2021年6月9日星期三

抗疫日常40~非常靚仔

繼(五月)星期一放了長週末,海豚兒和Mr. Dolphin在同一個星期的星期五也放了一天假期,換句話說,這星期只工作了三天啦!

因為呢,這個星期五,我倆約了醫生做年度身體檢查。

上午先去西超極速入貨,然後去看醫生。

接下來,當然要去嘆返個靚早餐啦。題外話,明明早兩天,天氣已去到30度以上,這天竟然回落至2-3度,而且還飄雪呢。是日幫襯早前新開的台式麵包店(餐廳),好在出發前已在網上預訂,不用在店外吹風等,就能吃到好好好吃的煙三文魚厚蛋三文治,主子的三文治嘛,牛牛就略嫌乾柴咯,海豚兒還買了軟棉棉生吐司、好好吃的明太子蒜香法包、不錯吃的奶酥包和主子麻麻地欣賞的咖啡包做週末早餐。

食飽飽,當然要去買下甜品啦,今次揀的是早前已幫襯過,港人經營的蛋糕店,買了輕盈的斑蘭雪芳蛋糕,味道也不錯啊。還有就是上次在日式西餅店買過好吃的古古力曲奇,今次也額外買了多幾款小吃,結果嘛,還是古古力曲奇最啱口味,另外,抹茶白古古力brownie也不錯。

至於晚飯,海豚兒就繼續享受新鮮又好吃壽司,主子也滿欣賞呢間Toyosu外賣店

另外,主子也從另一間店買了一般般的Pad Thai配龍蝦尾,坦白講,”群”黒邊龍蝦尾的賣相真的有點倒胃口。^^”

其實我倆也有預先買了星期六晚餐,也是茶記食物,不過就忘了拍照咯。

好啦,到底是誰「非常靚仔」呢?之唔係海豚兒的驗身報告囉,醫生說,海豚兒還有許多許多吃甜品的配額呀,甚麼膽固醇、肝功能、血糖、鐵、鈣、甲狀腺等等等等指數,都係咁靚仔,至於主子嘛,乖孩子就不要問啦,好嗎😜。

或者你會好奇,既然身體如此健康,為何海豚兒會變成長期病友架?主子的無聊結論是,就是因為身體好過龍,才會得出這種病來呀,哈哈!

24 則留言:

  1. 哈囉!海豚兒 💙💚💛💜❤️
    嘩! 仲『飄雪』! 噉啊?六月雪囉! 蒼天呀 ❗️🙏

    回覆刪除
    回覆
    1. Hellooo~~~落雪時已經係5月尾,真係幾誇張。印象中多倫多通常4月落完就收工。^^"

      刪除
  2. 早晨!海豚兒 :)
    恭喜❗️ 賀喜❗️ 海豚兒驗身報告「非常靚仔」 👍 👍 🎉 🎉

    回覆刪除
    回覆
    1. 早晨&多謝妳,我都好開心又過一關,嘻嘻!

      刪除
  3. 真係要俾D掌聲鼓勵 👏👏👏
    我係咪眼花花, 點解我覺得主子個三文治包有D"謝"咁喎

    回覆刪除
    回覆
    1. 謝謝妳,我都好開心。

      睇翻另一張無post出黎嘅相,主子份三文治包邊應該係比我喺紙袋拎出黎時夾扁咗。XD

      刪除
  4. 好開心呢,個報告咁靚仔,有好多好多食甜品既Quota,正

    回覆刪除
    回覆
    1. 謝謝妳,對對對,暫時仲未駛戒口,仲可以繼續週末輕鬆下,食下甜品。

      刪除
  5. 驗身報告咁靚仔,一定要賀賀佢啦!

    回覆刪除
    回覆
    1. 係喎,真係應該要啪返個菠蘿油黎慶祝!

      刪除
  6. 我1月做的health check 都無去問報告,唔想知,就可以繼續食。

    回覆刪除
    回覆
    1. 如果醫生都無主動聯絡妳,應該都無咩問題,可以繼續食,嘻嘻,同埋呢,呢年幾都無旅行去,想暴飲暴食都難!

      刪除
  7. 回覆
    1. 謝謝妳,無咩事,我返出去食甜品慶祝啦,哈哈!XD

      刪除
  8. 果然未食五月糭, 寒衣咪入櫳呀!!!
    靚仔就好啦, 可以繼續食食食食食同食~

    回覆刪除
    回覆
    1. 係呢,每年5月都會有幾日氣溫驟降,腦海都會閃過呢句說話。

      謝謝妳,我都好開心又可以繼續吃下去呀!

      刪除
  9. 我真係有啲好奇,你食咁多甜品,又無戒澱粉質,居然健康指數一切安好?

    回覆刪除
    回覆
    1. 我都曾經問過醫生,點解主子嘅diet算係比我健康而我地食嘅supplements又近似,但我啲指數同佢咁唔同,佢答“It's in your genes”。其實我地一星期有5日都食得好清淡,無油無鹽兼低碳,所以我週末至有quota放肆。

      刪除
  10. 回覆
    1. 謝謝妳,咁我又可以嘆多年甜品。:)

      刪除
  11. 哈囉!海豚兒 💙💚💛💜❤️
    祝 : 佳節愉快,闔家平安。

    回覆刪除
  12. 叻女啊!可以繼續吃好西喇!

    回覆刪除
    回覆
    1. 謝謝妳,我都好開心又過關,配額尚存,可以繼續食甜品。

      刪除