2016年11月16日星期三

開行turbo吃吃吃的一天。東京 ~ Day 4

晨早起來,海豚兒先自隊了半個之前一日在小田急百貨地庫買落的堂島卷,Mr. Dolphin看著忽然這麽能吃的海豚兒,除了無奈、也只有無奈,哈哈!



梳洗過後,我倆上午九時多就坐車來到東京駅一番街,為的就是要覆桌好好好吃的沾麵啦。



排了約十五至二十分鐘隊,終於到隊頭啦。




可壞消息是沒有我倆想吃的那款特別湯底,所以Mr. Dolphin只隨便挑了另一款湯底,我倆估計是店子早上不供應某些湯底,否則無奶油未夠十時就賣哂卦。雖然味道是沒有記憶中的好,但其實也不錯啦。



一場來到,我倆就在這兒隨處逛當散步咯。




逛完後,Mr. Dolphin就陪海豚兒去下一站。甜品,好讓海豚兒重溫Nana's Green Tea嘅焙茶雪糕甜品。



這兒甜品的味道和記憶中的一樣好,只可惜此店沒有售賣獨立焙茶味的軟/硬雪糕,就是有點不夠喉嘛!



吃飽後就去了銀座那區四處逛,途經樂天皇朝,想不到這兒竟然有此店啊!



之後就去了玩具店逛下。



再然後經過一間“絕不便宜”的藥房門口,跟據Mr. Dolphin目測,有三架旅遊巴的大陸客在前後約十分鐘內攻入這間店掃貨,勁呀!

 

接著,我倆就來到下一個目的地 ~ Pierre Marcolini。



首次接觸這品牌就是兩年前去比利時的布魯塞爾,當下一試她的古古力,已是十萬個喜歡啦,既然銀座店設有堂食,當然不能錯過吧!




由於這天所吃的實在苦無落隔的機會,這趟我倆只能淺嚐一件濃濃古力蛋糕及一杯香濃醇滑半點不"確"喉的熱古古力,這絕對是海豚兒記憶中最可口的熱古古力*,值得一試!

*註:不過呢大鄉里的海豚兒是未曾試過Angelina的古古力架!



影加食完一輪,我倆就坐車去睛空塔觀光。不是這個啦!



哈哈,是這個才對!:D



原來晴空塔旁邊有個商場,逛罷後,我倆便回新宿找吃的。。。大意的我倆當下沒有想到可以到塔上用膳,第二天想起來時,已是“錯失太易”加“回頭太難”了。^^”



一向做事“無規無矩”的海豚兒,這晚就挑了人氣早餐店 ~ Sarabeth's來吃晚餐。這樣,我倆除了避過上午的人龍又可以同時點上半份的西多士、pancakes當甜品。



老實説,這兒的egg benedict和pancakes味道只算正常,烤雞飯及西多士味道就不錯,總括來説,我倆也認為這兒有點名過於實就是了,唯有安慰自己,好醜也算是來過嘛,嘻嘻。





是晚宵夜是超市關門前的減價壽司,不算超好吃,但以價錢計就很抵吃!

14 則留言:

  1. 記得最鐘意食飯, 珍珠米, 好味, 不過我無拓幾包返HK

    回覆刪除
    回覆
    1. 妳講得啱呀,日本嘅珍珠米好味到平時不沾米飯嘅我都忍唔住密密食,但拓米又好似太辛苦,我都應該唔會咁做。^^”

      刪除
  2. That egg benedict looks like a plastic mold.

    回覆刪除
    回覆
    1. 呢個可能係我攝影技術問題多d,哈哈!我覺得隻egg benedict味道係ok嘅,只不過無咩過人之處,同平時一般北美餐廳食到嘅水準比差不多囉!

      刪除
  3. 好唔好吃真的很個人,總之食多D才是強呀!

    回覆刪除
    回覆
    1. 係呀,但好似Sarabeth's咁,當我見朋友、blog友去親東京都喺度打卡就令我好想試下有幾正,點知...好在我地唔駛排長龍咋,同埋呢日基本上都食咗好多正嘢!

      刪除
  4. 回覆
    1. 有機會海豚兒一定要同車媽媽一齊隊一條堂島卷,唔駛我一個人食咁寂寞,嘻嘻!

      刪除
  5. 朝早自己隊半條蛋卷/蛋糕,俾我見到都會傻眼!

    回覆刪除
    回覆
    1. 對我嚟講,朝早第一餐要食bacon, ham類型食物,我反而會覺得油淋淋食唔落,相反地,就覺得呢條卷蛋好“清淡”,哈哈!

      刪除
  6. 回覆
    1. 呢日真係勁誇,我都懷疑自己中咗大食降,好在返到多倫多後,呢個魔法就自然流失咗咋。;P

      刪除
  7. 回覆
    1. 最開心係行程全都係食我鍾意嘅食物,呢方面真係要多得Mr. Dolphin嘅遷就。:)

      係呀,我地喺東京真係見到唔少賣鬆弛熊嘅商店,呢張相旁邊已經有一間,連去到羽田機場都有呀。

      刪除