嗨,好久不見!
轉眼間,我都結婚成十六年啦💞!另一半對我好好,唔駛擔心👌🏻!
早幾年,有套電影嘅對白「人一生總會愛上幾個人渣的」。
我算好彩,無愛上過渣男,不過,就遇過一個,嗰個咪你老公囉😆。
但我都當佢無到架啦,反正,喺佢眼中,我連呼吸都係錯😒。
講起佢,又有新搞作呀。每年,我都會買張卡再夾啲錢寄比佢。
佢收到,會禮貌上,打個電話黎通知我。
但呢兩年,佢收到張卡,唔係打電話比我,而係打比喺三藩市嘅姐夫😅。
舊年,姐夫睇見個來電顯示唔識於是無聽,喺留言聽番先知,原來個留言係話多謝我張卡同錢🤨?!
今年,佢又「唔小心」打咗去姐夫度😏,撞啱家姐喺姐夫隔離,聽咗個電話,佢話自己睇錯隔離,所以打錯喎😑。。。
我無理佢呀,反正唔駛應酬佢,我樂得清閒😁。
最估唔到嘅係,竟然係家姐估佢係專登咁做喎,你話呢🤔?
轉個話題,以前我地咪好鍾意,叫一籠叉燒包兩份食嘅,已經好耐無人同我些牙叉燒包啦。
不過,近年我都少食傳統叉燒包,因為愛上咗雪山叉燒包呀😋。
永遠不會忘記,每次去飲茶,親手拎籠叉燒包比你時,你眼裏有幾感動🥺。
我知道,呢個眼神,只會喺好錫好錫自己嘅阿媽眼中,流露出黎💓。
來到今天,你離開剛好三十年,我仍然努力把屬於我們緊餘的記憶,好好保存著。
媽咪,我愛你!
媽咪最最最偏心的女兒上😘😘
One of these days, we will see our loved ones again! :hugs:
回覆刪除Thanks so much for your encouragement and kind words 🥰
刪除我算好彩,無愛上過渣男,不過,就遇過一個,嗰個咪你老公囉>> 我好有共鳴
回覆刪除唉,是無耐亦是不幸,但不幸中之大幸,這不是自己的另一半😅
刪除早晨呀, 海豚兒 💙💚💛💜❤️
回覆刪除真的 好.. 好.. 感動哦❗️ 我快要哭了 😢
人生旅途, 該放下的, 忘了吧! 該珍惜的, 永遠放在心上❤️
㊗️ 天天愉快心情好❗️ 加油 💪
謝謝妳的祝福!雖然也曾經經歷過一些難過的日子,但過去了也就好,最緊要唔好一世俾呢啲人和事纏繞。
刪除源源思念之情!伯友必定收到。
回覆刪除謝謝妳!講樣搞笑嘢妳知,姐夫同我家姐講,佢係俾我媽暗住雙眼而娶我家姐🤣
刪除無謂的事,唔需要介懷。自己有幸福就會快樂。開開心心的過每一天! love you loads!
回覆刪除謝謝妳!過咗咁耐,都學識咗唔理佢,反正佢仲有家姐可以搞,我樂得清靜!
刪除如果係我,一早已經同個渣男say goodbye啦,仲咁好送禮寄卡!血緣對於我嚟講,無任何必然價值。不過你心地好過我就真嘅。
回覆刪除妳係甚少會咁講嘅人呀👍🏻,其實我好怕人話”嗰個始終係你爸”,因為佢當年無論對我幾差,我都無喺親友面前講過半句,所以,真係無人有資格話我做得少。喺佢口中,我媽嘅突發心臟病係俾我家姐害死、而我哥短命又俾我媽害死,可能潛意識上,我廢事佢話我害死佢,所以一年一個拜年電話、一張卡,我嘅OCD會逼我咁做😜,問心無愧!
刪除你已好盡責了,或許他年紀大記憶退化呢?人生苦短,只要問心無愧,做自己喜歡的事,開開心心過好每一天就好。
回覆刪除謝謝妳!我都唔想知佢係咪真係唔記得,佢自己覺得講得通就好😜,我會呀,成日覺得自己好似我媽,會好早賣鹹鴨蛋,所以真係要好好過每一天!
刪除我地要開心地過每一天 ^^
回覆刪除謝謝妳!好在我個人本身唔多野諗,閒來只會諗下放假食咩好,同埋點樣整古下另一半😁
刪除雪山叉燒包睇落都幾正咁喎,正!😛
回覆刪除呢個雪山叉燒包真係特別正,係上次返黎,blog友們專登帶我去國金軒食架😋😋
刪除Hugsss
回覆刪除謝謝妳!有得必有失,慶幸我得到的遠比失去的多😊
刪除