回到日常。。。
某個星期六下午，海豚兒和Mr. Dolphin去食雞翼和魚柳漢堡。
某日遇上一件合眼緣的卷蛋，買來一試，也不錯吃呀。
去超市入貨碰啱雪糕減價又買來試下，前者(Banana Peanut Butter Chip)很有驚喜，後者(Rocky Road)如果愛吃杏仁的話，應該會喜歡的。
來到情人節，海豚兒自私吃了一個甜蜜早餐。
晚飯就和Mr. Dolphin撐枱腳食韓燒。
剛好情人節後是長週末，我倆也就去唐人地方走走，吃了一頓好吃的港式午餐和逛了一會港式商場。以下純緒是海豚兒感覺。。。這兒的香港人對疫情也沒太大惶恐，大部分來自香港的唐人也沒有戴口罩，但多了人在進出商場或飯前用搓手液洗手，偶爾有些商店職員戴上口罩。如果去說普通話為主的商場或店鋪，好像會遇到較多人戴上口罩。
之後一天在本地人商場逛街更加是零口罩。逛完街，我倆順便在美食廣場開餐，包括得到主子大讚的即叫即製薄餅，和海豚兒忘了拍照的美味漢堡包加厚切燒菠蘿配即炸洋蔥圈。
就這樣，簡單渡過了幾天假期。
無聊小分享：
某日在公路上碰到鼻涕蟲一名。。。
見到嗎？
再靠近一點看。。。
這些鼻涕蟲形狀“冰條”，冬天時在多倫多街道上也滿常見的。:)
唔使為香港近況唔開心，我永遠向好方面諗。希望好快無事。
回覆刪除謝謝妳鼓勵!我都希望香港可以早日無事，快快退疫，大家亦唔洗再東奔西跑撲口罩。
刪除我住呢邊個唐人街就唔算靜，但皇后區嗰邊就好靚，因為嗰邊多北方人，原本我哋都係嗰邊食團年飯，都取消咗
回覆刪除我地都係好似妳嗰邊咁，真係好視乎每區聚集咩人多。雖然取消團年飯有啲掃慶，但呢個時期都係小心啲好，飯聚可以等之後天氣回暖再補番數。話時話，剛過咗嘅週末天氣超好呀，又暖又好太陽!
刪除卷蛋好多忌廉，應該合妳口味，哈哈哈。
回覆刪除嘻嘻，的確幾啱我口味，其實間餐廳係主打賣梳乎厘班戟，但我又唔多啱食呢款，見有啱食嘅卷蛋，就試下。
刪除在温哥華, 大部分來自香港的唐人也沒有戴口罩，但多了人在進出商場或飯前用搓手液洗手，但中式洒樓生意差了很多,有些割價亦有些結業. 到現在大温亦好難找一到口罩。
回覆刪除咪就係咁囉，成加拿大都一罩難求但又唔係好多人戴喎，大家都知咩事啦^^”。 我有朋友喺過去兩個多星期內靠不停走訪藥房加網購，共買得十盒，將大部分寄返香港俾有需要嘅人，我覺得佢地好勁，咁嘅時勢可以揾到十盒，佢地真係好有恆心呀。
刪除依家出街食飯逛街睇戲飲茶都唔太敢
回覆刪除基爾小心保重呀，呢幾日情況又好似差咗少少，真係一日都唔可以鬆懈，尤其家裡有長者或幼童，最怕佢地受感染。
刪除我呢度都唔見佢地病時戴口罩, 但又教大家咳時, 應該用手臂遮住, 唔係用對手
回覆刪除歐美除咗醫護，真係完全唔興戴口罩。平時見人咳時肯用手臂遮住都已經好有品啦，我聽過有某家長教仔女唔好咁做，因為怕整污槽件褸(反白眼中~)。
刪除近幾日香港疫情，相對日本韓國，其實算唔錯，基本上追蹤鏈都搵得到，而且香港人超級緊張超級怕死，過度嘅防疫係一定會幫到疫情唔惡化的太快，其實香港、澳門同台灣都一樣，一係就政府同啲人都好緊張，一係就啲人自己好緊張，所以呢三地嘅疫程係控制到。都係SARS嘅後遺症，香港台灣SARS都suffered好多，依家自然緊張啲。日本韓國人同政府...意識唔一樣。
回覆刪除如果受感染嘅人肯合作，疫情亦會易啲受控(政府處理手法另計)。香港生活環境實在太逼，其實我較支持大家緊張啲，就算自己正直壯年又身體健康，家裡難免有老幼或長期病患，我自己都會怕因為自己嘅疏忽，影響身邊人受到感染。
刪除其實只要唔係某個國家既熱門旅遊點.....應該不用太擔心~
回覆刪除我同事過年時都返左加拿大..她都說加拿大沒有人戴口罩呢...但同樣也買不到呢~
最期待既畫面出現左啦..你睇到未呀~?
尋晚我FB 被人勁洗版呢...而家要搶購香檳呢..哈哈!
呢度都有唔少某國人喺度生活，而大家又無法肯定當中有冇人同患者接觸過，可能因為咁，平時佢地較喜歡幫襯嘅商店同食肆，生意都受到頗大牽連，當中又有間食肆店名同肺炎發源地相約，更加發生咗啲風波。
刪除我有睇到呀，仲有三萬，thanks嘛。;P
Banana Peanut Butter Chip雪好邪惡，期待沒口罩的日子！
回覆刪除好邪惡又好滿足，三種味道加埋雪糕仲好鬼夾添！
刪除係呀，真係好期待一呼一吸間，每一口自由又清新嘅空氣！車媽媽好好保重呀！:)