2018年12月4日星期二

簡單慶生。聖誕市集

近年我家主子的年假不太夠用,所以他生日正日也不能請假慶生了。今年Mr. Dolphin生日正日,海豚兒乘機偷懶,收爐一天,下班後和Mr. Dolphin簡單地去吃好好味蕃茄湯拉麵作慶生晚飯,生日流流壽星仔除了加麵底,還額外點了煎餃子伴著吃,對偏向在閒日晚飯吃得少和清淡的我倆來說,這晚已經算破戒啦!



本來預算在Mr. Dolphin生日天放假的海豚兒突然多出了一天假期,便選擇在Black Friday放假自製一個長週末咯!


當日,Mr. Dolphin返工前先把海豚兒放低在地鐵站,然後海豚兒就買張地鐵日票週圍去。



行街不一定有收獲,但有時行下、睇下、摸下已經好開心。:)

午餐就相約了同樣是清假的同事一起吃一間大家都有興趣試的餐廳,這兒的服務和食物也很好,有機會海豚兒也會再來幫襯。




食飽飽海豚兒就單拖加日光日白去行位於市中心Distillery District的Toronto Christmas Market(多倫多聖誕市集)。




平日來的好處是遊人比較少又免入場費,行亦都行得舒服點,當然,日光日白來沒有了閃亮的聖誕燈飾襯托,氣氛是不及晚上好,但為免週末難泊車又要和人逼,海豚兒就選擇一個人下午來逛下啦,至少好過一整天假期待在商場嘛。








其實當天已不算太冷(約-5℃),不過在外走著走著大概一、兩小時,海豚兒都行到腳板底有點僵硬,還是要提早離開去行返室內商場取暖,等到Mr. Dolphin放工就跟他會合吃晚飯去。行完一整天,海豚兒才發現原來體力上行街真的比返工攰啦,嘻嘻!

16 則留言:

  1. -5都話唔凍? 原來你哋都有地鐵一日票。 你個邊的聖誕市集都有很多野睇喎。

    回覆刪除
    回覆
    1. 往年-5℃都ok架,但今年0℃我已經覺得好災難,今年早咗好多凍呀!

      呢度平日同週末都有1日票而且同價,週末仲可以一家大細共用一票,好抵!我第一次去呢個Christmas mkt,都無諗過原來咁大型,都幾好行。

      刪除
  2. 回覆
    1. 晚餐食經常去嘅飯堂,所以懶咗,無影到相。^^"

      刪除
  3. 今年香港未凍過!我好沮喪。

    回覆刪除
    回覆
    1. 12月啦,應該會涼返些少,但當然無得同北美嘅冬天比啦,希望妳嘅冬裝快啲有得出場吖!

      刪除
  4. 睇完好想中午飲熱朱古力同食egg benedict,但要留肚俾dinner,只能忍!

    同埋好想到歐美過聖誕,氣氛真係好唔一樣!不過有排都唔會成真住

    回覆刪除
    回覆
    1. 妳咁犀利睇得出嗰杯係熱古力嘅!個egg benedict真係幾好味,難得墊底嘅包包亦非常鬆軟,一啲都唔乾。

      好吖好吖,不如考慮下下年聖誕黎北美玩,又可以好好利用Langham獎品,雖然凍啲,但ny聖誕都幾有氣氛架。:)

      刪除
  5. 肥人相反, 肥人已用晒D假啦...零呀而家..哈哈!
    下年最快3月先再可以放啦...嗚嗚!

    回覆刪除
    回覆
    1. 向好方面諗即係下年3月假期已安排好咗,嘻嘻,咁都係等到3個月到,好快到架啦...我下年嘅假期,係完全未有定案呀。^^"

      刪除
  6. 回覆
    1. 我估如果我夜晚去會有花市feel多啲,話時話,我真係好多好多年無喺香港過農曆新年啦!

      刪除
  7. 人地返工而自己有得放假行街,其實都幾開心㗎wakakaka....

    回覆刪除
    回覆
    1. 比你識穿咗添,我真係有咁諗架,朝早行街又靜又唔逼人,好好行,不過到下午就已經成個商場都逼滿人啦。^^”

      刪除
  8. Mr.Dolphin belate happy birthday!

    回覆刪除
    回覆
    1. 多謝車媽媽!希望佢身體健健康康啦!:)

      刪除