2017年3月7日星期二

心癮

近期好撞鬼,不停有啲心癮要止。

例如,連續3個星期去幫襯Jamie's Italian Restaurant,仲要係食番差不多一樣嘅食物,除咗第一次喺公事午餐無影相,之後兩次都係一人前,所以亦任影唔嬲! 而撞鬼嘅地方就係在於我倆稍後會去倫敦,明知當地嘅呢間餐廳相對平靚正,卻沒打算去,而現在就好似唔駛錢咁,搏命去。





另一個心癮就係港式早餐。難得最近發現屋企附近有個地方提供港式早餐,海豚兒和Mr. Dolphin就連續兩個星期六都去咗醫肚咯!





題外話,海豚兒和Mr. Dolphin也很喜歡這小店,雖然湯粉味道跟好吃尚有一些距離,但真心欣賞他們真材實料,沒有將價就貨,態度亦十分誠懇,所以我倆之後亦定必多多幫襯,鼎力支持。而且感覺上這店子是良心小店,每逢星期日休息之餘,長週末更會連休星期日、星期一兩天。或許有人會覺得他們這樣很傻,因為這些日子才是最多客人幫襯嘛,但跟據店內黑板上每天/週(?)更新的聖經金句來看,海豚兒估計他們是故意在星期日休息的。:)

海豚兒和Mr. Dolphin居住的城市其實沒有太多供應港式茶餐的店子,從前有一間我倆也“曾經”經常幫襯的,可能因為自覺物以罕為貴吧,老板娘態度囂張得過份,硬性強迫顧客搭枱,亦經常因為客人在她眼中看來“不合作”,例如兩大一小只點兩份餐,或者食量少的只叫一丁點食物,而被老板娘當場教訓甚至喝駡。不吃白不吃,這店子海豚兒已有n年沒再光顧,情願留待去唐人地區才吃過夠,但有時也奇怪身邊仍有認識的人“願意”去受氣就是了。^^”

在過去的週末,我倆除了幫襯過茶餐,亦有去過中式店子好讓Mr. Dolphin一嚐白米飯的滋味>>雖然白飯最後有點難為情因而沒有入鏡,哈哈!



還有就是後知後覺的海豚兒和Mr. Dolphin終於試了近年很流行的Louisiana的海鮮吃法。我倆幫襯的店子在海鮮烹調和醬汁味道上也處理得不錯啊,只是這種只有開殼工具但連碟或刀叉也沒有提供,及只能從膠袋裡直接進食的吃法,真心不是我倆杯茶啦。




有沒有發現,這個週末好像欠了一點點呢?無錯啦,甜品是也!這心癮絕對是海豚兒不能説不的大敵,所以來到星期日,Mr. Dolphin就提議陪海豚兒吃了一頓迷你古古力火鍋為週末畫上一個完滿的句號咯!



咦!怎麼海豚兒的心癮全都跟吃聯系上呢?真係失禮哂啦~~~ XD

16 則留言:

  1. 回覆
    1. 老板娘副尊容真係連財神爺都嚇走呢,又典會顧全服務態度吖。

      刪除
  2. 啲粉麵個"樣"...真係唔太吸引,點解要放咁多湯?色水又淡,好似好可憐咁。

    回覆刪除
    回覆
    1. 我都覺得湯係多又淡味d,但份量多又平,湯粉、菠蘿油、熱奶茶加埋至$5加紙再加稅,呢個價錢都算係咁啦!

      刪除
  3. 碗粉好似份量好少,啲海鮮係個膠袋度食咁核凸

    回覆刪除
    回覆
    1. 碗湯粉份量算多,我每次食完個包就已經食唔哂碗湯粉架啦。^^”

      係呀,我地都食得好唔慣呀,尤其我係嗰d食pizza都鍾意用刀叉就係為咗懶洗手嘅人,雖然d海鮮味道係幾好,但都未必有下次啦!

      刪除
  4. 嘻嘻...係啦,我等緊海豚兒d甜品,睇到ast有啦,嘻....(估你一定有,嘩哈哈~~)
    啊~ 個老板娘好衰,食得小就咁,巴閉~

    回覆刪除
    回覆
    1. 俾妳識穿咗添,嘻嘻!係吖,每逢週末,甜品就等如我嘅主菜,唔食過真係唔安樂。

      咪係囉,澳牛嘅夥計同呢個老板娘比,已經好禮貌好多,真係誇張呀!

      刪除
  5. 好衰呀個老闆娘, 好心就好好做, 一定賺到笑啦, 最少賺到海豚兒杯奶茶錢先啦...哈哈!!!
    新食法...肥人都未吃過, 好似有少少奇怪呢~

    回覆刪除
    回覆
    1. 可能個老板娘覺得全市都係得幾間同類型食茶餐嘅供應,佢真係唔休做啦。不幸地,佢都有十幾年無賺過我一毛錢啦,哈哈!

      其實d海鮮味道都幾好,但如果可以安排番用正常碗碟刀叉黎食,會食得輕鬆自在d。

      刪除
  6. 看來香港心癮而不少了!

    回覆刪除
    回覆
    1. 心事都被車媽媽看穿了,真的很想很想香港呀~~~

      刪除
  7. 大家都係吃貨,明白的!
    幾時出發去倫敦?同埋幾時返來香港解心癮?

    回覆刪除
    回覆
    1. 有時我會諗,如果生活喺香港,我應該真係會肥過部電單車,咁多美食選擇又咁方便,好難忍口嘛!

      下個月底出發啦,我終於可以一試The Ledbury啦~~~老實講,我都有心郁想返香港,但機程真的太長(15小時),短期內都未必可以返呢。

      刪除
  8. Louisiana的海鮮吃法 <--- finger licking good!

    回覆刪除
    回覆
    1. 味道係幾正,但有dd潔澼嘅我地好唔慣要伸隻手入個又濕又油淋淋嘅膠袋到揾食呀!^^”

      刪除