2017年3月10日星期五

甩甩漏

又來一篇甩甩漏的雜記。

先記下海豚兒“寄居*”嘅辦公室搞咗個potluck午餐,熱情的韓國人同事和另一位好人的波蘭同事誠邀海豚兒一同參予,帶住兩梳蕉入到員工休息室+廚房,海豚兒尷尷尬尬咁攞咗呢兩位同事誠意推介他們自家製的韓式炒麵和牛油果吞拿魚沙律,還有另一位同事剛買回來,新鮮熱辣印度咖喱角,再加個紙杯蛋糕作甜品,超級飽足。當然,一吃飽海豚兒就即刻以九秒九去買些曲奇的美味回來給同事們些牙,大家開心!




*寄居 - 因為海豚兒真正的辦公司不在這裡,但貪方便,經常喺呢個離屋企步程只十五分鐘的辦公司上班。

另一天在市中心上班,海豚兒就獨子去嘆韓式雞翼,yummy! 其實海豚兒想翻兜這種雞翼好耐啦,不過某人最近腸胃不好,海豚兒怕他的肚子負擔不起,所以就決定獨自把任務完成咯!XD



有日專登途經古古力店,看見這兩款古古力味道幾特別便買來一試。Irish Whiskey是襯St. Patrick's Day推出的期間限定,不錯吃,反而Banoffee就一般般啦,沒甚麼個性。



偶爾,海豚兒也會襯上班日子偷雞出街吃午飯,意思是明明已經帶了lunch但卻依然出去揾食。。。但是嘛,牛角酥, burger, poutine呢類comfort food,又確係難忍口嘛,你懂的。^^”



當然,回到家中還有Mr. Dolphin給海豚兒買的一點甜,真係想唔“月巴”都難呀,嘻嘻!

 

18 則留言:

  1. 妳份工可以揀唔同地方辨工﹖

    回覆刪除
    回覆
    1. 我個部門比較有彈性,只要喺其他地區嘅辦公司揾到容身之所,就可以自行安排。

      刪除
  2. 講起"月巴"字就傷心,近期係咁食食食,套用Matthew名句,真係減下減下又"月巴"左!!! ^_^"

    回覆刪除
    回覆
    1. 其實食到啱口味或有水準嘅還好,可惜我近來係毫無節制咁食junk food,就真係差d。大家一齊為旅行而努力減呀!

      哈哈,Matthew名句好可愛呀,而其實我一d都唔覺得佢肥!

      刪除
  3. 你的人potluck 好有規模喎,真係似開 party.

    回覆刪除
    回覆
    1. 呢個辦公室同事好有心呢,花好多心機準備呢場potluck,可惜係佢地唔可以一次過一齊食lunch,要分批進行,無咁熱鬧囉!

      刪除
  4. 點解可以揀返邊個office?

    回覆刪除
    回覆
    1. 因為工種需要,我地簡中要外出工作,所以部門對我地喺邊個office返工都比較有彈性,唔會太多限制,但就唔鼓勵我地work from home...不過我都比較old school,鍾意“出去”返工多過留喺屋企做工事。

      刪除
  5. Samosa is my husband's favorite, but it's a little too much spices for my liking.

    回覆刪除
    回覆
    1. Samosa嘅香料簡中一次食下我都ok,但炸+薯仔我都唔敢多食。

      刪除
  6. 咁好既,可以揀去邊個office 返工...肥人都想呀!

    回覆刪除
    回覆
    1. 都係架,亦都因為呢個部門同公司其他部門比有彈性好多,所以我喺度做咗好幾年都唔願走,雖然份工嘅模式近年有較大變化亦都已經辛苦過以前,但打工嘅,都好難有唔辛苦嘅。^^"

      刪除
  7. 好正喎,行十五分鐘就到公司! 我以前返工要一個鐘T_T

    回覆刪除
    回覆
    1. 係呀,步行十五分鐘就到公司真係好方便,雖然都有日曬雨淋嘅時候,好似上星期五放工大風到我行每步都有阻力,但始終都好過繁忙時間塞車又人多車多。

      刪除
  8. 好好呀...15分鍾 ^^
    我依家返工都近左,半個鍾包等加車程 ^^
    之前未搬時,我單程要1.5小時(最基本...><),所以每日來回要3小時啊...@@""

    還有啊,可以有不同國家同事真係好好,我之做駐校時,學校有NET TEACHER和普通話老師,我好喜歡同佢地接觸的,感覺非本地人的文化很不一樣呢 ^^

    回覆刪除
    回覆
    1. 未搬前上班來回要3小時,真係諗都覺辛苦,好在依家半小時就得,真係萬一有咩事要趕返屋企照顧3K都方便好多嘛!

      對呀,每個國家、文族都有自己嘅優點同特質,有時同同事傾計感覺好似上會學咗好多風土人情,就算多倫多嘅白人,好多都係上一代至由歐洲各國移居過黎,所以同事對自己背景文化都有一定嘅了解,有時又會分享下父母移民血淚史或趣事。

      刪除
  9. 太美妙的午餐,那韓式炸雞妳一人KO好勁呀!

    回覆刪除
    回覆
    1. 韓式炸雞翼甜酸味中又有微辣,好醒胃,所以清碟無難度呢,反而侍應覺奇怪我唔駛叫個白飯黎伴吃就真,嘻嘻!

      刪除