朋友 我當妳一世朋友

兩星期前收到來自羅省的好朋友將到訪多倫多的消息，海豚兒開心了整整兩星期。

這位好朋友，海豚兒自三歲便認識，從前也有介紹過(重溫)，海豚兒不曉得best friends係咪真係可以for到個ever出黎，但就算由依家起我倆失去聯繫，至少，我倆亦best friends for咗大半世人，都算難得啦！

星期日中午，大家和另一半聯同小學同學一家，一行九人去飲茶。平常很少去飲茶的海豚兒和Mr. Dolphin實在不太喜歡和習慣這兒的飲茶文化。。。當中包括以下趣事：

預先訂位都要等成粒鐘至可以入座，早講，我地咪訂早啲囉，正所謂早到早享受嘛... ;P

好不容易等到櫃枱小姐叫「X太有位」，入到去發現那是張六人枱而非九人枱，一問之下櫃枱小姐還理直氣壯説「我係話X太6位而唔係X太9位」... 而明明之前佢都無講幾位 ... @_@!

到食物上枱時，傳菜後生仔『教識』我們要自己從他手上接過食物放到枱，因為張枱就算有位，佢都會毫不猶豫將碟腸粉放喺碟芥辣上面。^^"

當Mr. Dolphin打算從錯誤中學習，見到傳菜嬸嬸從盤中三碟的其中一碟魷魚鬚拿起便打算接住時，傳菜嬸嬸又竟然拼命拎住嗰隻碟唔放手，和Mr. Dolphin拉踞一番後，示意盤裡頭的另一碟才是我們的，三位人夫也感好奇便口痕加句「呢碟唔係架」「有分別咩」？傳菜嬸嬸就權威地回應「有眼睇啦，比碟大啲嘅你地呀!」XD



對於這樣的服務，我們一行人當然覺得有問題啦，但又不會因為這樣而感生氣，而海豚兒寫出來亦只因為覺得這餐廳員工行為實在惹笑到一個點，所以和大家分享下。咁當然，如果你問海豚兒仲會否幫襯的話，umm ... 若果真係咁恨食，咁咪買外賣囉，哈哈！

這天午餐，我們三個女人一個墟好不高興，難得三位人夫不怕悶，亦努力互動，最搞笑係，講起呢餐雖然好晏至有得食，但三位人夫也不算餓，原來出門前，三位人夫也在家、酒店打了底，爆笑在同樣是食老婆整嘅麥皮做早餐，超搞笑！這天雖然有點累，但過得很充實。

雖然這篇題目用上最佳損友的一句歌詞，但其實以下一闕歌詞對海豚兒來說更是貼切。。。

離開　這一刻感覺不會忘記
朋友　抱擁告別明天各自遠飛
難得　並沒傷感　依依不捨顧慮
重拾昨天　樂趣一堆