星期二,Mr. Dolphin陪海豚兒去了一轉outlets,兩位混吉人仕,入過幾間商店也沒有收穫,又不想排隊、排隊、再排隊,於是,大家目標一致地邁向停車場,「撇」!
星期三,安省在這天踏入第二階段重開,海豚兒和主子襯商場有限地開放下,一早去了一趟,可惜,想買的東西這天買不到,預約了日子,擇日重賽。
臨走前,去了Cheesecake Factory買件Godiva古力味芝士蛋糕回家食,不過因為天氣太熱,回到家,蛋糕都熱到面容扭曲、連個裝都溶溶地咁,好在仍無損味道!
午餐海豚兒就繼續食壽司,呢間都算幾抵食,連13%稅,都未洗$30加元。
食飽飽四圍逛下,還有好吃的蜜糖牛奶雪糕做甜品。
回家前,就按主子意思,買了Pai Toronto外賣,包括綠咖哩魚配飯和素Pad Thai,這𥚃仍然是我倆在多倫多,最喜歡的泰菜餐廳。
七月一日星期四,是香港的七一,同時亦是加拿大國慶日。這天就大陣仗啦,是自從去年十一月底封城以來,主子第一次可以去剪髪呀!剪髪前,我倆先去食個靚茶餐。
剪髪後,就去買超好吃壽司回家嘆!這店水準超高,未食完已經計劃定幾時再食啦!
然後,話咁快就星期六啦,亦來到假期尾聲,主子這天提議和海豚兒去遠一點的地方買甜品。
這店子,應該已有兩年沒來過吧,甜品依然是大件夾好食,首選是拿破崙餅和焦糖脆面奶油泡芙,包包則沒有記憶中美味。
就這樣,一星期的假期就輕輕的走了。沒有旅行,也不感到無聊,我倆還有點不願意假期這麼快便要結束。另外,執筆時還未知,夏天完結前還有機會放假否,疫情下,太多變數,遲下再算啦!
加拿大外食有質素,價錢又抵。 呢盤壽司,在英國要 30英鎊啦。因為我無得返香港,所以我就用 annual leave 來製造 long weekends。 格個星期放,放長來玩。
回覆刪除我都覺得英國尤其倫敦,外食價格要比多倫多貴一倍,其實廿年前嘅多倫多,都無咁多亞洲美食選擇,係近十年至越開越多呢。我都有好似妳咁自製下長週末,不過,因為唔知會唔會有「貴賓」到訪,所以要預留假期備用,唉!
刪除壽司好吸引,我們食唔到咁好質素的壽司,除非去倫敦。
回覆刪除兩餐壽司都正架,其實後來諗返,第二餐亦都唔貴,二人份$65加紙連稅,而且睇得出用料新鮮呢!疫情下,我估妳暫時都未必會去倫敦。。。不過妳煮野咁叻,家人都食到lam lam脷,唔會厭呢!
刪除已經好耐無食壽司啦, 呢度超市個D, 貴之餘, 個樣仲....
回覆刪除放心,我唔會叫妳自己整壽司,最多建議妳煮壽喜燒,嘻嘻!
刪除壽司好吸引。
回覆刪除真係好正呀,我又已經心思思想再買黎食啦!
刪除Yummy
回覆刪除都未及妳自家煮嘅吸引呢!:)
刪除早晨呀, 海豚兒 💙💚💛💜❤️
回覆刪除I love Godiva chocolate cheesecake 😋😋😋
Or I should say that I love Godiva Chocolate 👍
You know why❓ 嘻 .. 嘻 .. it's just because 😎
Once I have presented to my idol a box of Godiva Chocolate in Singapore 💯 Yeah 😀😂👌 😍
原來Godiva嘅古古力對妳有個咁甜蜜嘅回憶,能夠見到偶像,已經開心到震,仲可以將禮物親手送上,更加係非常難忘呀!
刪除Thank you to 海豚兒 for the information. 👍
回覆刪除So I now know that Canada's National Day falls on July 1st 🥂
加拿大國慶-首都7.1大遊行|渥太華一日遊|見杜魯多 https://youtu.be/6PmDoD_MLAg
加拿大鄉下的國慶節 https://youtu.be/tVINVhEyP5U
所以這天對在加港人來說,心情特別複雜,開心慶祝加拿大國慶日之餘,個心又總會囉囉攣記掛著老家嘅事。
刪除連稅三十加紙又真係好抵,香港好普通質素嘅連鎖店,外賣都唔只呢個價。
回覆刪除你自從夠膽食翻壽司之後,就不停狂食啊!哈哈!
真係幾抵食呀,後來諗起,之後嘅壽司晚餐都抵食,更高質,都係$65加紙連稅二人份。
刪除對呀,要食番夠本亦有藉口比自己唔好隔太耐無食,搞到又再怕唔習慣而唔敢食,而且,壽司一向係我至愛!
其實加拿大好似都唔錯, 野食同香港差不多~
回覆刪除Cheesecake Factory件Godiva古力味芝士蛋糕, 肥人食過一次...UM...ER...有少少可一不可再...哈哈!!
近年多倫多比以前多咗好多亞洲美食,廿年前,呢度都無咁正嘅日韓泰餐廳呢,所以依家出街搵食,的確比以前開心。
刪除小聲説,呢件係我去Cheeesecake Factory必點嘅甜品呀,一來鍾意食啦,二來佢啲正正常常嘅cheesecake,我食完會胃痛。
食正正常常嘅cheesecake會胃痛咁慘~?OH NO!!!
刪除非常奇怪地,只係食Cheesecake Factory嘅芝士蛋糕先有呢個毛病,廿幾年前已經係咁😅。
刪除個海膽壽司一睇個賣相就知好正!😋
回覆刪除講到寫回憶錄我就懶到出汁,基本上幾個月先蒲一次頭……🤣😅
啲壽司真係好鬼正呀,已經好想再食!
刪除你一啲都唔懶啦,每次都寫得好詳盡,種類又多,每次睇都令我增廣見聞呀!