2018年5月29日星期二

春“游”魁北克 ~ Day 3 完結篇

聰明又伶俐嘅你可能已經估到海豚兒和Mr. Dolphin第三日嘅行程比之前兩日更加hea爆,哈哈!

這天起來就去了之前一天臨時預訂的餐廳來吃個午餐咯!



來到魁北克城這週末剛好遇上這裡的Quebec Exquis!日子(類似Restaurant Week的price fixed menu優惠),所以這餐廳特別煩忙,餐廳亦特意提早營業,我倆被安排到最早時段吃午餐,成為第一枱客人,不到一小時,這兒已經坐滿人啦!



我倆點了兩份正常午餐跟頭盤和一份甜品,全部食物味道也很不錯啊,尤其是海豚兒的主菜(好像是三文魚他他配炸意大利飯),真的好好吃,唯一要挑剔就是Mr. Dolphin的意粉偏淋,不過這個嘛,我倆也習慣了啦,嘻嘻!




如果有機會再來魁北克市,海豚兒一定會提前訂位來吃晚餐呢,而且這兒收費亦不貴,都幾抵食!



食飽飽後,海豚兒和Mr. Dolphin又再逛下昨天的市集,反正我倆亦沒有特定地方想去。其實市集、第一晚光顧的餐廳、及這天午餐地點也在附近,距離我倆的酒店就只需要六、七分鐘步程,這就是海豚兒的習慣,很怕麻煩,沒有方向感,又不善於找路,所以總喜歡貪方便在就腳的地方附近找吃,嘻嘻!



逛完一輪便去第一天去過的咖啡店tea一tea,估唔到,這天吃的比之前揀的食物有驚喜,也算為這旅程劃上一個圓滿的句號呀!



之後,我倆就回酒店拿回早上寄存在酒店的行李,打的去機場,完成了這三天他他條條之旅咯!總括來說,魁北克城是值得到此一“游”的地方,但就不是會常來之地,因為按車程(約8小時)或機程(約1小時40分鐘)計,還有許多短途旅遊地方可以選擇。:)

14 則留言:

  1. 不過係咪唔好冬天去呢?

    回覆刪除
    回覆
    1. 我自己覺得係,情況好似冬天唔係想滑雪都唔會去雪山咁。^^”

      刪除
  2. 回覆
    1. 所以我地都相隔12年至重遊,而其實我原先有諗過去Montreal instead,但主子話難得飛去,不如去遠多少少同特色多少少嘅Quebec City。

      刪除
  3. 回覆
    1. 我地只靠雙腳步行又唔多行得,所以只係喺“市內觀光”咋!^^”

      刪除
  4. 沒有方向感,又不善於找路絕對是我的心聲hehe~

    回覆刪除
    回覆
    1. 車媽媽已經好過我好多啦,突然想起我喺You Mall點妳行錯路,好在妳醒,無受我“坤”咋!

      刪除
  5. 他他條條去旅行都幾好丫
    我之前在澳洲又係好他條,超relax超開心
    不過壞處係,返來後好似做野快唔返,haha

    回覆刪除
    回覆
    1. 我睇妳Facebook嘅相覺得好正就真,每日都有節目但又唔會太趕,又可以同妹妹有quality time!

      係架,香港真係咩都快同有效率,唔知妳喺澳洲玩時有冇發覺香港連烏蠅都飛得快過其他地方架,係真架!;P

      刪除
    2. 從來都覺得香港人超博超勤力,但可惜快樂指數仍然偏低,即係忙錯方向....

      Anyway,我聽的版本係澳洲的烏蠅都飛得慢過人!XD

      刪除
    3. 尤其近年。在港生活的快樂指數想高亦不容易。

      哈哈,所以在外地拍烏蠅成功率偏高,亦特別有成就感!;P

      刪除
  6. 睇完三日遊記,魁北克好似唔太多景點?定因為你哋都只係留喺酒店附近?似三日食記多啲。

    回覆刪除
    回覆
    1. 我地只係留喺古城食住玩3日2夜,行程係簡單咗啲,亦真係只留守喺酒店附近活動,主要因為唔願揸車,所以無去其他地方觀光,如果唔係,遠嘅話可以揸返3-4小時車去Montreal行下又或者去東岸滑雪勝地Mont Tremblant逛下,行程都會豐富啲,不過,我一向有少少抗拒喺加拿大境內揸長途車,因為公路建設規劃差過美國好多,唔好揸。

      刪除