2017年5月25日星期四

英倫“游”。Day 3 ~ 行Outlets + 嘆下午茶@Claridge's

是日一早起來,先到火車站買份靚早餐然後就坐火車去Bicester Village行街街咯!



去到Outlets先陪Mr. Dolphin買個銀包,因為他現在用的那個長期放在褲袋內,已經舊到好似溶溶地咁啦,哈哈!



其次嘛,海豚兒都只抱著隨緣心態,反正兩日前已買了心頭好,而且在outlets行街真的好講彩數。

這天收獲沒有太多,但已經很滿足,最有趣的是在這兒花了的錢可以到客戶服務中心把花費轉成飛行里數,無形間,海豚兒的BA戶口又多了一丁點進賬啦,爽呀!


行到攰攰地,我倆就隨便去了間餐廳吃點輕食開心些牙。不曉得從何時起,Mr. Dolphin也喜歡上了Pavlova,看見餐牌上有這甜品選擇當然不能錯過啦!



食飽飽逛到夠鐘就按車票上時間乘火車回倫敦啦。

在車上又遇到怪事一則。查票員查看我倆的車票時説這票是下一班車並不是這班,我倆搭早了一班車。海豚兒心知自己沒有搭坐車就只輕聲説這是對的一班車呀!當下,海豚兒已能感到Mr. Dolphin那股氣牆>>就是從夢中被吵醒聽到查票員的説話有多不悅,之後查票員斯斯然從袋中拿出火車時間表,搞了一大輪才説這是正確的一班列車,Mr. Dolphin的面色有多難看。唉!不知怎的,無論坐車坐船坐飛機,這些事情總是不能避免,梗有一個錯又唔認的工作人員喺左近。^^”

回到倫敦市,我倆就向是次行程的第二餐下午茶出發啦。這天去的是從Ritz及Clariges二選一情況下所揀的Clariges。



海豚兒在訂枱前刨了很多不同的reviews,兩者之間最終揀了這間,因為“聞説”兩間的食物、服務也差不多,但Ritz對男性客人衣著的要求比較高(必須要著西裝褸加帶領呔),加上後來從朋友的照片裡發現Ritz的枱放得很逼,逼到似茶餐廳,感覺上一點也不享受,所以嘛,我倆就揀定了Clariges。



這兒的服務跟The Dorchester同樣也是很好,值得一提的是海豚兒一向只喝herbal tea,選擇不多,難得這兒有一種很特別的選擇(Cornish Manuka)便試了,而且還滿欣賞呢(除了關於茶的小知識)!



至於食物方面,三文治比另一間做得好吃,scones質感有點像biscuits,雖不是海豚兒所喜歡的但也不差,而甜品方面,海豚兒就真的不太欣賞啦,四件甜品中好像只有古力味那款較為正常。一來,海豚兒一向不喜歡正氣的紅蘿蔔蛋糕,二來,馬卡龍(椰子配忘了是熱情果定yuzu)的味道真的太災難啦,椰子的甜跟果味的酸食到海豚兒塊面扭曲到變話梅咁嘅樣,更災難的地方是當海豚兒嚐試用微涼的茶“餸”這件甜品,苦到呢,條脷好似浸咗落煲苦茶幾日咁。。。苦澀,慢慢向著心裡滲。。。當下,海豚兒真的苦到唱咗出黎架!



後來到侍應A説要為我倆一再加茶時發現海豚兒的茶壼還有些已涼了的茶,他告訴我倆要把海豚兒的茶換掉,因為海豚兒的茶原來不夠熱就會變苦,怪不得之前侍應B幫海豚兒之前那壺未飲完的茶加了熱水,茶會變得那麼難飲啦,真係俾侍應B跣鑊金呀!

總括而言,海豚兒和Mr. Dolphin也欣賞這趟倫敦“游”的下午茶,但就不算太享受當中的食物,不過嘛,一場來到,不吃白不吃,下午茶始終也不能錯過。

吃飽飽這頓下午茶晚餐,我倆就去了老牌百貨公司行下



行到玩具部,看到這座由LEGO砌成的Harrods,好精緻啊!




順便買了海豚兒很喜歡的古古力品牌。又,今次海豚兒好乖,沒有臨尾加件馬卡龍黎老點相公啦,哈哈!



回酒店前,我倆先經過King's Cross火車站,好讓海豚兒在9 3/4 platform影番張靚相先,負責影相嗰位姐姐見海豚兒一行埋去就擺好姿勢仲話海豚兒“she knows what she's doing”,氹到海豚兒幾鬼得戚呀。




影完相後就得戚地回酒店休息啦,為的是準備Day 4大旅行。

18 則留言:

  1. Hmm, Claridge's的下午茶賣相同味道都係麻麻,似乎都係有day light的下午茶o岩胃口D
    最後張相好盞鬼呀!

    回覆刪除
    回覆
    1. 經過今次,我已下定決心下次返香港定要去tea一tea,到時一定揾埋妳呢隻鐵腳。:)

      刪除
  2. 回覆
    1. Harrods呢個“景點”真係百去不厭,只可惜我個荷包唔爭氣,多數都係window shopping。

      刪除
  3. 特登去shopping,執唔執到平嘢,真係好講運數

    回覆刪除
    回覆
    1. 係呀,去outlets就係咁,好在我本身無咩期望,所以就算買到好少野都好高興!

      刪除
  4. 有做功課,果然識搵食。其實英式下午茶,揀一間鍾意的就夠了,食物全是差不多。去到outlet 無可能是空手而回呢。

    回覆刪除
    回覆
    1. 妳真係講得好啱,我地初時諗住至少要食兩次下午茶係諗住可以比較下,但原來係無咩需要。^^”

      最終只係買咗件圍衣、頸鍊同hand cream咋,不過其實有少少收獲我都好開心。

      刪除
  5. 有專人幫人影架?支wand邊個架?

    回覆刪除
    回覆
    1. 頸巾同wand都係嗰度提供嘅道具,有一個員工fing頸巾加另一個員工負責影相,佢地部相機影出黎水準會高好多,條頸巾仲會影到好有動感。

      刪除
  6. 回覆
    1. 枝wand係放喺架車仔度,嗰度豈碼有5、6枝可以揀,我隨手攞起枝,影完至醒起原來我拎嘅係elder wand。:D

      刪除
  7. 嘻~ Last 張相,我喺英國都做過同一個pose 啊,愈睇愈懷念啊.....
    Day 4大旅行,正呀,快d快d,期待 :)

    回覆刪除
    回覆
    1. 原來妳都有去影呀,對Harry Potter有興趣嘅話,就會想去呢個“景點”呢!:) 近年英磅對港幣好抵呢,可以計劃重遊下bor!

      差不多寫好啦,我會努力~~~

      刪除
  8. 銀包都可以用到-->舊到好似溶溶地咁啦 黎形容, 真係好舊咁喎, hahaaaaa
    討厭紅蘿蔔蛋糕 x2

    回覆刪除
    回覆
    1. 係啦,最估唔到係到依家都仲用緊,未換新嗰個喎!^^"

      Give me 5!除咗紅蘿蔔,其他蔬果我都係咁,硬係覺得蔬菜無奶油用黎做甜品,哈哈!

      刪除