週末一早外出,可惜原先想做的事情辦不到,唯有食個早餐抖下。。。
懷著一丁點失落的心情,連早餐也忘了拍照,其實都是平常食物啦,海豚兒的菠蘿油配奶茶,和Mr. Dolphin的沙嗲牛一丁配奄列多士,順便買了不錯吃蛋撻,和非常好吃的甜品回家慢慢嘆。
然後再去中超hea下,一不留神,又買了些月巴美食物回家。
Hea到夠鐘,就去取提早預訂,超級爆好吃的壽司作晚餐。這間壽司店,是近期海豚兒和主子的新寵,真的好喜歡好喜歡吃喔。
接下來,就去買預先訂購的報紙啦!離開老家這麼久,這次還是海豚兒首次買老家報紙,從來沒有想過,買最後一份報紙的原因,竟然可以這樣荒謬。手裡拿著這份被稱之為「福壽版」的蘋果日報,心裏頭一點也不好受,衷心祝福前員工們,能安全地全身而退!
大鄉里以為聖咩咩先有橢圓形蛋撻
回覆刪除講真最近真係唔係好想睇老家D新聞, 沒有最差, 只有更差
係喎,見到橢圓形時只係覺得熟口熟面,原來係聖乜乜,不過呢間餅店個名都一樣熟口熟面架,叫龍島,哈哈!
刪除有關「四隻字」嘅新聞,就更加係唔睇好過睇!
早晨呀, 海豚兒 💙💚💛💜❤️
回覆刪除沙嗲牛一丁 .. 絕配 👍 -.- 菠蘿油 .. 香港人至愛 ❤️
港式沙嗲牛一丁 https://youtu.be/5RxvrtKd1es
東張西望 | 菠蘿油 https://youtu.be/9vcYsFKTmec
最後一期 https://youtu.be/8YAbo8qcwF8
午安呀!港式茶記食物,都係我思鄕時最好嘅comfort food呢!
刪除妳係特登買月巴美食返屋企的,一定係,除非唔係,哈哈
回覆刪除哈哈,比妳識穿咗添,仲要唔月巴唔買😅,無得去旅行嘅日子,買下呢啲亞洲食品,心理上都可以滿足下咁啦!
刪除你喜歡食邊款蛋撻? 牛油皮?酥皮?
回覆刪除以前我只愛酥皮,但近幾個月,我又突然間想食返牛油皮… 細個時,屋企只有放到凍冰冰嘅牛油皮,所以我唔like 食架,證明我又老咗啲,口味驟變。
刪除樣樣都正👍😋
回覆刪除似乎我地口味都幾啱key喎😁!
刪除早兩日肥人先食完蛋撻..因為有日特別恨食舊式餅鋪既蛋撻!
回覆刪除明明公司樓下就有聖X娜但肥人偏要用20-30分鐘來回去買!
堅持要食到舊式餅鋪果隻呀, 哈哈!!!!
支持妳做個有堅持嘅人💪🏻💪🏻
刪除我嘗試google 但唔太肯定咩係舊式餅舖蛋撻,寶城算唔算係呀?
岩岩去GOOGLE睇左, 寶城算呀!
刪除哦,咁我都係想食舊式餅舖嘅多啲呀😋!
刪除唉
回覆刪除依家仲好多野都唔講得,見到老家變成咁,真係好無奈。
刪除你兩個人食咁多壽司?兩大盒啊!
回覆刪除我發現香港賣嘅日本版出前一丁,同本身香港版,味道無分別!不過美國賣嘅香港製造版就無咁好味,奇怪。
壽司係正餐之中,我唯一可以食到同主子平起平坐,不過呢餐,佢都幫我食咗半條手卷。
刪除我地覺得日本版麵質好似彈牙啲又無咁膠膠咁味,不過利申,就算平時見我地茶記食一丁,我都好少食,所以我對港版一丁味道印象唔太深。妳講嘅係都唔出奇,之前聽人講,合味道杯麵都有呢個情況,主要係不同地方,麵質軟硬度會有分別,可能對味道都有影響,但妳話喺美國買嘅係product of HK,咁又確係怪,唔通關軟水、硬水事,lol!
令人懷念的蘋果,蛋撻係港人愛吃啊!😋
回覆刪除已經一個多月,我都仲係未習慣,同埋,以後亦少咗機會學到港式潮語。蛋撻菠蘿包亦係呢邊老華僑至愛喔!
刪除可憐的蘋果!
回覆刪除希望前員工們都可以平安無事!
刪除