非常興奮,因為Mr. Dolphin 和海豚兒,一起放了一星期大假。
放大假前的週末,我倆吃了茶餐和好好味Popeyes chicken。
主子話,既然放假,這個星期會比平常影多些照片,於是,他做了兩個決定。
大假的第一天即星期六,主子先去剪個靚髮,然後去買部新相機📷,來頂替2016年在東京買,一直用到現在的舊相機。而這篇最頂兩張相,就是主子用新相機影啦,而其餘的,都是海豚兒正常地~求其是但電話相咯。
辦妥正經事就去醫肚,午餐不錯吃,熱奶茶更加是有驚喜。最爆笑是員工搬東西時,「不小心」手踭大大力撞到主子背脊,然後主子整個人傾前,情況有點像當年某高官比麒麟撞開咁,海豚兒基本上笑到收唔到聲,搞到員工好尷尬咁企咗喺度道歉。而可憐的主子,比海豚兒笑足一個禮拜,話佢比麒麟襲擊🤣🤣
是日晚餐,我倆就去近期至愛壽司店,買外賣回家慢慢嘆!
來到加拿大感恩節的星期日,我倆選擇去市中心搵食,因為在這天,一般來說會較少人去市中心玩樂。
早前在blog友車媽媽處,看見她去日本吉列牛專門店幫襯,海豚兒才想起,多倫多差不多兩年前,也開了一間同類型餐廳,一直想幫襯,但因為疫情而早已忘了。又原來,這店子跟車媽媽幫襯的,是同一集團,不過,香港分店在食物選擇上會多些,花臣也多些。
至於味道和服務,海豚兒和主子也很滿意,可能因為可以按口味,選擇自己喜歡的部位和肉質啦,這兒的吉列牛,比平常吃到的吉列豬和吉列雞,更得我倆歡心。
食飽飽就去行下街,一行就行了兩個多鐘。。。
然後就去了間日式甜品店,不過可能因為當天甜品店有特別活動而比較多人,海豚兒心儀的甜品已賣光光,最後,就買了一杯不錯的綠茶雪糕吃,還額外買了兩件一般般甜品回家。
雖然這是感恩節長週末,但我倆沒有打算吃火雞,反而決定一整天也要吃日式食物,所以晚餐也挑了一間日本人經營的餐廳,除了海豚兒點的主菜,鰻魚有點過淋以外,所有食物也好好吃,非常有驚喜,服務亦很讚,加上,一整份晚餐才$26加紙,約$160港紙,雖然要另加13%稅和20%小費,但單價已包麵豉湯、沙律、魚生、天婦羅、主菜連飯,扺食到無朋友呀!
就這樣,我倆便展開了一星期增月巴之旅😅。
早晨呀, 海豚兒 💙💚💛💜❤️
回覆刪除原來加拿大的感恩節和美國的感恩節不在同一天 :
加拿大每年十月的第二個週一,美國11月的最後一個星期四😅
午安呀!係呀,感恩節日子不同,但購物嘅大日子,黑色星期五就跟美國一樣,嘻嘻!
刪除Popeyes chicken 未食過, 有啲啲似肯德基家鄉雞喎
回覆刪除Popeyes Chicken Yorkdale https://www.facebook.com/popeyesyorkdale/
KFC HK https://www.facebook.com/kfchk
我第一次食係喺Houston ,都可以話係一試難忘,而自從多倫多開業後,我都再無幫襯過北美嘅KFC了!
刪除全日都食日本餐,正呀
回覆刪除係呀,而且全部都係亞洲菜,應該都好啱妳口味呢!
刪除你地次次都買好多吞拿魚魚生,我自己對佢(無論係拖羅與否)係無特別喜好架。
回覆刪除我唔知道依家仲有人買相機架!我以前全世界都淨係用手機,或者單反(如果專業嗰啲)。我都唔記得我上一次有相機係幾多年前喇!
哈哈,因為我地超鍾意呢個toro set,每次食都覺得好味到好似去咗日本咁!
刪除對上一次主子換相機(2017年),我已有同感,不過,佢到依家都覺得影相係要用相機先合理,就尤得佢,我一定唔係嗰啲,會因為另一半買啲自己唔用嘅野而瓜瓜嘈嘅人,我知妳都唔係!😉
我嘅睇法同錢或者我會唔會用無乜關係,我只係覺得另外帶個相機出街好麻醉!
刪除係好麻煩架,每逢帶相機出街,佢都會‘咩’袋,而平時係唔會嘅,不過唔駛我拎,我亦都唔會管佢,我多數都會話,你鍾意買就買啦。
刪除你個度真係好多野揀呢, 你地都食左唔少好西
回覆刪除我覺得近年多倫多喺食方面,真係多咗好多選擇,尤其係喺市中心想搵日本野食,就更加之多,所以都幾有口福呢!
刪除見到有咁多美食,真羨慕。好似去左日本咁。
回覆刪除妳講中咗呀,我地係故意喺市中心搵日式食物,扮到自己好似去咗日本玩咁呀,哈哈!
刪除放了一星期大假好開心啊!哈哈成功引咗妳地去食勝牛。
回覆刪除係呀,假期臨完之前,仲好唔捨得,勁唔想返工添呀!好在有妳提醒咗我,不過真係估唔到係同集團就真!
刪除好鬼正喔!我已食飽飯才入來睇,都搞到我吞晒口水啊😋
回覆刪除嘻嘻,正宗日本野食又真係由擺盤到食物都吸引啲嘅,下次去探小情人時,都去食番夠本日系菜式吖!
刪除好正呀, 我都好鐘意食日本野
回覆刪除日本真係好鬼吸引,由食物、用品到旅遊,都十分吸引,唔知幾時可以再去呢!
刪除