香港。神京阪 ～ Day 7 (下) 吃在京都

承上篇，離團後，海豚兒和Mr. Dolphin就行返去京都站醫肚，是日午餐目標是坐落於伊勢丹十樓的“京都拉麵小路”。



搵路中途碰到中村藤吉就把次序調轉，先食個靚甜品打底，免得之後行來行去再揾甜品食就仲煩，反正當下又唔駛排隊等位。。。其實這決定也很隨心，因為一開始，海豚兒沒有特別想過要幫襯中村藤吉架。焙茶雪糕甜品超好吃，紅豆湯甜品就是預期中的過甜咯，但熱食的甜品又始終有它吸引之處！




食完甜品就繼續上路啦。記得在旅遊車臨瞓醒時隱約聽到導遊介紹京都站內的好吃處，當中亦有提及過拉麵小路，海豚兒就靠導遊之前的指示這樣找到伊勢丹入口的電梯成功去到目的地啦。



這兒共有九間不同風味的拉麵及沾麵店 - 跟據湯濃度及麵質粗幼作選擇，海豚兒和Mr. Dolphin就㨂了最啱嘴型嘅黎試。




麵黎到啦，各位有見到後面的卵嗎？是無料的。。。哈哈，你懂海豚兒在廢噏甚麽嗎?當我倆看到“卵”和“無料”時，估計雞蛋是免費任食的意思，後來店員也確定了，不過，我倆也乖乖的，只每人一隻，而幸運地這店的麵和蛋也很對我倆胃口呢!



食飽飽後就隨意在京都站影下相。




然後就搭巴士去高島屋。。。



原因好低能，只因為海豚兒想儲張Hello Kitty card。其實海豚兒並沒有特別喜歡吉蒂貓，只是覺得不同城市的高島屋有不同款式的Hello Kitty card也滿有特式，算是來日的小紀念吧！^^”



跟住一路行，沿途影下相。。。







就去到花見小路。



四圍行下影下，到咁上下時間就搭巴士返京都站附近繼續行街。




接著，當然又是差電時間啦。今次就去伊勢丹六樓的都路里食甜品啦。




其實是日幫襯兩間店嘅甜品都好味，不過我倆都比較欣賞前者多一點點。

食完就去window shopping加買零食手信，搞完一輪，Mr. Dolphin就提議我倆食個簡單晚餐或者回到大阪才吃晚飯，反正我倆一點也不餓。

一場來到，海豚兒當然想喺京都食完晚餐至走啦，在京都站遇上這間迴轉壽司，之前坐旅遊車嘅記憶又返黎啦，海豚兒記得半睡半醒時，導遊有介紹過一間好味又平價嘅迴轉壽司，心想就係呢度啦。



等了一陣位，入座後都仲係唔餓，我倆就求其攞咗幾碟黎食，味道都唔錯。



然後我倆又八八卦卦想知價錢，一看之下才知呢度一啲都唔貴，超級price driven嘅cheap精二人組，即時開行turbo逛chur，超滿足。XD




戰績如下。。。睇下價錢，真係算抵食架。



今次真係堅飽呀，坐子彈火車返到大阪，海豚兒都再無任何胃納食其他甜品啦，哈哈！鬼咩，七個鐘頭內食咗兩餐鹹、兩餐甜，仲邊食得落吖。XD