2016年12月4日星期日

再見。東京 ~ Day 7

呢日係重“游”東京嘅最後一日,可以話好悠閒又可以話好趕,原因嘛,之唔係海豚兒麻麻煩煩所致囉!

梳洗過後,先到車站把Pasmo Card(即八達通)退還取回按金。



本來想揾間舒適啲嘅餐廳陪Mr. Dolphin食個意粉,但經過去年嘅教訓,大家都唔敢等到十一、十二點啲靚餐廳開門後去開餐,生怕最後又要趕頭趕命去搭車去機場,所以當我倆在新宿站>>地點大概係小田急的地下街發現呢間連鎖餐廳~亞麻亞亭咖啡館,難得早上十時已經在供應意粉,那就一於選她吧!

晨早流流,海豚兒沒有Mr. Dolphin這麽渴求吃意粉,只意思意思地點了一件甜品,雖然栗子撻略為偏甜,但甜品和意粉的味道也實在不錯,海豚兒覺得這就是日本可愛之處,連鎖餐廳的水準也實在不錯啦!



之後,Mr. Dolphin就陪海豚兒逛街,並買了一個小手袋。説起這個小手袋,海豚兒真的好“哎呀”架。是咁的,海豚兒看上這個小手袋是因為喜歡上她的顏色,奈何店內只剩下一個有一小點漬的樣版(floor sample),好心的sales姐姐説她可以代為清潔,結果卻是把污漬弄差了,然後就根據公司規定説不能再賣啦,於是海豚兒就拉著Mr. Dolphin陪自己走去另一家百貨公司進行“尋找小手袋的故事”啦。長話短説,那個顔色是期間限定,另一家百貨公司也是沒有呢,海豚兒唯有退而求其次選了另一個顏色就是啦。^^”



把手袋成為囊中物後,海豚兒便和Mr. Dolphin到Newoman的Pierre Marcolini再嘆多杯超好味熱古古力,然後就去坐機場巴士前往機場咯。

去到機場方發現之前一晚跑回酒店check in的努力原來都是枉費呢,真是人算不如天算,又點估到航空公司臨時改了機種,坐位又再重新安排過呢。

不過都唔緊要啦,難得提早去到機場除了可以掃零食外,更重要是在機場能夠最後衝次吃過夠。雖然在入閘前有九萬幾種選擇,海豚兒和Mr. Dolphin還是等到入閘後才找吃的,原因嘛,我倆又再食六厘舍的沾麵啦,正所謂“一人一碗樂趣多”嘛!除了沾麵,海豚兒更吃了一客壽司,反正上機後,海豚兒也不會多吃,一於填飽個肚先上機啦!






臨上機前,Mr. Dolphin因為知道海豚兒喜歡吃蕨餅,特意給海豚兒買下這個不錯吃的蕨餅,可憐Mr. Dolphin為了買這個小甜品給老婆吃,弄得一褲袋係嘅散銀返多倫多啊!



最後,我倆喺呢個星期每日行嘅路加埋差不多一百公里,某人行到雙腳生咗幾個水泡,但話雖如此,我倆喺喪食情況下都無長太多肥肉肉,好在好在咋!

就這樣,這個週年慶旅程便完了。能夠每年和Mr. Dolphin有只屬於我倆的二人旅行,真好!

22 則留言:

  1. 又溫泉又食又買,竟然仲要冇乜肥到,依個anniversary trip太幸福了!!!

    回覆刪除
    回覆
    1. 呢個trip真係今年去得最開心嘅旅行呀,始終二人行先係我地心目中最自由嘅旅行方式,亦因為咁,先可以喪食而無重幾多咋。

      刪除
  2. 食飽飽, 好過等個飛機餐啦
    題外話, Justin Trudeau 係咪最近俾人鬧到飛起?

    回覆刪除
    回覆
    1. 我都係咁話,最怕食飛機餐。>_<

      佢有太多俾人鬧嘅嘢啦,無啦啦搞達大麻啦出嚟,得閒又走去瀨大陸鞋底簽埋d唔三唔四嘅嘢,人質單嘢又搞成咁,唉!靚仔真係唔係大哂架!

