2020年1月27日星期一

20’冬。來去匆匆舊金山。第三日(完)

新年快樂!祝福各位(包括自己)身體健康!大家努力共同抗疫!好好保重身體及照顧好身邊人。

~~~~~~~~~~~~~~~~~

是日上午家姐送完仔返學就和海豚兒及Mr. Dolphin嘆個靚早餐,賣相和味道也不錯。



之後家姐又和我倆揸車去市中心行下。其實呢,家姐本來想車海豚兒去兒時最愛的漁人碼頭逛下,不過世界級港女海豚兒又怕曬又怕風大,還是去行下室內商場更舒適,嘻嘻。去到商場,又影下呢條好似香港連卡佛咁彎彎嘅扶手電梯和農曆新年佈置。






行到咁上下,家姐就車我倆去甜品舖開餐。



本來想點三款甜品食,但怕芒果甜品冬天食會酸,所以就放棄啦,只點了海豚兒在餐牌上一見到就非叫不可的焙茶cream味嘅banoffee,這個真的超啱口味,還有就是水準平平的厥餅和綠茶焙茶latte。



食完甜品,我們仨hea到夠鐘接仔女放學時間才離開餐廳。然後又係指定動作,陪家姐車仔女去課外活動。



襯等接仔女時光之際,就去行下街,海豚兒竟然有鞋獲,成為這旅程唯一戰利品!接返仔女後,就返家姐姐夫屋企食晚飯,姐夫亦已經買定了壽司、淥定雲吞、水餃做晚餐啦!



食完飯,海豚兒再沖個靚涼,就乖乖坐姐夫車去機場。



成功過安檢後,海豚兒和Mr. Dolphin再喺機場食埋把鬼又難食壽司,然後就去刷牙準備上機休息。



就這樣,結束了這個來去怱怱三日兩夜舊金山之旅咯!很短的一個旅程,全因為海豚兒和主子有正經事要辦,所以怱怱而來,又怱怱而回。

大感謝一向怕焗怕熱的家姐及其家人,平常習慣連冬天晚上都開窗瞓,但因為個妹同妹夫住慣大廈,冷暖氣系統像酒店搬調節,家中不會太冷或太熱,跟住房子的冷暖氣系統大不同,所以來到三藩市家姐的家,海豚兒總覺得屋內陰風陣陣,變得更瘋狂怕凍,家姐唯有不分晝夜開行全屋暖氣,又將小暖爐仔跟住海豚兒喺廳同房之間搬出搬入,等海豚兒唔洗成日喺室內纜埋頸巾都仲凍到縮下縮下。:P

16 則留言:

  1. 哈哈,每個父母都會做school run, after school clubs,好忙呢。
    如果有對流風,真係開極暖氣都唔夠暖。

    回覆刪除
    回覆
    1. 好在家姐返PT,份工又有彈性,佢每日返放工時間就係因應接送仔女嘅時間表!

      係呀,而且如果個暖氣係舊式設計,開窗同時又開暖氣嘅話,個暖氣仲有機會因過熱而燒。

      刪除
  2. 妳好似比我更怕凍咁喎,係家姐屋企食完壽司,去到機塲又食壽司﹖

    回覆刪除
    回覆
    1. 我真係怕凍怕到一個點,可惜又唔係財多吖,哈哈!

      Shhh,唔好咁大聲,陣間俾家姐知我地唔夠飽就唔係幾好啦!;P

      刪除
  3. 回覆
    1. 仲有西餐、呃鬼佬中餐同快餐,一心以為食壽司最安全嘛...點知,瀨哂野添!^^"

      刪除
  4. 焙茶cream味嘅banoffee好似好正喎!

    回覆刪除
    回覆
    1. 呢個好味呀!同埋唔知點解,喺多倫多我好少遇到banoffee呢款甜品!

      刪除
  5. 焙茶cream味嘅banoffee好似好正 x2
    講起怕凍,在首爾咁多日明明都唔凍,返到HK就好覺凍!酒店暖氣/屋企暖爐的分別真係太大啦~

    回覆刪除
    回覆
    1. 好味呀,可惜主子怕cream,筆走哂啲cream至食,嘥料呀。

      係呀係呀,有酒店式嘅冷暖氣系統真係C服好多,咁當然都要間酒店嘅系統係“正常”至得啦,我睇過啲酒店reviews,冬天無暖氣或者夏天無冷氣,遇著呢啲酒店都幾瀨野。

      刪除
  6. 新年快樂!
    有食clam chowder with sourdough 吧? XDXD

    回覆刪除
    回覆
    1. 新年快樂!

      完全錯失機會呀!無去到漁人碼頭,原以為去到機場有得食但結果唔啱terminal,所以無呢(哭)!

      刪除
    2. 對!以前我記得機場過安檢後仲可以買到罐頭湯走,今次都唔見有。

      刪除
  7. 又估唔到你都咁怕凍喎XXD

    回覆刪除
    回覆
    1. 我老人家體質,所以超怕凍呀,今個冬天成日匿喺屋企,哈哈!

      刪除