回帶去返自製長週末的星期五,海豚兒和Mr. Dolphin 未夠十時就已經去到市中心。
跟從前繁忙熱鬧的市中心地標相比,疫情下的Yonge and Dundas Square 顯得份外寧靜。
這麼早就來到市中心,為的是一嚐剛開業不久,從台灣來的Hazukido牛角酥。
這兒的牛角酥有很多不同口味選擇,我倆試了五款,味道也不錯,感覺上有澎湃餡料口味如流沙鹹蛋黃味和兩款不同的布甸口味比較好吃,只略嫌酥酥個子太少。海豚兒覺得,來此店吃牛角酥,絕對是為了特式餡料而來,而不是為了尋找正宗牛角酥,抱著這態度,那就必不會失望。
買完酥酥,就去了唐人街附近的Kensington Market,目標是十一時開鋪的日式咖啡小店,名叫Little Pebbles Cafe。
暫時沒有機會去日本,唯有找些日式甜點來滿足心癮,包括有驚喜的抹茶及伯爵茶口味canele,味道算不錯的黑芝麻味蛋糕和焙茶味卷蛋,最「意外」的是,主子罕有提出想試抹茶焦糖口味布丁(flan),當然要買啦,而「意外」就是,回家後我倆才發現,店員應該是不小心,把flan錯調成我倆都不大愛吃的士多啤梨蛋糕,雖然味道也不錯吃,但主子就不願意浪費配額吃咯。
買完日式甜品,我倆隨即到下一站買午餐外賣回家。等待的時光,就在附近走走,發現了一間日式家品超市,店內麻雀雖小,五臟俱全。
還有另一間賣衣服的叫Anthropologie,這店子在北美也有好些分店,衣服質料一般也很不錯。今次特別提起,因為這舖位外觀看起來有點像教堂改建成呢!
而店內的空間也很大,有上下兩層樓。
是日外賣午餐在意式餐廳Terroni購買,主子表示很滿意這頓午餐,話一定有下次!
就這樣,在市中心,“游”走了兩個多小時就離開,沒有特別四圍去,只按著次序把想吃的都帶回家便是了,還創了在市中心泊車的最便宜記錄,分別是$3、$3、及$2,合共才$8。
接下來的星期一,多倫多又再實施封城措施,其實呢,禁堂食,禁和非同住人士的聚會,禁商店營業... ...等等等等的同時,學校還是如常上課,那說好的社交距離,何以能維持(暈)?! @_@!
我都享受早出門,早完事,安安靜靜,人少,又泊到車。
回覆刪除係呀,早出去,店舖人少啲,traffic 又少啲,可以快快手手做完所有野,心情都好啲!
刪除Anthropologie 的外觀, 我起初也以為是教堂呀!
回覆刪除你 post 內的食物: 台灣來的Hazukido牛角酥, 日式甜點, 黒松露意粉, 我樣樣都想食呀! 可惜VANCOUVER未有Hazukido,日式甜點及日式家品超市, 也沒有咁多選擇.
我貪得意google 過,原來真係由教堂改建成架。:)
刪除可能係隔離飯香症後群:D,因為我睇妳嘅食物post,都好有同感呀!Toronto 地方大啲,可能真係有多少少有特色嘅商店,Vancouver 細啲而人口又密集啲,食買玩又會比較方便一點!
難得出去一轉,一定要買齊食物,最重要都係甜品
回覆刪除全中呀,難得外出,真係最緊要入下甜品,而且甜食相對地係比較方便儲存,尤其包點類,好多時我都會放冰格,之後慢慢再翻熱黎食!
刪除做咩俾D杯杯碟碟我睇呀? 🤦♀️
回覆刪除我睇到你個邊有間BBQ 餐廳照樣開門, 攪到警察到場, 又拉又鎖, 仲話要交好重罰款
小聲說,我都係被櫥窗嘅杯碟吸引咗入去。
刪除修正: Adamson單新聞簡直沒完沒了,之後又有人發起眾籌,仲籌咗三十多萬加紙比佢打官司,然後又發現間餐廳原來一直無牌經營,花生剝到一地都係。^^”
you and Mr Dolphin take care <3 !
回覆刪除Thank you my dear!你們都要好好保重呢!
刪除.....流沙鹹蛋黃味....我對呢個好有興趣!
回覆刪除Anthropologie.....呀,我以前會買架,因為佢地每樣都出少少,好少機會撞款...
呢個味嘅牛角酥香港應該好易食到,印象中西多都有添呢!:)
刪除係呀,我都記得妳有買開呢個牌子,佢啲衫真係好有特色,而且我鍾意佢啲衫嘅texture ,好有質感!
兩個外賣午餐睇落好正,非常時期大家真係要好好保重。😸
回覆刪除最近買嘅外賣都算有食神,無乜中伏,算好彩!大家都係,留家抗疫,好好保重,百毒不侵!;P
刪除流沙鹹蛋黃牛角酥好吸引喔!
回覆刪除呢款真係幾好味,其實呢,專程去潮聖都係為咗呢個口味!
刪除人少少, 安心食餐好~
回覆刪除學校照常..咁都得!!!
雖然係人少少,我地都未敢喺街(餐廳)食野,只敢買返屋企食咋。
刪除係啦。。。我住嘅省份,已經上升到成二千宗一日啦。
d 日式dessert 好的式呀。 搞到我都想試下。
回覆刪除妳下次黎Toronto玩,我一定陪妳去搵食!只希望唔駛等到大少姐大學畢業咁耐啦,唔係嘅話,我要棟住枝拐杖去架啦!XD
刪除