星期日亦即是假期的第二天,海豚兒和Mr. Dolphin在家吃過早午餐後,只去了在家附近的西超及五金鋪入貨,因為之前封城措施實施了半年有多,我倆亦已儲了一大堆”林沈”野要添置。。。回到家,抹抹噴噴消毒所有物品一大輪,其實海豚兒心中一直有個疑問,到底自己何時才安心不再做這些看似多餘,但又仍未敢鬆懈的工序😅。
星期一早上,海豚兒先嘆杯期間限定芒果、雲呢嗱扭紋軟雪糕,不錯吃,還買了兩款曲奇試下。
然後就去早前幫襯過的台式麵包店入貨,買定幾款麵包做早餐,而今次最得海豚兒歡心的是蒜香忌廉芝士(cream cheese)包,這款包夠哂重口味,一定有下次呀,其他的包包,就還可以啦!
沒有旅行去的日子,我倆選擇到平時不常去的日式商店和中超慢慢逛,買了一些和式物品和食物,就當自己去了亞洲一趟咯。
最最最驚喜還有在中超遇上鴨血呀呀呀!鴨血的滋味,海豚兒上次回港有幸嚐過,實在是一試難忘。然而,主子是完全不會參予這項目啦,不嗜內臟的他嘛,就連豬紅都未食過呢,嘻嘻!
回家前,當然要買定是日晚餐啦,包括海豚兒最愛的壽司刺身,還有主子的茶記意粉,貪心的海豚兒,更多點了一份西多士,借d耳叫主子和海豚兒分享。
雖然沒能出門旅行,能在本地買到和嚐到「亞洲風」的物品和食物,我倆這天也過得很高興啦!
啲鴨血老公唔食仲好,可以自己一個獨食,買到喜歡既食物,已經好正
回覆刪除我都係咁話,為表隆重期視,仲要擇個好日(即搵日得閒)煮黎食呢,嘻嘻!
刪除Wow , mango plus ice cream , dreammmm
回覆刪除好好味呀,可惜一不小心,我跌咗咁粒⋯⋯唯一一粒嘅果肉落地呀!
刪除實在有太多野揀啦, 恨C我呀
回覆刪除呢日全都係亞洲食物,又真係會特別令人思鄕。
刪除麻辣鴨血好好好好好食呀!!
回覆刪除紋軟雪糕好似幾綿密喎!
我怕辣,但好想食鴨血,所以幾大就幾大啦!
刪除雪糕真係唔錯,其實我唔應該咁貪心要扭紋味,淨芒果味應該更正!
.....回到家,抹抹噴噴消毒所有物品一大輪....呢樣嘢,由沙士到武肺我都未做過,我屋企漂白水都無。
回覆刪除另外,檸水(熱式凍)我都係絕對唔會飲架,浪費哂杯餐茶,哈哈!
我覺得呢樣野已經變成我嘅OCD之一,唉!
刪除剛相反,如果餐廳嘅奶茶唔掂嘅話,我就只會飲熱檸水走糖,因為我平時都只會飲清水,古力、好立克,咖啡我都唔飲架。^^”
早晨呀, 海豚兒 💙💚💛💜❤️
回覆刪除未食過鴨血喎 ! 食過雞紅同埋豬紅囉 😋
老媽拌麵即食麻辣鴨血寬粉 https://youtu.be/zhTEFdNOgm4
午安呀!雞紅我反而未食過呀,同埋聽朋友講,呢個牌子應該算係幾好食。
刪除見到你成日有美食,真羨慕呢
回覆刪除我見到妳煮嘅又咁正,親友煮嘅亦預埋妳,我都好羨慕啊!
刪除我都好耐無食豬紅啦
回覆刪除妳食唔食車仔麵架?小時候,我最鍾意食車仔麵加豬紅、豬腸配油麵!
刪除恭喜終最買到鴨血!
回覆刪除多謝!其實買到之後,有一刻好想話妳知,我終於得咗(買到),但又覺得自己太無聊,所以無咁做到。^^”
刪除鴨血好耐冇食過啦,仲有蒜香忌廉芝士包都好吸引呀!
回覆刪除唔知英倫會唔會有得賣鴨血呢(例如代購),感覺上好似都有唔少台灣人。係呀,而且估唔到蒜味同忌廉芝士係咁夾架!
刪除有我最愛嘅芒果味雪糕!😍😍
回覆刪除芒果味都係果味雪糕中我最like,奶味就會揀咖啡味!
刪除