2017年5月14日星期日

英倫"游"。Day 1 ~ 下午茶@Dorchester

由於我倆是乘搭十一時的夜機出發,放工後也沒有很趕,深明海豚兒為食心重的Mr. Dolphin就陪海豚兒去嘆個茶記當晚飯,才回家梳洗及作最後收拾才去機場。



臨到登機時候,空姐在廣播系統中説這班機是超賣,排隊登機要跟足指示。有過去年Mr. Dolphin父母在布拉格登機前四小時被改機票的經驗,又明知是次買了便宜機票,嚇得海豚兒半C,不怕會被強行拖落機,只怕行程被延誤,打亂我倆的大計,還幸我倆最後亦順利登機,感恩!

七個多小時候後,我倆便來到倫敦希思路機場。跟著路標去坐機場快線火車,這條路對於剛下機又睡不夠的我倆來説好遠呀,簡直係長征,仲要係萬里嗰隻!



去到Paddington車站,我倆就按原定計劃直接打的去酒店啦。



原本打算到酒店check in放低行李後就去Borough Market逛下,但當下又怕會太趕,加上要去King's Cross車站取/買票和去酒店後面的Tesco超市買水又搞耐咗,我倆索性跳過這景點改成Day 5上午才去Borough Market(好在咋!!!!! Day 5游記會再詳細解説) 。



雖然時間上有丁點趕,但本著地球是圓的道理,Mr. Dolphin依然“好順路”地陪海豚兒去名店潮聖,雖則空手而回,但至少海豚兒心中也有個定數,然後我倆就準時去到The Dorchester Hotel吃下午茶當晚餐咯。



這兒的服務很好,是有點刻意做作,但也是預算之內啦,值得一讚的是枱與枱之間亦有許多空間,絕不會讓客人跟客人間有“搭枱”似的感覺。



至於食物方面,總覺得口味是很個人的,沒有對或錯,而海豚兒就比較喜歡這兒額外送上清香的花茶、精緻可口的甜點(除了白色帶粉紅的玫瑰甜品>>味道很災難啊~)多於較普通的三文治,而鬆餅就是不錯咯,卻未至於驚為天人,可能不是超級熱的關系吧>>在scones上塗上厚厚的clotted cream但卻一點也沒有溶掉。




吃到喪飽,飽到有一刻海豚兒甚至擔心會獲利回吐(汗!),最好當然是去名店散步當運動吧,行到去名店百貨公司,財散人安樂,海豚兒給自己買了份十二分滿意的禮物就快樂地離開了,一來Mr. Dolphin已攰到呆下呆下,二來海豚兒也明白見好收的道理,乖乖的回酒店休息,同時亦為Day 2的夢想成真之旅作好準備。



22 則留言:

  1. 今年去悉尼我都會夜機出發,不過機程稍長少少,希望可以休息得OK啦...
    期待更多的分享呀!!!!

    回覆刪除
    回覆
    1. 對於坐夜機,真係又愛又恨呀!年紀越大喺機上越難入睡,但去到當地係大白天又可以有更多時間四圍去喎。

      謝謝妳,我會加油!:)

      刪除
  2. 回覆
    1. 全中呀,第一日就搞掂唔駛之後四圍揾同“羅羅巒”! XD

      刪除
  3. Scones的clotted cream沒有溶掉好驚喎!

    回覆刪除
    回覆
    1. 其實啲scones都暖嘅但未至於好熱,初時我以為係相機先食搞耐咗所致,但後來有次食到超夠熱又發現唔關事嘅。

      刪除
  4. 航空公司 overbook... 真係會驚上唔到機。

    回覆刪除
    回覆
    1. 係呀,當時真係幾擔心仲怪自己online check in時點解唔捨得俾多d錢...其實又真係幾多錢^^"(double the cost) upgrade去premium economy,好在最終都唔駛送機尾咋。

      刪除
  5. 回覆
    1. 個下午茶都唔差,而且三文治同甜品仲有free refill添,喺多倫多邊有呢枝歌仔唱。

      刪除
  6. 如果坐英國機超賣都唔怕。 DONCASTER當然好服務,食物又正啦,有星星呀。

    回覆刪除
    回覆
    1. clotted cream雖則叫cream,但水份少,同牛油是一樣,所以唔會溶。

      刪除
    2. 歐洲呢方面仲有完善d嘅法例保障乘客(都係舊年幫老爺奶奶搞KLM賠償至知),而且我印象中都覺得BA係間雙對地好嘅airline。

      最初選擇去呢度tea都有個無聊原因架,因為我地見佢website上嘅下午茶甜品相同TripAdvisor食客影嘅賣相好接近,心理上質素有保證d,哈哈!

      刪除
    3. 我最後嗰日食咗超夠熱嘅scones,搽完clotted cream仲溶到我一手係,嚇到某人C呀,佢最驚食物肥膩同油淋淋野嘛,笑C我!但我一直都唔明佢點解可以只搽jam食scones咁乾。

      刪除
  7. 睇完連我都期待睇 day 2 呀😂

    回覆刪除
    回覆
    1. Day 2我已經寫好啦,但由於有太多太多相,所以要d時間去搞搞佢,實情係我有dd懶,我知嘅,嘻嘻!

      刪除
  8. 英式下午茶啊~ 真係好優雅感覺~~
    我上次去英國食TEA,d 三文治係無限添食,食到勁飽先走呢,嘩哈哈 ^^
    在scones上塗上厚厚的clotted cream,嘩,好正呀~~

    回覆刪除
    回覆
    1. 去食英式下午茶真係好開心,明明fine dining嘅食物會出色好多,但我始終都忍唔住要去嘆個下午茶。哈哈,我地都係呀,呢餐就係因為我貪心(加上喺飛機無乜食過野),refill咗幾次三文治,所以飽到呢。。。最後連可以refill嘅甜品我都要説不呀!

      無錯呀,圖中所見嘅clotted cream,我獨自食咗一半以上,每個scone搽clotted cream都搽到有一定厚度至收手,嚇C某人呀。XD

      刪除
  9. 我覺得英式下午茶,講真都係香港酒店做嘅精緻好味啲(可能只有scone除外),始終香港食客要求高競爭又大,而且香港甜品都已經傾向法式好精緻材質又好.....

    回覆刪除
    回覆
    1. 對,我都覺得香港嘅下午茶一d都唔輸蝕,至少三文治已經有多d創意亦唔會只係兩塊麵包夾住雞呀、青瓜呀咁“行”,仲有最令我surprise係早幾年喺Chicago食下午茶嘅三文治又係勁得。至於scones,喺UK食配埋當地clotted cream就真係無得輸!:)

      刪除
  10. 不怕會被強行拖落機 <--- they wouldn't do that to you, especially as Asian :)

    回覆刪除
    回覆
    1. 呢舖真係要多謝United,突然好似有靈符護體咁呀,哈哈!

      刪除