2018年8月8日星期三

週末嘆早餐。返工開會

指定動作,先貼下連續三個星期六嘅早餐先。 

首先登場有甜品早餐,包括好味甜品兩款(唔計後方個包)配弱弱地嘅latte。 



然後有算抵食嘅西班牙早午餐,個人份量西班牙海鮮飯(味道可以但未算出色)配一碗不錯的湯才二十元加紙,最意想不到是兩款散點頭盤(炸薯仔魚肉波、雞翼)好好吃,反而同是散點的甜品churros就唔夠脆,而個焦糖醬嘅味道亦唔夠突出。 





對上一個週末係長週末,海豚兒襯有時間就去剪頭髮前海豚兒和Mr. Dolphin先去港式商場內的美食廣場醫肚,海豚兒點了火煺奄列配沙嗲牛肉包,但唔知點解,份餐嘅賣相咁唔港式,好在味道都唔差。 



至於晚飯,Mr. Dolphin就陪海豚兒去龍蝦專賣店食龍蝦包。雖然食物未算得上很有驚喜,但店員(估計係老板娘)服務就非常好。 



另外,上班的日子某天要在市中心開會,老細租借了一個會議室,在這個地方開會,發白日夢一流呀,往窗外看可以望到這兒地標CN Tower和一線湖景,可惜當日海豚兒是背住個窗坐啦,嘻嘻! 



是日午飯就和同事去嘆美味壽司,多謝兩位同事捱義氣陪海豚兒食日本餐呢!

 

22 則留言:

  1. 回覆
    1. 同事食生野亦愛魚但我估佢地當時想食外賣多啲,因為可以邊食邊做又無喺餐廳坐低食飯用咁多時間。

      刪除
  2. latte有心心呀 ^v^
    我好喜歡飲咖啡時有心心的,感覺好似好有Feel ^^~

    就放工,睇完你呢編,好肚餓啊...同埋好想寫下blog XDDDD

    回覆刪除
    回覆
    1. 可惜latte味道只係一般咋,哈哈,我喺呢度已經飲慣咗只有一堆泡浮面嘅latte啦,真係好少遇到有拉花。

      妳呢排點呀?放暑假一定特別忙,唔知遲啲有冇帶著3小孩去旅行嘅遊記睇呢,嘻嘻!

      刪除
  3. 每次見到你介紹的美食,都流哂口水啦。 背著窗坐都好,可以專心D,哈哈!

    回覆刪除
    回覆
    1. 我仲記得妳最like係軟殼蟹包,如果妳黎玩,我一定同妳去食。:)

      都係架,有時我為咗開全日會唔好發夢,會喺紙上不停畫圈畫線,等自己耳仔留心啲聽人講野。

      刪除
  4. 回覆
    1. 甜品早餐都唔算出場太多嘅,每隔一兩個週末至一餐,近年食得最多嘅週末早餐反而係菠蘿油加熱奶茶,但因為成日食反而已經懶得影相就真。

      刪除
  5. 如果去多倫多旅行, 跟住你個卜就搵到食啦..HAHAHA

    回覆刪除
    回覆
    1. 咁妳幾時黎探我啫~~~~哈哈!應該係跟住我blog唔好去啲伏食就真。XD

      刪除
    2. hahaaa..暫時未有計劃呀, 等我有左計劃就通知你...
      可能你返黎香港探左我先...hahaa

      刪除
    3. 咁老實講,香港來回多倫多要14/15小時單程,除非探親啦,否則飛咁長途去歐遊會更精彩。

      我會呀,等我吖!

      刪除
  6. 你都知我只會對咖啡同壽司有興趣......

    回覆刪除
    回覆
    1. 對,我記得呀!不過呢兩杯latte真係一般,我地一路飲都一路搖頭,壽司係日本人處理,味道就有水準好多,我同事都話好味。

      刪除
  7. 港式包都幾吸引丫,食左2星期西餐後,我對中菜都未算好渴求,但真心好掛住港式美食同奶茶!

    回覆刪除
    回覆
    1. 我地嘅口味其實真係幾夾,同妳一樣,歐遊完我都唔會特別掛住食中菜,亦可能因為我一向少食粥粉麵飯啦,所以我都係最掛住杯奶茶同埋茶餐廳食物。

      刪除
    2. 少食粥粉麵飯 --> Exactly!! 所以對我來講去越南同去歐洲都差不多,都係心掛同類食物
      反而星馬泰同台灣會好D,因為都有奶茶可以頂一頂癮呀~

      刪除
    3. 旅行前後我只會想食下茶餐,其實呢個要求以前都唔易架,係近年屋企附近(10分鐘內車程)開咗間有茶餐食嘅麵包店至咁方便,所以我嘅奶茶癮唔算太深,因為真係唔係日日都飲到,通常要等週末至可以嗒返杯,平日就靠green tea latte頂住。^^”

      刪除
  8. 回覆
    1. 呢度有幾間專食龍蝦嘅餐廳架,水準都唔錯,不過我近期想食龍蝦包多過完隻龍蝦,所以無叫咋。

      刪除
  9. 但唔知點解,份餐嘅賣相咁唔港式,好在味道都唔差。 <--- the paper that the food sat on looks like the one used in BBQ restaurants.

    回覆刪除
    回覆
    1. 係喎,似用黎裝頭盤雞翼張紙,其實用黎裝件三文治都ok嘅,係用黎放埋奄列就有啲格格不入咁囉,切嘅時候又唔多方便。

      刪除