2016年11月3日星期四

在雨中。東京>>箱根 ~ Day 2 上

來到東京的第一個晚上因時差關系睡得不穩。晨早起來沒事幹便提早辦酒店check out手續,然後四處逛到夠鐘才搭預訂火車前往箱根。

先簡單報告一下這星期的行程:

Day 1: 多倫多>>東京

Day 2: 東京>>箱根

Day 3: 箱根>>東京

Day 4 to 6: 東京

Day 7: 東京>>多倫多

值得一讚的是,JR Kyushu Blossom Hotel是可以讓客人在check out後把行李寄存在酒店內,只要客人在這行程內是會再重新入住這酒店。這個做法對我倆真的好方便呢!

走到街上,海豚兒和Mr. Dolphin先去一蘭拉麵醫肚。這可是我倆第一次幫襯此店,或許是我倆太笨,不曉得那一款好吃,隨便挑了一個套餐分吃,味道就是不覺得怎樣,亦沒有要回頭再來的道理。




回到街上,時間尚早,商店未開而雨卻越下越兇,雖然打著傘,身上的衣服和褲管也被沾濕了,海豚兒實在不想在旅途中病倒,於是我倆又再躲進另一間餐廳裡去避雨>>這藉口有多漂亮啊~~~

來到磯丸水産,當然要燒番隻帶子和蟹蓋食下啦,味道就是和回憶中的一樣鮮美!




好不容易等到夠鐘,我倆便乘坐浪漫快車(Romance Car)前往箱根了。沿途一直下著雨,我倆連拍照也沒多大心機。





去到箱根湯本的手信街,雨依舊沒有停,冒雨行街真的不爽。




看見旅遊書推介的咖啡牛奶雪糕,即買!而味道嘛,冰感太重,不吃亦沒損失。



逛著逛著,Mr. Dolphin對這兒的名物溫泉萬頭有興趣,那我倆便買了一個芝麻味的來試,至於味道,就像中式蒸包的包面加擂沙湯丸的餡,愛吃甜的話也不防一試。



之後我倆就隨便找間餐廳吃午飯,Mr. Dolphin的雞丼就麻麻但海豚兒的鰻魚飯就不錯啦,有趣的是餐廳只有日文餐牌,不懂日文的我倆就被邀請到店外,從廚窗內的食物樣本“指”出自己想吃的食物來下單,所有不會日語的遊人也如是,永不落空,哈哈!



吃飽後隨處逛,經過便利店買了杯又平又好味的牛奶布甸。



在手信街一路逛一路試食加影相,到差不多時候就去巴士站坐巴士去溫泉酒店啦。

這篇幅再寫會有點長,下一篇海豚兒會為溫泉酒店進行詳細報導。

18 則留言:

  1. 今晚好想食牛奶布甸呀....
    落雨真係論盡,希望之後好天啦

    回覆刪除
    回覆
    1. 日本便利店嘅牛奶布甸真係平靚正呀,唔知香港便利店嘅水準掂唔掂呢。

      係呀,呢日喺條街到雖然都行咗半日,但真係無乜mood,好在之後都係天氣晴朗咋。

      刪除
  2. 落雨真係有點掃興,我旅行運唔錯(touch wood!),好少撞正落雨。

    回覆刪除
    回覆
    1. 係呀,旅行期間落雨既唔方便又影響埋心情。咁妳真係好彩啦,希望妳之後落黎幾時去旅行都繼續好天氣吖。

      刪除
  3. 坐火車去箱根要多少時間? 可惜我的團友都鍾意浸溫泉。

    回覆刪除
    回覆
    1. 由新宿坐浪漫快車去到箱根湯本站約90分鐘,車票可以喺網上一個月前東京時間上午十時開始預訂,呢個做法可以訂埋較新型號有observational deck嘅火車卡嘅位,d靚時間嘅車頭車尾靚位好快比人秒殺架。

      我想襯記憶仲清晰時寫清楚d,咁若果下次d團友同妳想去嘅話,妳都有個預算。:)

      刪除
  4. 去玩撞正落雨,真係幾無癮

    回覆刪除
    回覆
    1. 呢日真係差d,好在之後嘅日子都係天朗氣清咋。:)

      刪除
  5. 回覆
    1. 唉,我當時都係咁諗,最橙嘅係舊年去東京又係咁,去5日落咗成3、4日月。

      刪除
  6. 去旅行落雨的確掃興,不過去食店找點吃的是一個很好的避雨方法呀!

    回覆刪除
    回覆
    1. 好在之後都好天咋,如果唔係就真係掃興掃到頂點,因為對上一年去東京又係狂落雨,不過,我都覺得呢d時候用食嚟避雨真係最好嘅止蝕方法,哈哈!

      刪除
  7. 撞正落雨真係好掃興, 肥人好明白!
    浪漫快車(Romance Car)一D 都唔浪漫WO好似...hahaaaa

    回覆刪除
    回覆
    1. 係啦,嗰日仲要係唔計到埗當日嘅行程首日,好在之後都有好天氣咋!

      哈哈,我都有同感,其實無論係個名嘅中英文,我都覺得怪怪咁。;P

      刪除
  8. 嘩,溫泉酒店,好期待呀,快D快D ^0^

    回覆刪除
    回覆
    1. 雖然唔係第一次浸溫泉,不過就真係首次喺房入面有私家溫泉浴室,去之前我都係萬二分期待架。好快啦,整理埋d相就出架啦。:)

      刪除
  9. 落雨有點論盡,但亦增添浪漫!

    回覆刪除
    回覆
    1. 話時話我真係有d朋友覺得落雨呀、陰天呀係浪漫,仲要都係男士,而我,就真係覺得係旅行嘅大忌呢!

      刪除