香港。神京阪 ～ Day 8 心齋橋嚐Gram、難波市隨意逛

是日就是神京阪“游”的尾二日，明早九時就坐飛機返香港啦。一貫海豚兒和Mr. Dolphin二人行的慣例，這天是沒有特別行程，只是隨意四處逛，可能太隨心吧，是日連酒店早餐都忘了影，哈哈！

離開酒店後，我倆就四圍行下，直至心齋橋的Gram差不多開門就去排隊(約十五分鐘)等開門。



目標就當然是要試下這個限時限刻人氣梳乎里班戟啦。



這款班戟又確係有啲料到，一入口就聞到充滿蛋香、而班戟感覺亦很輕柔，其實真係幾好味，奈何Mr. Dolphin只有能力分擔一件，海豚兒獨力隊了兩件後，已經把2017及2018年的班戟quota都用盡，現在聽到班戟都怕怕啦，哈哈！

食飽後就行過幾個舖位，幫襯宇治園買了好好味的焙茶味草餅和焙茶味奶油蛋卷。



海豚兒在香港沒有機會試宇治園不曉得質素如何，但大阪宇治園的雪糕和手信就堅好味。:)



買完手信就沿路影多次日景的固力果人和四週景色，之後就把手信和敗物放回酒店。




再出動去黑門市場意思意思地試下大阪燒，雖不是我倆杯茶亦不是我倆原先想試的店，但都叫做試過嘛。見到燒鰻魚，又買一串試下，明明鰻魚一直是在火爐上加熱的，不知何解入口卻是凍的。>_<



跟住就向Namba City再出發，沿路經過間迴轉壽司，吃了幾碟，不太好吃就急急離場，止蝕為上策嘛。;P



行到去0101就的起心干幫襯咗無論係新宿或大阪，每次經過都聞到好香但又飽得濟無試嘅crepe，今次揀咗蕃薯醬crepe配古古力熱飲，個crepe果然好味，不枉海豚兒飽到儍都隊哂佢落肚。題外話，個crepe嘅包裝令我諗起小忌廉。。。嘻嘻，一不小心，又暴露咗年齡啦。^^”



行到黃昏，再騰出室外影下相，又係時候食晚飯啦。




是夜主子想食粉粉，那就隨便喺高島屋樓上嘅餐廳揀間啱口味嘅黎食啦。



亦由於海豚兒由早餐食到下午茶嘅食物堅係未落格，所以晚餐都主要係靠Mr. Dolphin清碟。



咁當然，話哂呢日都係大阪遊最後一夜，海豚兒無奶油錯過甜品宵夜啦，於是行到臨返酒店就喺高島屋旁邊嘅咖啡室點咗兩件味道比賣相好的蛋糕外加一杯熱飲和Mr. Dolphin開心些牙啦。:)



每次去旅行，海豚兒也很喜歡在旅行完結前的晚上有這樣的二人時光，好好感受和回味旅行中的點滴，事實上，明天回港，亦代表著旅程已經過了三份之二啦，已經好唔捨得呀！