2020年9月9日星期三

抗疫日常12~家訪兼放假(上)

踏入八月份,友人和同事都紛紛進入放大假高峰期,原因好簡單,由疫情開始,很多人也無奈地把旅遊大計取消或延期,事隔數月,好些公司也開始要求員工清假嘛,就像海豚兒公司,每年大假必須在年底前完成,所以海豚兒和Mr. Dolphin也在上星期放了其中一個禮拜大假。

就在我倆放假前一週,小學同學丈夫也放了一週假期,某天,他們一家五口出外採購順度探訪我倆,這大半年來,小學同學一家可是我倆唯一接觸過的友人呢,還多得小學同學送給懶人必備、翻熱即吃手信,好吃魚片牛丸!


星期六假期的第一天,海豚兒和Mr. Dolphin罕有的外出了一陣子,為家中添置了一些從前用不著,現在無奈地用得著的煮食小工具(汗)。。。然後就買外賣返屋企嘆,等辛勤工作了一整個月無休的廚房>>>呢句擺明曲到直可以休息數天。

下圖食物包括咕嚕雞、星洲炒蘿蔔糕、椒絲腐乳通菜、蟹肉魚肚粥,大部分食物全靠主子清碟,牛脷酥炸兩加少量沒出鏡的蟹肉炆伊麵變成第二天早餐,剩餘的蟹肉炆伊麵、另一碗蟹肉魚肚粥和還沒出場的川椒雞就是星期日晚餐啦。



到星期一早上,我倆先去韓超入貨~泡菜餃子。

然後就是主子剪頭髮的大日子啦。我倆對上一次剪髮,已經是封城前,三月初的時候,到現時為止,這是主子相隔最長時間才剪髮的一次,希望下次再剪,不用等半年吧!^^”

襯主子剪髮,海豚兒就在附近兩個唐人商場行下、逛下,最重要是買點補充品






再去買半打蛋撻/葡撻,之後就陪主子配眼鏡。講到配眼鏡,主子都非常小心,度數變化不大,所以不用驗眼,至於眼鏡框,就是兩年前日本旅行時買落,事前亦跟眼鏡店老板在電話溝通好,去到眼鏡舖都只需要放低眼鏡框兼放低大洋,就可以了!



是日,我倆還去酒樓買點心外賣,回家來個late lunch/early dinner。對上一次嘆點心,已經是一月啦!照片中的食物,除了腸粉、流沙包是各一客份量,其他焗乜炸物是食剩的½或⅓的份量,所有食物完整份量加起來,已足夠我倆食兩餐啦,廚房又可以抖多日,嘻嘻!



18 則留言:

  1. 好羨慕呢, 好多選擇, 我呢度不毛之地, 真係諗都唔敢諗

    回覆刪除
    回覆
    1. 妳羨慕我嘅同時我又好佩服妳廚藝精湛,煮得一手好菜,唔似我,成日要揾外援。^^”

      刪除
  2. 嘩,你地一次過買咁多外賣......可以食幾餐,我喺美國時都未試過。

    回覆刪除
    回覆
    1. 買兩轉外賣食足四日,嘻嘻!其實好多人唔鍾意咁樣買/食法,因為唔新鮮隔夜後又無咁好食,但對我黎講,能夠煮少餐就係皇道。

      刪除
  3. 回覆
    1. 係呀,就係第一餐太飽,要留待第二日早餐食嘅牛脷酥炸兩,不過呢個隔夜食真係差啲。

      刪除
  4. 煮到唔想煮的時候,買外賣真係一個方法呢~

    回覆刪除
    回覆
    1. 係呀,而且可能自己煮無乜油水,好似煮幾多另一半都食得唔夠飽咁,買外賣先食得佢飽。

      刪除
  5. 男人點可以忍半年先剪頭髮?我都唔得啦

    回覆刪除
    回覆
    1. 佢到最尾兩個月都忍得好辛苦下,啲頭髮成日篤住耳仔,但無法啦,唔想週末出去,唯有等到放假先安排到剪髮。

      刪除
  6. 我早過星期都頂唔順去咗剪頭髮,我間唔中都會去外賣熟餸做晚餐,咁又可以煮少一樣

    回覆刪除
    回覆
    1. 我都襯放假剪咗,仲一次過剪多啲,方便打理。其實我都想間中買下外賣,但因為主子好多野都唔食得,唯有自己煮,加上,每次出去返黎都要又洗又抹,好大陣仗,好煩呢!

      刪除
  7. 成個商場都冇也人呢!btw辛苦廚房了haha~

    回覆刪除
    回覆
    1. 呢個係唐人商場,一來疫情關系,二來嗰日係星期一,真係會少人啲出去,而我地都係專登襯閒日去,貪佢少人。哈哈,多謝車媽媽對廚房嘅諒解。<3

      刪除
  8. 回覆
    1. 係呀,一來嗰日係星期一,二來我地去嘅時候都仲早,更加冷清,更重要係,好多舖都貼上“旺鋪招租”呢,so sad!

      刪除
  9. 肥人都好耐無食過點心呢...都有少少掛住...
    可惜黃既不多.. ~_~"

    回覆刪除
    回覆
    1. 我之前睇過報導,都提過做點心嘅黃店不多。大鄉里嘅我最近先發現原來多倫多都有啱去嘅黃店,有機會我都會去支持!

      刪除