2017年3月14日星期二

再見HMV

早前從新聞得知這兒的HMV將要結業,喜歡把回憶記錄下來的海豚兒也想藉此寫下一些零碎記憶,不竟,這也意味著一個時代的終結嘛。 



印象中初次接觸這名字是從海豚兒家姐購買的香港八卦雜誌裡,那時候海豚兒生活於沒有HMV的羅省念書(但有其他的唱碟店鋪),只知道雜誌間中會報導在HMV遇上XYZ歌聲或ABC演員,然後海豚兒移民到溫哥華後,發現好些商場也有HMV踪影,感覺上和香港的距離好像拉近了一點點,尤其從前在溫哥華的HMV是有一個特定角落售賣香港流行曲,連當時最新在港推出的唱也能在HMV找得到,所以那時候從美國移居加拿大的海豚兒真心覺得溫哥華生活很“港式”,自己和同學也愛到這兒流,因為感覺像回到從前在香港生活,放學後到唱片店逛街那些年的日子。 

搬到多倫多後,海豚兒和Mr. Dolphin偶爾也會到HMV逛下,十次有十次都是齋睇無幫襯,主要是看看一些奇形怪狀的玩具或是Harry Potter的東東>>如此混吉,難怪人家要結束營業咯! ^^"

襯執笠清貨,海豚兒由九折等到八折,由八折等到七五折,如此類推,等到六折時,因為眼看想買的光碟只剩下一盒存貨,不能再等,還是乖乖付上大洋買下來,實行聽歌看戲學英文。:D 





題外話: 一直很老定想等光碟再平多一些才入手的海豚兒,在X商場發現那裡的HMV正在進行最後一天三折大優惠,可是海豚兒想買的光碟卻已賣清,而明明對上一星期這店仍有三盒存貨嘛,於是海豚兒和Mr. Dolphin便馬上去較近屋企的Y商場走一趟,好消息是Y商場分尚未到結束營業一天,而且還有最後一盒存貨,不算壞的壞消息就是只有六折而非三折咯,嘻嘻!還被Mr. Dolphin幽自己一默。。。因為近期海豚兒被年底前訂造的鞋墊(orthotics)弄得雙腳有點腫痛,行路以龜速進行以防情況加劇,但當日因為心急,被Mr. Dolphin取笑自己越行越快,從步速中已感到海豚兒超緊張呢。^^" 

還以為這篇會很短,怎知,長氣的海豚兒還是寫了這麼多。

18 則留言:

  1. 香港HMV都執過一排,不過之後又回魂,可能妳個邊都一樣呢

    點呀,隻腳唔嚴重嗎?駛唔駛SL?

    回覆刪除
    回覆
    1. 呢度話有另一個公司會買HMV其中一d舊址做番同樣生意,上面提到X商場店可能就係因為不在被買名單上,所以提早結業。

      謝謝妳問侯,唔郁唔行時就會好d,雖然無SL,但都盡量喺屋企附近返工,廢事行太多路。

      刪除
  2. 而家咩都講電子化, 其實真係好少人會買碟啦~

    回覆刪除
    回覆
    1. 年代唔同,我早年都有聽過一位教琴嘅朋友講,佢嘅年青學生係無買CD嘅概念,只知道上網下載,所以寫得出呢篇,真係想認細都唔得啦。^^”

      刪除
  3. 時代在變, 以前有 Blockbuster, 而家連 HMV 都無埋

    回覆刪除
    回覆
    1. 係喎,仲有Blockbuster,呢間都係以前90年代週末時會留低好多腳毛嘅地方,我仲試過因為唔想陪朋友睇佢好想睇嘅一套電影,襯佢唔知將嗰d盒全部反轉放,直至佢租咗第二套戲,我至話佢知同還完d帶盒咋。XD

      刪除
  4. 英國都好似仲有HMV,不過時代變遷,我已經上網買CD,iTune download 多年了。

    回覆刪除
    回覆
    1. 莫講話iTunes,我連以前好興嘅上網download電話鈴聲都未試過呢。^^”

      刪除
  5. 摩打腳果然了得!還痛嗎?

    回覆刪除
    回覆
    1. 謝謝妳呀!唔郁就唔痛XD,因為雙腳腫咗又唔散,所以最近都積極咗食止痛消炎藥同敷冰希望快d散腫啦!

      刪除
  6. 你喜歡Glee? 我係完全唔可以睇做做吓戲突然唱歌嘅電視/甚至電影架......太肉麻。

    回覆刪除
    回覆
    1. 其實我未睇過Glee架,只係以前簡中會喺收音機聽到佢地舊曲翻唱,所以有興趣睇下學英文。^^”

      咁musical、話劇改拍成電影嘅戲咪唔啱妳睇囉,反而我幾鍾意,尤其係我和春天有個約會,如果唔係有電影版,我應該唔會有機會睇現場。

      刪除
  7. Haven't bought a DVD or Bluray in a long time now.

    I almost rent movies online nowadays.

    回覆刪除
    回覆
    1. 我有鋪癮,鍾意不停重覆咁睇一套自己覺得好睇嘅戲、劇一排,所以實物比較啱我,而且我係低B同cheap到連streaming都唔識,所以買碟會啱我多d,嘻嘻!

      刪除
  8. HMV,印象中好多明星會去買碟,成日在雜誌中見到D "爆料",就在HMV偷影D明星 呢,嘻嘻.....

    回覆刪除
    回覆
    1. 我都係呀,一諗起香港HMV就會聯想到帶哂口罩鴨嘴帽嘅明星喺度揀緊碟嘅偷影相。XD

      刪除
  9. 面對 online shops 如 amazon / apple, HMV 生意難做啊。

    回覆刪除
    回覆
    1. 絕對係呢,記得幾年前Mr. Dolphin喺網上買咗Harry Potter嘅DVDs俾我,價錢真係平過HMV甚至Walmart好多呀!^^"

      刪除