2017年8月27日星期日

朋友聚。Blog友聚

又來一篇短的。

八月的第二個星期六,海豚兒和Mr. Dolphin相約了朋友吃午餐,是短聚亦同時借啲耳跟她補慶生日。 這天所選的食物當中,海豚兒最欣賞就是“月巴”美的clam chowder和古古力甜品,其他的都只是一般般啦,還幸朋友説她的魚魚也不錯就是了。這個午飯最開心的消息莫過於朋友糾纏了幾年的事情很快會告一段落,真好!





剛過去的星期六跟blog友Mrs Tin Tin第一次相見,大家還記得她嗎? :)  雖然是初次見面,但感覺並不陌生,對於這次聚會,海豚兒只能用四個字來形容,就是“雞啄唔斷”啦!我倆在咖啡店內傾了差不多四小時,簡直傾到旁若無人,哈哈! 

寫blog真的很。神。奇。把不相識的人,用文字聯系起來,再加上blog友間的互動,讓我們一步一步認識,進而一步一步了解大家。套blog友Ceci一句,真的要多謝Yahoo Blog和多謝Google Blogspot。希望我們也繼續堅持,長寫長看長有,友誼常存。小聲説: 海豚兒真的很珍惜、很珍惜、很珍惜我們的緣份啦!

接下來的一星期,海豚兒和Mr. Dolphin會放個短假,先陪Mr. Dolphin爸爸、Mr. Dolphin媽媽去Las Vegas玩幾天,回來後再辦點正事,回來見啦!^^

20 則留言:

  1. 我也很多謝Yahoo Blog,否則我現在何來那麼多好友!

    回覆刪除
    回覆
    1. 對呀,而且我覺得人有時就係咁,無咗Yahoo Blog至知佢好,所以依家對blog同blog友就更覺感激!

      刪除
  2. x3 here, 感激有緣遇上!
    Las Vegas好正呀,好好enjoy trip,食多D影多D!

    回覆刪除
    回覆
    1. 對對對!我對妳嘅印象尤其深,因為當年係由開始睇妳blog再而認識到更多blog友,除咗要多謝兩大blog嘅供應商XD,我更應該多謝妳呢! :)

      去完返來啦,行程好hea好relax...所以亦月巴咗好多囉,哈哈!

      刪除
  3. 8月去Vegas!你哋好勇!

    係呀,真係寫blog有百利無一害,尤其我哋呢啲加燦美燦,真係識多咗好多朋友架。

    回覆刪除
    回覆
    1. 真心的,我超開心去到Vegas每日熱辣辣嘅感覺,尤其今年多倫多夏天經常陰陰涼,我地兩個氣管都唔好,去到Vegas至少唔驚會冷親。^^"

      係呀,寫blog好處實在太多,只要有時間,我都會keep住寫,而且我太唔捨得大家啦,見到blog友開心或者不愉快,感覺已經好似身邊好友嘅經歷,會替佢地一起高興或難過。

      刪除
  4. 我都覺,文字真係好奇妙,令我地一班 BLOG 友仔拉在一起。
    有時生活上一D 野,例如當我見到甜品時,我又會諗起「呀,唔知海豚兒今個禮拜食左咩甜品呢」~ :)
    雖然不曾見面,但好親近的感覺,好似相識左好耐好Close 呢 ^^

    回覆刪除
    回覆
    1. 未寫blog前,我都無諗過原來大家用文字交流會可以咁深入,能夠認識各位blog友,呢個得著真係最大,好似妳咁講,感覺真係好親切,就算第一次見面,一啲都唔會感到陌生。

      多謝妳啊!喺街見到帶住幾個年幼孩子嘅年輕媽媽時,我都會諗起妳,又會諗點解妳可以咁犀利,2拖3出街都可以處理得咁好呢!

      刪除
  5. Mrs Tin Tin 好耐無見佢啦

    回覆刪除
    回覆
    1. 太好啦,原來妳都記得佢呢。:)

      佢真係好好傾計嘅對象,雖然我地從未見過,但見面時一啲都唔會覺得尷尬或陌生。

      刪除
  6. 回覆
    1. 謝謝妳!玩得好開心呢(雖然好似咩都無做過),不過就要收拾心情準備好下星期返工就真。^^"

      刪除
  7. 回覆
    1. 多謝妳呀!放假仲有旅行去,如果咁都唔開心真係太對唔住自己啦,哈哈,我呢啲笑點咁低嘅人,真係覺得玩得好開心...雖然都有因為Harvey而覺得難過,因為我都有親人受到影響。:(

      刪除
  8. 回覆
    1. Thank you so much! 呢個旅程玩得開心之餘,我今次都算比較滿意自己做人媳嘅表現啦,豈碼無亂講啲會令自己後悔嘅野...始終,新抱同仔女係唔同,凡事都要考慮多少少嘅。

      刪除
  9. 我記得 Mrs Tin Tin 呀,但自 yahoo blog 無咗之後無睇佢 blog 啦,佢而家仲有 blog 嗎?

    回覆刪除
    回覆
    1. 原來妳都記得Mrs Tin Tin :),不過佢應該無寫blog啦,但就有update Facebook,如果唔係有facebook,我都可能同佢失去聯絡lu,嘻嘻!

      刪除
  10. 其實我都好多謝yahoo架, 幾個卜友仔都keep住有聯絡呢~

    回覆刪除
    回覆
    1. 可惜我好遲至開始寫,錯過咗以前最熱鬧嘅日子。

      刪除