今日得到員工自掏腰包送海豚兒一杯免費熱飲，海豚兒很想為這杯充滿暖暖心意的飲品作個記錄。
一直喜歡到這間日式店子買熱飲，差不多每天上班日子都會幫襯，亦很自然地會跟店員混熟。其中兩位店員是透過工作假期從日本來到多倫多工作，一位上星期已離職，另一位因為簽證到期下星期也會離開。
是日帶了一點小心意給這位將要離開的店員，言談間，她透露了一些事情給海豚兒知，原來平日總是掛上滿滿的笑容不代表她快樂，令海豚兒感恩惠的是她告訴海豚兒一份小小的關心能給予她一點力量。雖然我倆有一點點言語障礙，但亦無阻我倆之間的互動，海豚兒相信關懷從來是由心而發，言語只是錦上添花。
曾經，海豚兒也説過最傷害人的說話，雖然那時候還小，自己在校內也常被欺凌，但也不是對人無禮的藉口，這件事海豚兒一直後悔至今。。。
曾經，海豚兒也在寄人籬下的日子聽過很不坎入耳的說話。。。
曾經，海豚兒試過在一星期前還跟某某通電郵，下星期就接到這位人仕自殺的死訊。。。
海豚兒也明白生有時、聚有時、散亦有時，所以海豚兒只想每天也盡力不說過份的話並努力以笑容迎接眼前人，不管是家人、同事、還是陌生人。總之，就是要努力做個懶惰的好人啦！
我都係架，我對唔識的人都會很welcome，在公司我不會因為我職位而覺得自己高高在上，反而很多野都落手落腳做，對任何職員都會笑笑口，傾兩句。
回覆刪除我喜歡妳呢種態度，喺咁嘅工作環境氣氛下，同事、下屬會有更大推動力去做好工作。我真係遇過唔少自覺高高在上嘅人，好在我公司人多好做作，呢啲人通常都步步高升得好快，我唔駛對住佢地太耐咋。
刪除人在異地, 仲有適應問題, 同埋要融入當地社會, 如果周邊人友善一點, 就會容易得多
回覆刪除尤其年紀越大要適應新環境新事物就更加唔容易，加上語言上亦可能有一定程度上嘅障礙，好似妳咁講，周圍嘅人能友善啲嘅話，點都會好啲！
刪除呀，之前個回應打錯好多字，再嚟過。
回覆刪除喺待人處世上，我係會針對人嘅，唔一定對所有人都有某程度嘅禮貌。如果個人本身好「狗」，我就算成日都要見到佢(通常係同事)，我都唔會對佢有禮貌，而單打或者直罵之後，亦唔會內疚或者過意唔去。雖然我都會盡量避免同啲呢人有交涉，只不過有時避無可避，不過都好，就係因為現今世上，已經好少人會好似我咁明顯地串嘴唔俾面，啲狗賊都好知道自己要避開我。
唔識嘅人...我就會好禮貌，尤其對客戶服務或者serving staff，我應該係對佢哋最好禮貌，或者老人家我都會。
我都係做類似行業，職業病關系有時會對客戶服務較挑剔但一出聲都一定都會好有禮貌，我覺得有時就算佢地一開始黑起塊面，但只要佢地感受到客人嘅態度係有禮，佢地都會慢慢溶化，會無咁黑面甚至會有番啲笑容。另外，對做聽電話嘅客戶服務，我亦會更加友善，自己做過都知辛酸，因為唔係面對面，有啲客人態度、言語真係可以好離譜。
刪除至於好「狗」嘅同事，查實我身邊都有一個，不過我公司文化一向係要以禮相待，所以我一直都保持友善態度，老實講，我真係希望佢終有一日醒覺，不過佢最近都有啲變本加厲，我都要揾老細出手，哈哈！
做人做事我也要過得自己、過得人，那便問心無愧了！
回覆刪除車媽媽說得對，做人真係最緊要問心無愧，有時候我覺得當一個人擁有得越多就越難(或者係越唔願意)做得到。
刪除肥人都會架...我笑唔代表我快樂~
回覆刪除不過我唔快樂, 我一定擺晒係塊面度, 所以要知道我快不快樂, 真係睇我面色就知道..哈哈!!
雖然笑唔一定係快樂，但至少可以俾人一個友善嘅signal。：)
刪除其實我都唔介意身邊嘅人唔快樂會擺哂喺塊面，至少唔駛估估下，唔知點解，妳比我感覺係好平易近人，就算唔快樂都唔代表會黑面喎。
多謝你覺得我平易近人呀...我都好想呀!
刪除但可惜錯左啦,同事同朋友都話我唔笑時既個樣係寫住生人勿近架...
咁有機會見面我要見識下啦，講笑咋，如果返工忙緊、煩緊嘅話，又好難笑得出嘅。小聲説，咁我唔笑時都有俾人話過我似好高鬥嘅。
刪除充滿正能量的互動 ：）你們會 keep in touch 嗎？
回覆刪除有想。。。但我其實唔好意思抄人牌^^”
刪除係咪估唔到我都會有“唔好意思”嘅時候呢，哈哈！
海豚兒，Long time no c....不過其實我成日有睇你blog的，只係未有時間留言啊...^^"
回覆刪除對，說話的力量真係好大的。
最近有人笑我係中女....嗚哇....
對呀，好耐無見妳update,我估妳忙考試、忙放暑假，每件事成3倍，一定忙到不得了啦！多謝妳留言呀，知道妳平安便好！
刪除邊個咁不識好歹，亂咁講！其實都唔洗理啲人點講，有時有些人只係無話題純想打開話題，如果係不安好心嘅，更加無謂理佢，一傷心多兩條細紋仲唔抵呀！