      刪除
  3. 回覆
    1. 對我地嚟講,旅行能夠週圍行同食就最感受到當地嘅風土人情,對參觀過嘅地方印象亦會更深刻。

      刪除
  4. Mr. Dolphin又搞到一褲都係…散銀,哈哈

    回覆刪除
    回覆
    1. 係囉,我原先以為佢有散銀剩所以買蕨餅俾我,後來至知佢係冇哂散銀而又明知會搞到一褲都係都買。^^”

      刪除
    2. 嘻嘻,都係嘅,不過我都好鍚佢架,成日訓練佢心算。XD

      刪除
  5. 我都係盡量上機前食到好飽,又或者喺機場買定三文治,然後盡量唔食飛機餐。

    睇落我係絕對唔可以同你做旅行伴侶,因為我係一定唔會步行到會出水pok嘅程度....not anywhere near that!

    回覆刪除
    回覆
    1. 我以前無諗過架,因為好怕食飽坐低唔鬱,只係慣咗喺機上鬧飢荒,不過依家就會喺回程地方食飽先,反正都係d平時食唔到嘅嘢,食得特別開心。

      哈哈,其實除非著錯鞋,我一般都唔會行到起水泡,但Mr. Dolphin行路方式唔正確,重心放喺腳趾,所以特別容易出水泡。不過我都記得妳提過唔會行得耐,唔緊要吖,我地最多約喺目的地食住等啦,我都係咁同另一個堅行得嘅blog友咁講架。XD

      刪除
  6. 太好了買到靚袋,又有好味蕨餅心滿意足吧!

    回覆刪除
    回覆
    1. 雖然手袋唔係100%鍾意,但去旅行嘅心態就係咁,成日想買d居住城市無嘅嘢返去。^^”

      至於蕨餅,又估唔到真係幾好食喎!

      刪除
  7. 每一年都可以兩個一起旅行慶祝其實好幸福呢...^_^
    有時買野就係咁...冇貨要去搵時會比有貨更想買 (笑)

    回覆刪除
    回覆
    1. 婚後,我地盡量都安排每年有至少一次嘅二人行,但其實婚前,所有旅行都係二人行嚟架,換句説話,我地其實係退步中呀,哈哈!

      妳講得太啱啦,就係呢種無貨就更加渴求嘅心態,但其實冷靜落嚟又會覺得無咩咁大不了。

      刪除
  8. 對啊,「能夠每年和Mr. Dolphin有只屬於我倆的二人旅行,真好!」呢句的確係,我都好想有呢種trip 啊....

    回覆刪除
    回覆
    1. 妳對上一次二人行係咪就係英國遊呀?

      依家要照顧3K又真係無咁容易行開,或者去d兩、三日嘅short trip唔知得唔得呢?

      刪除
  9. 海豚兒看上這個小手袋是因為喜歡上她的顏色,奈何店內只剩下一個有一小點漬的樣版(floor sample),好心的sales姐姐説她可以代為清潔,結果卻是把污漬弄差了, <--- For me, if they would have offered a discount, I would probably take the floor sample since purses tend to get dirty anyway :)

    回覆刪除
    回覆
    1. 我唔係好肯定日本會唔會offer discount on floor sample因為呢樣嘢美國係比較慷慨,even加拿大呢方面都揸得比較緊,除非係appliances or electronics,其他好多時都係件貨嘅condition好差先會offer discount,不過當時我只係諗點可以整走d漬,早知就問下家中清潔大使嘅意見先啦...但當時某人掛住睇嘢,都無留意到我同sales姐姐嘅對話。

      刪除
  10. 喪食又喪行, 當然無肥到啦~
    SALES 姐姐服務好好喎, 可惜最後都無想要既COLOR~

    散銀-----哈哈!!!
    我老公都想散晒所有散銀架...男人個個都係咁~
    唔緊要啦, 愛妻號~

    回覆刪除
    回覆
    1. 無錯呀,食得多唔緊要,最重要係多d走動。Sales姐姐真係好熱心,不過都無法啦,咁又可以俾個藉口我將來買呢個顏色嘅手袋。

      哈哈,原來大家嘅老公都係咁,都唔明點解,有銀包散子包又唔鍾意用,就係鍾意袋喺褲袋慢慢數。XD

      刪除