淨很多>>這點超重要(!),加上這兒有去年酒店房內沒有的夾萬和每天附送兩瓶水,我倆真的好喜歡這酒店啊!




又,日本人做事真的超認真又細心,海豚兒在訂酒店時提出的要求,他們也做得有過之而無不及,就是説海豚兒要求房間在高樓層和遠離電梯位,結果我倆入住了最高樓數和距離電梯最遠的房間呢,哈哈!

安頓好行李已是晚飯時間,海豚兒和Mr. Dolphin這晚打算吃迴轉壽司。



來到店子估計要排15-20分鐘隊,海豚兒就襯空檔跑去附近買飯後甜品加早餐然後回來會合Mr. Dolphin咯!



來這間壽司店就是為了它。。。



可惜、可惜,味道不是太新鮮,而其他壽司水準也只是平平。有圖有真相,我倆只吃了碟就收工啦。





吃飽飽後,海豚兒又買了一個Bake的芝士撻,跟去年一樣,撻只是微暖,吃落有點若有所失。



唔知大家有無呢舖癮呢?我家Mr. Dolphin對於日本的飲品自動販賣機很有一個情意結,就是説小時候來日本玩,家人不會給他買這些飲品,現在來到就要喝過夠。是晚,他挑了暖的生薑熱飲,味道嘛,就是有點偏甜和不夠薑咯。



之後,我倆去了Bic Camera放低些銀兩再去藥房眼看手勿動式逛下,就回酒店吃巧巧味飯後甜品收拾明、後天的行裝和休息了。

22 則留言:

  1. 回覆
    1. 是日藉口: 飛機無啖好食,我餓咗十幾個鐘啦,哈哈! XD

      刪除
  2. 去到日本居然食到唔太好嘅壽司?oh!!! 浪費咗一餐quota,我會傷心的!

    回覆刪除
    回覆
    1. 所以我都勸老公及早離場止蝕呀,若果唔係,仲徙得更多quota! 好在我又未至於好傷心,因為明知有好味嘅甜品等緊我! :)

      刪除
  3. 去年酒店房內沒有的夾萬 <--- how is that even possible?!

    回覆刪除
    回覆
    1. 係啦,搞到我地舊年喺東京玩嗰幾日都要袋住日元、澳幣、港紙四圍走,真係幾唔方便。^^"

      刪除
  4. 回覆
    1. 呢句最啱聽,不過對6299嚟講,就可能唔同咁講法啦,lol! ;P

      刪除
  5. 日本東京真是去多幾次都唔會厭呢!

    回覆刪除
    回覆
    1. 都係呀,所以我地舊年去完返到多倫多兩個月到就心郁郁再plan今年呢個trip啦! 同樣地,巴黎都一樣,有機會我都想重遊呢!

      刪除
  6. 日本是不會去厭的,每次都會有新鮮感。

    回覆刪除
    回覆
    1. 對,雖然我喺東京無咩購物慾,但行下睇下食下都已經覺得好開心,尤其係食方面,真係超滿足!

      刪除
  7. 回覆
    1. 暫時睇住facebook嗰d先啦,不過呢。。。我估溫泉酒店嘅食物相會更加吸引妳呢,嘻嘻!

      刪除
  8. 最高樓數和距離電梯最遠的房間 <--好好呀,真係好貼心,呢d先叫服務。
    如果在香港有呢d request,通常都只係回覆:「我地盡量安排」><""""

    回覆刪除
    回覆
    1. 我其實都好驚訝佢地呢個嘅做法架,不過好多時高樓數要求就算唔得,遠離電梯一般都可以嘅,因為我旅行時會因為時差而變得醒瞓,所以我情願住入d嘅房,行多兩步當運動,希望可以靜d瞓得好d。:)

      刪除
  9. 我次次住酒店都無用個夾萬, 真係咁重要~?
    肥人帶得好少錢...hahaaaaa

    回覆刪除
    回覆
    1. 坐13個鐘...肥人應該暈低左..哈哈!
      平時坐3-4個鐘肥人都叫緊救命...HAHAA

      刪除
    2. 我地會將d重要而且唔見咗會好煩嘅嘢放入去,例如屋企鎖匙,因為袋住喺身又重又唔方便嘛。

      刪除
    3. 一開始決定重遊東京就係覺得去夏威夷都要飛10個鐘啦,例不如飛遠少少去東京,但其實飛香港都係再多兩個鐘(15個鐘),哈哈!

      刪除
  10. 回覆
    1. 唉!原來都係雷聲大雨點小,不過如果新鮮出爐,味道都會好d嘅...應該係,除非唔係。;P

      刪除