新年快樂！ 祝各位 心想事成 身體健康！
二月初某日買餸，又順便奬勵下自己，買幾件蛋糕，週末慢慢嘆！
然後就來到這個二月，最期待的日子：返四日工、放四日假、又再返四日工。
是咁的，反正Mr. Dolphin要清假，海豚兒和Mr. Dolphin就襯大年初一(星期五)一起放假，然後，接下來的星期一，又剛好是安省家庭日長週末假期(Family Day long weekend)，於是就造就了這個四天連假的三重享受，慶祝農曆新年、情人節、家庭日長週末假期。
星期五早上，先走訪兩間西超。下午就按計劃，去買飲茶點心外賣，在車上醫肚。買了共九款點心，吃剩一半就是星期六的午餐了。題外話，疫情前，我倆也甚少在車廂裏進食，這也可算是一個新常態，為的只是想吃到新鮮出爐點心。^^"
然後就靜靜雞去小學同學家派利是給小孩，本以為可以神不知鬼不覺，把利是留在隱敝地方，再以電話告知，原來一踏進人家花園外圍，就被發現了，哈哈！果真是「若要人不知，唔好太低b」!
接下來就去買是日晚餐(龍蝦伊麵)、中式糖水、和忘了影相的星期六晚餐。襯大年初一，食返碗有湯丸的合桃糊！至於其餘的糖水，也不是一次過清掉，是好幾個晚上的飯後甜品啦。
一如以往，星期五出完街街，星期六當然要留在家好好休息，順便做一下家務。
等到星期日，才再外出，補給一些甜品，和韓式炸雞，意思意思地慶祝一下情人節。星期一又再變回懶洋洋的煲劇夫婦，最近煲緊超舊的烈火雄心。
就這樣，繼續安安靜靜、簡簡單單的渡過了四天假期。大家今年的農曆新年，又怎樣過年呢？
妳會買定甜品慢慢嘆，我就發現有間麵包舖有中式糖水賣，我就買齊三款返屋企慢慢嘆
回覆刪除如果屋企附近有好味嘅中式糖水，我都會買返來，慢慢嘆呢，冬天凍冰冰，可以飲碗熱辣辣糖水，真係好正呀！
刪除新年快樂，身體健康。好豐富。
回覆刪除多多保重，祝你身心健康，事事順利！
刪除恭喜發財, 新年快樂, 青春常駐, 身體健康!
回覆刪除肥人都好想食炸雞呀, 不過香港既鋪無一間好吃呢...
謝謝肥人，祝妳幸福快樂，身體健康！
刪除我以為香港有咁多韓式料理，要揾好食嘅韓式炸雞應該唔難，原來都唔係呢。
呢一篇我對炸雞最有興趣，不過都唔知幾時至再有得食喇！
回覆刪除可惜樓上blog友都話香港嘅炸雞唔好食，想食正宗嘅，睇黎都要繼續等等等，好在香港仲有好多地道美食，未有得食韓牛、炸雞前，就食多幾餐港式料理頂頂癮先啦，順便代我飲多幾杯港式奶茶！:)
刪除已經無食點心好耐啦~~ 有時都會掛住燒賣架
回覆刪除點心又真係難啲，陳記都應該唔會有淘大雪藏點心，希望疫情早日平息，妳可以返老家探家人，兼同佢地一盅兩件啦！
刪除對D甜品好有興趣，特別是第一和最後張相。
回覆刪除謝謝妳！第一張嘅算正常，第二張前面個甜品就好好食，後面嘅對我來講有點伏呢，因為有好多不同嘅果核呀。^^”
刪除龍蝦伊麵 👍 睇相都流囗水添 ! 龍蝦同伊麵先分開上又幾好 。
回覆刪除而且龍蝦伊麵算足料呢，有原隻龍蝦，當日食埋糖水，已經夠哂兩個人食！
刪除樣樣食物都好正。 點心的外賣盒好特別，都似一個蒸籠。你兩個人，真係食得哂D點心？
回覆刪除呢個週末可能食得太好，我地兩個都重咗呀，哈哈！啲點心我地食咗兩個午餐至食得哂呀，其實都幾抵食，呢度加埋，四十蚊加紙有找。又，我結果都無買到年糕，所以專登叫蘿蔔糕同馬蹄糕過下口癮！
刪除點心呀！好耐冇食過啦！
回覆刪除我平時都唔算成日食點心，但每逢農曆新年就好似有蟻咬咁，好想食下點心。
刪除妳買的甜品好吸睛!
回覆刪除呢間中式甜品絕對係水準之作，至於西式甜品，最好味係最後張相，前面嗰個tart，隔夜食個tart皮都仲脆。:)
刪除點心外賣正吖！偷偷派利是都得比妳笑C haha~
回覆刪除終於食到點心，我都好滾動呀，雖然呢間無雪山叉燒包，嘻嘻！係囉，我地以為前門咁大，無人會發覺，但原來住屋嘅人，係會好留意到有人進入咗佢地領土範圍架！
刪除