2018年1月16日星期二

香港。神京阪 ~ Day 4 大阪市內觀光 + 美味午餐下午茶

半夜醒來,喉嚨劇痛,海豚兒諗住呢舖杰啦,襯還未夠鐘起身,拿拿林隊枝水再瞓過,廢事之後一整天在外玩樂飲水或去洗手間都唔方便。點知奇蹟就這樣出現啦,再瞓醒時,雖然仍有傷風徵狀但喉嚨痛就消失了,yeah~~~

在酒店食個簡單早餐就出發觀光啦。或許是假日關系,這天早餐區全場爆滿,遲來的客人還要在入口排隊等候,所以我倆亦趕快完成便離開。



是日景點有二,第一個就是大阪城天守閣。到此一“游”先到核心外圍影下相。




掃葉姨姨好有心機呢,會掃出不同形狀圖案和字樣。



然後就是金碧輝煌的遊船。



再行近些就開始見到是日景點啦。呢日除咗有景睇,仲有班著住特式服裝嘅人邊執垃圾邊同遊人影相留念。



之後就搭車去梅田準備去第二個景點,不過人生路不熟,行來行去都唔知邊個方向至啱,又見距離預約午餐時間只有一小時,索性在附近百貨公司隨處逛,廢事趕頭趕命行到腳都甩。

憑目測買了呢個有原粒栗子嘅草餅黎試,又幾好味喎,海豚兒超like呀。



為咗唔想忍唔住口繼續邊行邊食,我倆就提早去餐廳睇下有冇位。



是日午餐揀咗百貨公司內的Bvlgari Cafe,原因只得一個,就係貪佢可以午餐同下午茶同時進行,雖然呢度嘅下午茶無scones食都唔緊要啦。



海豚兒和Mr. Dolphin分別點了一份下午茶和一份午餐開心些牙,要說這兒的服務、食物和飲品味道也相當不錯。






最後要留意下海豚兒甜品盒內的古古力散買價錢,這應該是海豚兒人生中食過最最最昂貴的一塊古古力,而且海豚兒起初以為兩份餐的甜品盒是完全一樣,所以就成塊古古力啪咗,後來至發現原來Mr. Dolphin午餐是一塊古古力曲奇而已,所以有人有得食,有人無得食,無得食呀好慘架,哈哈。;P



食飽後就去找是日第二個景點亦是我倆在大阪市內的最後景點 - 梅田藍天大廈,參觀這兒頂層的空中庭園。






大廈門外有一個聖誕市集,但我倆怕凍又怕人多,只隨便拍拍照便離開了。



之後再四圍行下街,然後就坐車返酒店附近的Red Rock吃平靚正牛肉飯,外加便利店布甸(沒有牛奶味,錯買了咖啡味)和之前在車站買的好吃蘋果批作宵夜來結束這天行程。




22 則留言:

  1. 回覆
    1. 香港、大阪都暖過多倫多,但我就係咁撞鬼喺香港等的士嗰5分鐘時間冷傷風,可能因為飛完長途機唔夠休息,體能又差啲啦!

      刪除
  2. 梅田藍天大廈的空中庭園, 好靚呀! 下次我都去看看。海豚兒, 你是否做了好多資料搜集 ,你好識找好東西食.

    回覆刪除
    回覆
    1. 我覺得呢個空中庭園都可以一去,而且顯示小飛俠卡亦有額外折扣。

      我都會肯花時間去搵架,但其實我唔叻揾食亦好驚啲餐廳太難搵,我盡量會跟據Mr. Dolphin行程安排喺附近揾食,所以揾出黎嘅餐廳多數喺景點或酒店嗰頭,同埋最好有得網上訂位唔洗雞同鴨講。

      刪除
  3. 回覆
    1. 掃葉姨姨真係好勁,不同嘅圖案同welcome等嘅文字就全靠佢手上掃把變出來。

      刪除
  4. 我老公都係東京買錯咖啡味, 以為係朱古力奶點知係咖啡, hahaa

    回覆刪除
    回覆
    1. 我初時已經見到無哂牛奶味,但Mr. Dolphin話有攞咗杯俾我,我咪信佢囉,哈哈!

      刪除
  5. 可能係太乾, 所以喉嚨唔舒服

    回覆刪除
    回覆
    1. 本身已經作病再加上開大個暖氣,所以就......

      好在再瞓醒時喉嚨痛就停咗咋。

      刪除
  6. 掃葉姨姨好正呀!
    獨霸人生最貴的古古力,係開心的,hahaha

    回覆刪除
    回覆
    1. 見到掃葉姨姨好安靜咁掃出各樣圖案,真心覺得佢利害,亦希望遊人都會停下來欣賞下佢嘅心機。:)

      其實嗰句係兒時糖果廣告嘅對白,老實講,我會情願有福同享。

      刪除
  7. 回覆
    1. 去邊度玩我都好like食好西架,尤其係有甜食嘅西餐,我特別鍾意。

      刪除
  8. 回覆
    1. 問得太好啦,哈哈!古力味係好嘅,但個餡(果醬?)我就麻麻地。

      刪除
  9. 掃葉姨姨真係好有心思,如果香港都有咁就好了....不過就算香港有,應該好快被人摧毀....= ="

    回覆刪除
    回覆
    1. 我都好like掃葉姨姨做嘅野,全因為佢,令到我對呢個景點印象更深,多咗份濃濃嘅人情味呀。

      刪除
  10. 你去啲景點我都無去啊!

    另外,就算明知只有一件名貴古古力,也一樣是你食得..... who is kidding who?

    回覆刪除
    回覆
    1. 唔係Mr. Dolphin,我都未必會識得揾呢啲景點去。^^”

      今次Ceci可能要跌眼鏡啦,哈哈!我習慣將生活上最好嘅留俾主子,咁為食嘅我,對食就更加重視,所以更加會同Mr. Dolphin分享,只不過嗰個星期我病咗,唔想同佢交叉感染,所以share食物時就等佢食完我至食(因為我懶得每樣切開再分碟放好),但以為兩份甜品係一樣,就無咁做到。

      刪除
    2. 原來你哋習慣share,咁又唔同,不過我無share食物嘅習慣(如果係每人一碟嗰種)....

      刪除
    3. 我估妳同妳先生都難啲share,我記得佢有好多唔食嘅野。我地中西餐都當西餐咁成碟食,食到咁上下就隊比對方交換食(小聲説,所以某人母親睇得好葡萄)。

      刪除