Happy Friday再和Mr. Dolphin去Cactus Club食晚餐。全部食物都好吃，但意粉份量就偏少，好在甜品打孖上，我倆也吃到各自心儀的甜品味道。
某一天晚上，Mr. Dolphin心血來潮想食個靚brunch，海豚兒就急急訂位，到星期日早上和主子嘆返個西式自助早餐。當然食物選擇不能跟香港相比，但質素和價錢也算不錯啦，還有湖景作伴，服務及食物水準跟對上一次來吃自助早餐也依然不錯(原來已經是五年多前啦！)，只是地點離海豚家遠些許啦。
這個週末真的很有口福，除了以上提到的晚餐和早餐，還有小學同學從香港給我倆帶回來的好味老婆餅作手信。有手信固然開心，更難得是小學同學單挑幼兒回港參加喪事還惦記著我倆，回程時，一落機就把手信送到我倆門前，這份心意才最令我倆感動啊！
啱啱遇著剛剛，某日海豚兒襯自己不用上班，便開車去把夏天的車呔換成冬天用的雪呔，難得朋友有空又不介意一早出來跟海豚兒見面聊天，渡過了一個寫意的早上。還要多謝好脾氣的朋友載著海豚兒這個不善於帶路的白痴去車房領回部車啦！:)
你人緣好，朋友對你自然都好啦。
回覆刪除我覺得我人緣一般咋，唔叻同人social，好在係我嘅朋友、blog友對我好包容就真。:)
刪除難得咁多知心友, 要珍惜呀
回覆刪除要呀要呀，識得耐嘅朋友而保持到友誼好難得，年紀大咗認識到夾得黎嘅朋友亦唔易，真係要多多珍惜！
刪除湖景brunch好寫意呀，有美食又有朋友的人生真係幸福
回覆刪除Happy Friday，週末開心過哦～～～
雖然呢度無維港景色咁繽紛燦爛，但每次對住呢個湖景用餐心情都份外輕鬆。
刪除咁快又到返星期一啦，我琴晚仲失眠瞓得三個多鐘，今晚一定要補眠至得。
你朋友對你好好呀....大同老婆餅好似都幾出名..哈哈!
回覆刪除我都覺，所以要喺blog記低，等我呢個無心肝嘅人無咁易忘記呀！:)
刪除我由細到大都知道大同，但從來都未食過直至舊年聖誕返香港，竟然一試佢嘅老婆餅就愛上。
唔知係咪我唔夠人情味，我真係對任何人(家人/朋友/愛人)，都唔會買手信。但係我知道好多香港人不停去旅行，都仍然好有心次次買。
回覆刪除妳都會呀，咪幫阿米朋友買防彈週邊囉，嘻嘻！:) 我無特定諗旅行要唔要買手信，但遇到覺得合適身邊嘅人又或者係知道旅行後好快會見面就會買，就當大家高興下嘛，不過，我一定唔會做水貨客或代購，旅行光陰太寶貴，我唔捨得嘥黎咁用。不過多年前試過有個推不得嘅人搭我買手信，個清單我到依家都仲記得啲，包括指定型號嘅DC、小童波鞋、一打白之戀人等...仲要我當時只係參加旅行團，結果除咗白之戀人，乜都買唔到。XD
刪除個感覺好舒服啊，有微暖ge陽光，又有美味食物 ^^
回覆刪除微暖ge陽光>>千其唔好比呢度嘅陽光呃到呀，當日好似都係零至幾度咋，今年好早就開始凍，11月仲已經落過兩場雪添。好在室內用餐一般都有暖氣，所以都好C服！
刪除brunch窗外的風景都不錯呢
回覆刪除好細心呢！呢個湖景真係幾靚，所以我訂位時都專登講明要坐近窗嘅卡位，CC服服嘆早餐，爽呀！
刪除仲未好熟BLOGGER。 嘗試加咗海豚兒你，希望可以多啲來你個BLOG睇。
回覆刪除我見到呀，實不相瞞，我用blogger都只係用最原始方法，連加人我都無做，查實睇得返妳個blog我已經好happy啦:)
刪除在暖暖的光線下吃Brunch好Warm喔！btw物以類聚妳人好朋友自然好！
回覆刪除千其唔好俾個太陽光呃咗，好鬼凍架，今年唔知點解，好早凍又好早落雪(慘)！
刪除我覺得係我好彩，身邊嘅人對我總有無比忍耐力，包括妳。:)