聖誕節前,海豚兒收到家姐從舊金山寄來的禮物,凡事慢半拍的海豚兒,也終於在一月初,成功買到禮物給家姐一家,不過因為貨品當時只能夠back order,一直等到上星期才成功寄到三藩市。希望小時候愛砌LEGO的姨甥仔女,及自少就夢想擁有一座小型三角琴的家姐,會喜歡這份禮物啦!:)
至於海豚兒,從小就不喜歡彈琴,亦對LEGO興趣不大。在溫哥華生活時,也許因為太悶,開始玩下手作仔,包括當年曾經好興的勾冷線卡通人物,用來製作抱枕、小地顫等,不過全都是送給朋友的禮物,所以海豚兒也沒有留下些什麼。另一個當年的嗜好,就是砌圖啦。還好,依然有幾幅存貨,就跟大家分享一下吧。。。
包括海豚兒最最最喜歡的Charlie Brown, Snoopy和朋友仔欣賞「回歸前」的維港夜景,這永遠是海豚兒心中最美一幕。
I was into knitting (so crazy to be knitting in Singapore) , crochet, then cross stitch ... the last piece was during confinement after birth of Babe Dearest. It was very expensive so I had to finish it and call it a day, hahahhaa... never touched it again.
回覆刪除煮藝咁了得,完全想像到編織、勾針等都一樣難妳唔到,雖然溫暖牌喺新加坡唔多機會著,但我覺得有個會織野嘅媽媽,係好幸福嘅事!In my case, it’s my elder sister who used to knit for the family, not my mom, lol!
刪除Hi hidolphine 你好 ♬︎*◡‿◡*♪ 謝謝分享 ❗️
回覆刪除缺憾美 ..正面思想精神可嘉 👍👍👍
我一位台灣朋友是超愛 Charlie Brown, Snoopy and friends 💜💙💚💛🧡
多年前我在美國買過一D "Snoopy" 物品去台灣比佢。
你好!無法啦,都已成事實嘛。:)
刪除我身邊都有幾個鍾意Snoopy and friends 嘅朋友,最有趣嘅係曾經有個roommate 租我隔離房,就係因為見到我有隻snoopy 放喺床上,而佢至愛係Woodstock ,所以佢覺得我地會夾得黎而租。
我以前都有幅米奇米妮標起坐嘅puzzle, 不過無帶過黎啦
回覆刪除我呢D美勞無天份嘅, 真係唔係手作仔材料
小聲說,我第一份送比主子嘅生日禮物都係puzzle,一直掛喺佢Vancouver 屋企,喺佢父母搬屋前,佢本打算返去順便帶走幅砌圖,可惜返到去時發現,砌圖原來已經被消失了。
刪除唔係吖,睇妳整嘅包包同甜品,賣相非常靚呀!
我喜歡crochet ,有時會邊看電視邊鈎,但不想用腦,只鈎簡單的杯墊,碟墊,貪佢細細地,好快完工。
回覆刪除已經好犀利啦,我其實解釋得唔清楚,我鈎嘅只係一條條短毛冷鈎落塊膠嗰啲小學雞野,絕對唔係妳個level 咁勁嗰隻。^^”
刪除我從來都無細藝,不過想過老左有時間可以學寫書法/ 織冷衫/再學拉小提琴/......
回覆刪除妳咁有藝術天份加細胞,一定難妳唔到呢!可能講妳都唔信,以前讀家政,我覺得煮食容易過針指好多(!),上堂煮完仲有得食,唔似針指返到屋企仲要趕工,但依家,我會話煮野食都好鬼難囉!;P
刪除織嘢勾嘢我都識,不過依家唔鍾意織了,puzzle都無心機砌,妳嗰幅snoopy puzzle,我都有呢
回覆刪除係咪阿姐大咗,就開始少咗織野、勾野呢 :)
刪除咁啱嘅,妳知嗎,我地有個共同blog友嘅家人都有同一幅puzzle 呢!呢幅puzzle 太有紀念價值,我唔捨得掉呢!
咁多樣手作仔,我都係最鍾意砌LEGO。不過價錢唔平又無地方罷,所以都係無付諸東行動。
回覆刪除LEGO最令人又愛又恨嘅地方,就係好似妳之前砌Harry Potter 系列,真係非常吸引,但砌完又真係唔可以再黎過,只可以放好好咁供奉,成本好高,搬屋就更煩。
刪除我有諗住拆出嚟再砌過架!
刪除咁咪要續個section拆同安放,然後先可以再砌過,工程比第一次砌更浩大呀!
刪除手作嘢,以前都會做吓,現無咩心機囉!
回覆刪除原來咁多blog 友都係高手呢 :)
刪除可能都係,我見我家姐以前都係織唔停,但放低之後又真係無心機再重拾舊歡。
以前既人,乜都自家整,現在太方便買來用,所以人都懶惰了!^ω^
刪除係,而且依家嘅人,有時間都上下網(我都係),生活態度同以前都好唔同。
刪除我這一年都砌了兩份 1000 塊的砌圖和 lego piano... 今年留在家的時間真是比較多,往年真的沒有時間做這些事呢...
回覆刪除我都覺得今年多咗人砌puzzle,同埋Lego Piano都係大熱,我都等咗一排至買到,仲只可以back order,雖然我自己唔砌Lego,但真心覺得呢副掂呀,砌完仲有得玩!
刪除原來你也曾經喜歡砌圖
回覆刪除所以我地咁啱key💜
係呀,妳之前介紹砌圖時,我都有咁諗,不過我已經廿年無砌啦,非常生疏。^^”
刪除肥人外公以前成日都砌砌圖, 仲好中意砌1000pcs既風景
回覆刪除後來肥人又中意, 都會買幾盒黎砌, 可惜屋企無太多位, 所以無砌好多年啦!
妳外公好特別呀,我身邊未試過出現會砌砌圖嘅長輩呢!:)
刪除係呀,除咗要揾地方卦,仲有買框都好貴,所以好多時砌完,我都唔捨得整起。
我公就係覺得無野做, 佢就砌下砌圖咁囉, 佢砌1000塊會砌好耐, 慢慢砌~
刪除不過而家年紀更大, 已經無砌啦~
其實砌下砌圖都幾好,隨時都可以,唔洗有伴又唔會嘈。
刪除車爸爸也很喜歡砌圖,心急的我就冇耐性了!
回覆刪除我都係一個好心急嘅人黎架,但可能從前嘅北美生活真係無咁多姿多彩,所以砌砌圖就正好可以打發時間。
刪除