2020年3月12日星期四

同行 1。講你知

事情發生於數月前。

現在懷著戰戰赫赫心情和大家分享。

不竟這是很私人的事。

執筆時,也有猶豫,真的要說嗎?








經過一輪填問卷、回答醫生問題、再由醫生仔細檢查,即場確診為某類型的長期病患,接下來就需要照X光、驗血、配藥、覆診等的醫治大作戰。

海豚兒心諗,有冇咁晴天pig pig呀,都未驗血又未照X光,就百分百肯定,唉!

同日黃昏,海豚兒剛好要陪Mr. Dolphin見家庭醫生,海豚兒就順便把資料交給醫生一看,言談間家庭醫生發現,海豚兒對處方藥服用劑量及次序也未搞得懂。

醫生串串貢問:“專科醫生無講咩?”

海豚兒弱弱地答:“有呀,不過聽唔入耳嘛。”

醫生笑下,命令海豚兒要認真再聽一次,然後,海豚兒馬上扮作認真聽,但依舊聽唔到,不打緊,反正同場的Mr. Dolphin已即刻竪起耳朵代聽。:P

簡單交代了... ...海豚兒近月進升為初級長期病患生。

不過各位也不用擔心,海豚兒的病實屬小兒科。雖然不會斷尾,但同時間,就算海豚兒停藥,也絕對不會造成任何生命危險,而病症跟飲食和遺傳也沒關系,同時,這段日子亦多得資深生Mr. Dolphin照顧,生活上最大分別就是多了點倚賴咯,嘻嘻!

之後,海豚兒會在blog內慢慢和大家分享各種點滴,但是,海豚兒將不會在這兒交代是甚麽病症,因不想這片小天地變成病理Q&A,還望大家諒解!:)

23 則留言:

  1. 小病是福,有愛人照顧,好快好番,加油!

    回覆刪除
    回覆
    1. 謝謝!真係唔病都唔知自己原來已經好幸福,至少有人照顧!:)

      刪除
  2. 如果係唔會斷尾, 就當佢係朋友, 要學識同佢共處

    回覆刪除
    回覆
    1. 非常同意,所以呢篇我都係用“同行”做title,意思都係指與病同行。:)

      刪除
  3. 我都覺得係小病是褔,好彩係小問題,點都好,都要小心料理

    回覆刪除
    回覆
    1. 多謝妳!其實真係算好彩,至少唔會有咩生命危險,只係身體會比較弱啲,要保養下就真,近來大家都努力抗疫中,妳都要好好保重呀。:)

      刪除
  4. 相信遵從醫生指引可一切順利祝福你^^
    剛看新聞連總理夫人也中招...
    記得多洗手尤其出外回家後!
    暫時盡量少D外出或聚餐好D

    回覆刪除
    回覆
    1. 謝謝基爾!

      自從總理夫人中招,跟住到加拿大嘅港式封關(即封啲唔封啲),我住嘅省進入緊急狀態,到加拿大正式(被美國)封關,呢幾日心切體會到上個月香港人嘅無奈,大家都要保重身體!:)

      刪除
  5. 回覆
    1. 多謝MD,妳同家人仲有身處大蘋果嘅囡囡及SIL都係,好好保重!

      刪除
  6. 現在疫症橫行, 要注重個人衛生外, 身體要經常保暖, 避免患病令細菌乘虛而入. 祝大家身體健康! ‧

    回覆刪除
    回覆
    1. 多謝妳呀!呢幾日加拿大人都話經歷緊以為電影才有嘅情節,生活同工作上都翻天覆地,不過最令我自豪嘅係各大超市都派咗定心丸,亦有特定安排俾老人家去購物,甚至有額外老人家節扣,非常有人情味。:)

      刪除
  7. 回覆
    1. Thank you Jennifer! I hope all is well with you and your family in UK. Stay safe and healthy!

      刪除
  8. 我就最怕要長期食藥,有無任何方法可以攪到唔駛食藥都控制到病情架?

    回覆刪除
    回覆
    1. 可惜呢個病唔可以靠飲食或運動黎減低病情,而且因為已經開始咗食,至少要食一年才有機會減藥,換句說話,如果依家停藥,對上幾個月食藥得來嘅副作用就更加唔值。

      刪除
  9. 看了頭幾行字好緊張呀!最緊要人冇事!

    回覆刪除
    回覆
    1. 謝謝Maggie! 同許多嚴重病患比,我呢啲真係好濕碎,只係自己不嬲自命身體好,突然發現有病,真係要多少少時間至接受到。:)

      刪除
  10. 加油呀, 雖然話無食藥唔會有即時危險但都要慢慢食呀!

    回覆刪除
    回覆
    1. 都要乖乖食先岩...
      又打錯字..係幾個卜友度留言, 次次都有錯字...肥人真係傻左!!

      刪除
    2. 謝謝妳!:)

      全靠Mr. Dolphin協助,我至可以每日順利食啱藥咋,因為份量跟據日子而有所不同,就算夜晚都仲有分飽肚定臨瞓前食,如果靠我,一定錯漏百出。

      刪除
  11. 好人一生平安,病了都始終會好轉、康復!

    回覆刪除
    回覆
    1. 謝謝妳!向好方面諗,因為有病,呢幾個月都習慣週末宅在家,所以最近就算唔出得街,都算容易習慣。:)

      刪除